جتي سڄي مملڪتِ پاڪستان هن وقت ٻوڏ جهڙي قدرتي آفت کي منهن ڏئي رهي آهي ۽ ڪروڙين ماڻهو ٻوڏ کان سڌي يا اڻ سڌي طرح متاثر ٿيا آهن، اتي اسان جي (اسان جي نه پر ملڪ جي) حڪمرانن جي ڪارڪردگي مثالي آهي۔ ٻاهرين دورن تي جيتري قدر رقم پاڪستان جي قائم ٿيڻ کان وٺي خرچ ٿيندي رهي آهي اها ڪنهن کان ڳجهي نه آهي، هينئر ٻوڏ جي دوران امداد وٺڻ جي بهاني به جيڪي ٻاهرين ملڪن جا دورا ٿي رهيا آهن انهن ۾ حڪمرانن جون شاهه خرچيون جاري آهن۔ اسان جو پرڏيهي وزير شاهه محمود قريشي ٻاهرئين ملڪ ۾ امداد وٺڻجي لاءِ اڄ ڪلهه نيويارڪ منجهه ترسيل آهي ۽ جنهن هوٽل ۾ ترسيو آهي اها آمريڪا جي مهانگي ترين هوٽل آهي، جنهن جو نالو نارڪلي ڪانٽينينٽل هوٽل آهي۔۔ هڪ پاسي هو دنيا کان پنندو رهي پيو ۽ ٻئي پاسي جنهن هوٽل ۾ رهي پيو ان تي صرف ٻن ڏينهن ۾20 هزار ڊالر خرچ اچي ويو آهي۔۔ ياد رهي ته اها ساڳي هوٽل آهي جتي نيو يارڪ وڃڻ مهل صدر آصف زرداري به رهائش اختيار ڪندو آهي۔۔ اها صرف ٻن سياستدانن جي اسٽوري نه آهي پر هر ڪو سياستدان ان وهندڙ گنگا مان هٿ ڌوئي پيو
