عاشق سولنگي
سينيئر رڪن
هالي ووڊ جي اداڪاره انجلينا جولي پاڪستان ۾ ٻوڏ متاثرن جي امداد لاءِ 1 لک ڊالر ڏنا آهن جيڪي پاڪستاني ڪرنسي ۾ 85 لک آهن ۽ اِها امداد پاڪستاني صدر آصف علي زرداري پاران ڏنل 50 لک ۽ ڪيترن ئي سياستدانن پاران ڏنل رپين کان وڌيڪ آهي.
ڪجهه پاڪستاني اڳواڻن پنهنجي امداد جي رقم لڪائيندي چيو آهي ته اسين پنهنجي امداد پنهنجي پارٽي فنڊ ۾ ڏئي ڇڏي آهي. سرعام امداد جا دُهل وڃائيندڙن ۾ زرداري ۽ الطاف حسين 50،50 لک رپيا ڏنا آهن.
وزير اعظم سيد يوسف رضا گيلاني جو چوڻ آهي ته کيس نقد پئسا ڏيڻ مناسب نٿو لڳي تنهنڪري يوسف رضا گيلاني کاڌي پيتي جي سامان جي شڪل ۾ امداد ڪئي آهي.
پاڪستان مسلم ليگ جي سربراهه ميان نواز شريف، پنجاب جي وڏي وزير ميان شهباز شريف ۽ سندن خاندانن ٻڌايو آهي ته اسين اڍائي ڪروڙ رپين جون شئيون ٻوڏ متاثرن جي امداد لاءِ ڏنيون آهن. نواز ڀائرن نقد پئسا ڪونه ڏنا آهن.
مسلم ليگ ق جي سربراهه چوڌري شجاعت حسين ۽ سندس خاندان پاران اڍائي ڪروڙ رپين جي امداد ڏني وئي هئي.
