اڪيلي زندگي گذاريندڙن ۾ شادي شده ماڻهن کان وڌيڪ چريو ٿيڻ جو امڪان طبي ۽ نفسياتي ماهرن چيو آهي ته وچولي عمر ۾ جيڪي ماڻهو اڪيلي زندگي گذاريندا آهن، اهي شادي شده ماڻهن جي ڀيٽ ۾ ننڊ جي خرابين، ذهني دٻاءَ ۽ يادداشت ۾ گهٽتائي جهڙن مسئلن جو وڌيڪ شڪار ٿيندا آهن. ماهرن چيو ته جواني ۽ 45 سالن تائين اڪيلي زندگي گذاريندڙ 85 سيڪڙو ماڻهو پوڙهائپ ۾ چريائپ جو شڪار ٿي سگهن ٿا. اها تحقيق هڪ هزار 450 اهڙن ماڻهن تي مڪمل ڪئي وئي، جن جي عمر 50 سال هئي ۽ اهي اڪيلي زندگي گذاري رهيا هئا. ٻئي مرحلي ۾ 65 کان 80 سالن جي عمر وارن ماڻهن جي ذهني حالت کي ڏٺو ويو، تحقيق ڪندڙ ماڻهن مردن ۾ ديوانگي جي خطري کي وڌيڪ ۽ عورتن ۾ گهٽ قرار ڏنو آهي. اها تحقيق پروفيسر مهبا ڪيوي پيٽيلو مڪمل ڪئي، جنهن کي ”برٽش ميڊيڪل جرنل“ ميگزين شايع ڪيو آهي بشڪريه ويچار ڊيسڪ
