نثارناز
سينيئر رڪن
سنڌ سلامت جا ساٿيو، السلام عليڪم۔ مونکي ڪا خبر ناهي ته عربي مان سنڌي ۾ آندل هي لوگو ٽيمپليٽ ڪيتري قدر مقبول ويو، جيئن ته رمضان ڪريم جي آمد جي سلسلي ۾ هي عربي ٽيمپليٽ سنڌي ۾ ترجمون ڪري ماه رمضان جي آجيان ڪئي وئي، اڄ ماشاالله رمضان مهيني جي 21 تاريخ آهي، باقي 9 ڏينهن يا 8 ڏينهن رهيا آهن رمضان شريف جو مهينو ختم ٿِي ويندو ، ان هوندي به سنڌ سلامت جي بينڊٿ وٿ جي وڌڻ ۾ انهي ٽيمپليٽ جو به وڏو حصو آهي، چلو خوبصورت رنگن ۽ چارمنگ جي ڪري ڪافي ڪشش هُئي ان ۾ هڪڙي ڳالهه دوستن کي شيئر ڪندو هلان ته هڪڙي پروفيسر صاحب کي انهي ٽيمپليٽ جو ديدار ڪرايم ته پاڻ کلندي چوڻ لڳو ته ناز ماشا الله مذهبي نقطي نگاهه سان ته اهو ٽيمپليٽ انتهائي شاندار آهي ايتري قدر جو توهان جي سنڌ سلامت سموري جي سموري مسيت جو ڏيک ڏئي رهي آهي، پر ڪٿي به سنڌ، سنڌي ماڻهن ، جي نمائندگي هن ٽيمپليٽ جي ذريعي ڪونه ٿي رهي آهي، دوستو پراڻو ٽيمپليٽ تمام بهترين هو، جيڪڏهن اهو ٽيمپليٽ ساڳيو رهي ها ۽ اسان بحيثيت مسلمانن جي رمضان ڪريم جي آجيان بهترين ٿريڊ ذريعي به ڪري ٿي سگهياسين، پر نواڻ جي ڪري انهي تبديل ٿيل ٽيمپليٽ جي دوستن سميت سڀني انتظاميه جي ميمبرن پڻ تعريف ڪئي هُئي ۔ جيڪڏهن هن مسيت نما ٽيمپليٽ کي تبديل ڪري وري ساڳيو پراڻو سنڌ سلامت جو ٽيمپليٽ لڳايو ٿو وڃي ته ڪنهن به صورت ۾ سُٺو ڪونه لڳندو انهي ڪري منهنجي سڀني سنڌ سلامت جي ساٿين کي گُذارش آهي خاص ڪري اهي ساٿي جيڪي فوٽو شاپ جو ڪم تمام بهترين نموني ڄاڻندا آهن، جن ۾ ادا ابو زين، ادا ابو واصف ، ادا مست، ڀائو، عاشق سولنگي، ادا ممبئي وارو مولائي رنجيت من جو ميت، ادا وهاب قمبراڻي، ادا عباس منگسي ۽ ادا رشيد سمون جن کي کپي ته چنڊ رات کان پهرين پهرين ڪو نئون لوگو جنهن ۾ شاهه سائين جو بيت ولر ڪيو وتن پرت نه ڇنن پاڻ ۾ ، پسو پکيئڙن ماڻهان ميٺ گهڻو لکي، سنڌ جي تاريخي جاين سنڌ جي روايتي سازن، سنڌ جي ماڳن مڪانن کي ايڪسپوز ڪري ٺاهي موڪليو وڃي ته ساري دنيا جي سنڌ دوستن کي اهو محسوس ٿئي ته واقعي خوبصورتي لحاظ کان، سنڌي ٻولي ۽ سنڌي قوميت جي لحاظ کان سنڌ سلامت جي اڱڻ تي ڪا نئين تبديلي ٿِي آهي۔توهان جا لک ٿورا۔
