هڪ سنڌي اديب زيب سنڌي ولد عبدالستار شيخ زيب سنڌي جو اصل نالو محمد خان ولد عبدالستار شيخ آهي. سندس ولادت 7 سيپٽمبر 1957 تي خيرپور ميرس ۾ ٿي, سندس اصل شهر لاڙڪاڻو آهي. پاڻ مشهور ڪهاڻيڪار، ڊراما نويس ناول نگار ۽ ريڊيو، ٽيلي ويزن جو ناميارو ڪمپيئر آهي. ڪهاڻين جي چئن ڪتابن سوڌو سندس 13 ڪتاب ڇپيل آهن. ” ڌنڌ ۾ گم ٿيل منظر “ ۽ ” حيدرآباد 47 ڪلوميٽر “ سندس ڪهاڻين جا اهم ڪتاب آهن. سندس ترجو ڪيل ليلا خالد جي آتم ڪهاڻيءَ ” اسان زندهـ رهنداسين “ جا ڪيترا ئي ايڊيشن ڇپجي چڪا آهن. زيب سنڌي 1981 ۾ سنڌ يونيورسٽي مان سنڌي ۾ ماسٽرس ڪئي. 1988 ۾ ريڊيو جو پروڊيوسر ٿيو پر سگهو ئي اها نوڪري ڇڏي ليڪچرار ٿيو. هن وقت سچل آرٽس ڪاليج ۾ اسسٽنٽ پروفيسر آهي. ريڊيو پاڪستان حيدرآباد سان ڪمپئرنگ وسيلي لاڳاپيل آهي. زيب سنڌي ڪهاڻيڪار سان گڏ ڪامياب ڊراما نويس به پڻ آهي. پاڻ اردو توڙي سنڌي ۾ 9 ڊراما سيريلز،5 ٽيلي فلم ۽ 25 سولو ڊراما پاڪستان تيلي ويزن، ary, hum tv,ktn, sindh tv, mehran tv, awaz tv ۽ ٻين چينيلز لاءِ لکيا جيڪي پڻ ڪامياب ٿيا. سندس اردو سيريل جانشين پاڪستان ٽيلي ويزن جي تاريخ ۾ مقبوليت جو رڪارڊ ٺاهيو ۽ ptv جي تاريخ جو رڪارڊ بزنس حاصل ڪيو. جڏهن تـ سندس اردو ڊراما سيريل انجاني راستي ۽ ٽيلي فلم سيتا زينب پڻ تمام گهڻو مقبول ٿيون.زيب سنڌي کي پي بي سي ايوارڊ (بهترين ليکڪ ۽ ريڊيو ڪمپئر) بهترين ليکڪ جو ڪي ٽي اين ايوارڊ، سنڍ يونورسٽي پاران مڄتا شيلڊ ۽ سنڌي ادبي سنگت ڪارگردگي ايوارڊ سوڌو ڪيترا ايوارڊ مليل آهن. بشڪريه وڪيپيڊيه
جواب: هڪ سنڌي اديب عبدالستار شيخ عرف زيب سنڌي 7 سيپٽمبر تي سندن ڄم جو ڏينهن آهي، مان سندن کي فيس بوڪ تي مبارڪ باد به ڏني آهي۔۔
