عبدالستار ايڌي پاڪستان جي ”مدر ٽريسا“ آهي: رپورٽ انسانيت جي سيوا جي بيمثال ڪردار عبدالستار ايڌي پاڪستان جي مدر ٽريسا آهي. آمريڪي خابرو اداري ”اي پي“ موجب ميرن ڪپڙن ۾ جسماني ڪمزوري سبب ڪُٻڙو ٿي ڪري هلندڙ ايڌي جڏهن روڊ تي هلڻ شروع ڪندو آهي ته رپين جي برسات شروع ٿي ويندي آهي ۽ سندس جهولي پئسن سان ڀرجي ويندي آهي. ٻوڏ متاثرن جي امداد ڪرڻ لاءِ اپيل ڪرڻ کانپوءِ پاڪستان جي هر طبقي ٻوڏ متاثرن جي مدد ڪرڻ لاءِ کيس پئسا ڏنا. عبدالستار ايڌي هر امداد ڪندڙ شخص جو شڪريه ادا ڪيو. ماڻهون ساڻس تصوير ڇڪرائڻ کي وڏي اهميت ڏيندا آهن. 4 ڪلاڪن ۾ سندس باسڪٽ ۾ 15 هزار کان پڌيڪ ڊالر هئا. ايڌي سندس زندگي جا 60 سال انسانيت جي خدمت ۾ گذاري ڇڏيا آهن.
