مولانا عبيدالله سنڌي 1872ع ۾ ڳوٺ چيانوالي ضلع سيالڪوٽ پنجاب ۾ ڄائو. پاڻ سک گهراڻي سان تعلق رکندو هو. سندس پيدائش کان اڳ سندس والد وفات ڪري ويو. ٻن سالن جو ٿيو ته سندس ڏاڏو به وفات ڪري ويو. سندس ماءُ پنهنجي پيڪن ڊيرا غازي خان وٺي آئي. اتي هڪ دوست کان اسلامي ڪتاب پڙهڻ جو موقعو مليس، جڏهن تحفته هند نالي هڪ ڪتاب پڙهيائين ته توحيد جي مسئلي کي سمجهي ورتائين. 1887ع ۾ مائٽن کي خير آباد چئي حافظ محمد صديق ڀرچونڊي واري جي هٿ تي مسلمان ٿيو. اتي 6 مهينا رهي دارالعلوم ديوبند ويو. حافظ سان روحاني نسبت جي ڪري پاڻ کي سنڌي سڏائڻ لڳو. ان کان پوءِ بزرگ امروٽي جي خدمت ۾ حاضر ٿيو. هتي ماهوار رسالو هدايت الاخوان جاري ڪيائين. 1915ع ۾ ڪابل ويو ۽ 1922ع ۾ 6 مهينا روس ۾ گذاريائين. ترڪي جي شهر استنبول به ويو. 1345هه ۾ مڪي ڏانهن اسهيو. 25 سال جلاوطن رهڻ بعد 1939ع ۾ سنڌ واپس آيو ۽ سنڌ ساگر انسٽيٽيوٽ قائم ڪيائين. 22 آگسٽ 1944ع ۾ ڳوٺ دينپور بهاولپور رياست ۾ وفات ڪيائين.
جواب: عبيدالله سنڌي سائين توهان ته سنڌ جي هڪ عظيم شخصيت جي سوانح ونڊ ڪئي آهي جنهن ونڊ تي اوهان کي سلام پيش ڪجي ٿو۔ ادا اگر سنڌي صاحب بابت تفصيلي معلومات حاصل ڪرڻي هجي ته سنڌ جي مشهور ليکڪ علي محمد شاه راشدي جو لکيل ڪتاب ( امام انقلاب عبيدالله سنڌي ) پڙهڻ گهرجي۔ جنهن لاء لکيل ڪتاب جي نالي مٿان ڪلڪ ڪري توهان سنڌي ادبي بورڊ جي لنڪ تي اهيو ڪتاب پڙهي سگهو ٿا۔
جواب: عبيدالله سنڌي ادا طاهر صاحب واقعي مولانه آزاد جي تصوير لڳائي ڇڏي آهي، جڏهن ته منهنجي لڳايل تصوير ته مولانه عبيدالله سنڌي صاحب جي آهي۔
جواب: عبيدالله سنڌي عبيد الله سنڌي پنهنجي عقيدت منجهاران سنڌي ٿيو ۽ سندس سنڌ سان محبت ظاهر ٿئي ٿي، حق ۽ سچ جو مبلغ هو جنهن پنهنجي علمي ڏاهپ جو پورو حق ادا ڪيو ۔۔۔ کيس سلام هجي رب العالمين سندس مغفرت فرمائي جنت الفردوس عطا ڪري ۔۔۔ آمين
جواب: عبيدالله سنڌي دوستو پسند ڪرڻ جي مهرباني ادا ممتاز مولانا رحمه الله جون تصويرون ونڊ ڪيون آهن جن تي اڪتفا ڪجي ٿي۔
جواب: عبيدالله سنڌي عبيدالله سنڌي جي زندگي ۾ اسلام قبول ڪرڻ کانپو ٻه دور آهن پهريون دور اسلام جي سچائي ۽ حقانيت جو پرچار ڪرڻ ٻيو دور انڪارحديث ۽ دهريت آهي اميد ته ادا طاهر ۽ ادا ممتاز صاحب عبيدالله سنڌي جي زندگي جي مختلف ادوار کي تفصيلا بيان ڪندا
جواب: عبيدالله سنڌي ادا اوهان جي بقول ٻيو دور انڪار حديث & دهريت تي اوهان ڪجهه روشني وجهي وضاحت ڪندا ته مهرباني ٿيندي.
جواب: عبيدالله سنڌي ادا جي ڪڏنهن اوهان کي ڪو اعتراض ٿيو آهي ته اوهان هن فورم تي نه آڻيدا ڇو ته اڳ ۾ به بحث مباحثه ٿيندا رهيا آهن جنهن ۾ فائدو گهٽ نقصان زياده ٿيو آهي۔ ٻيو ته هر شخص تي تقريباً ٻن پهلوئن تي قلم کنيو ويو آهي مثلاً راجه ڏاهر ۽ محمد بن قاسم وغيره ۽ ڪن جو خيال هڪڙو آهي ته ڪن جو ٻيو پر بحيثيت مسلمان جي نبي ڪريم صلئ الله عليه وسلم جي فرمان مطابق ته مسلمان مٿان سٺو گمان رکڻ گهرجي۔اميد آهي ته اوهان مهنجي ڳاله سمجهي ويا هوندو۔ مهرباني
