لنڊن (مانيٽرنگ ڊيسڪ) اڳوڻي صدر جنرل (ر) پرويز مشرف چيو آهي ته مختلف مسئلن ۽ ڏکيائين جو شڪار پاڪستاني عوام کي ان سان ڪو به مطلب ناهي ته ملڪ ۾ مارشل لا آهي يا جمهوريت آهي، جمهوري نظام کي ڪامياب بڻائڻ لاءِ عوام کي سجاڳ ٿيڻو پوندو، هڪ انٽرويو ۾ پرويز مشرف چيو ته ڪنهن به ملڪ ۾ مارشل لا عارضي نظام هوندو آهي، اصل شيءَ جمهوريت آهي، پاڪستان ۾ جمهوري نظام آهي ۽ جمهوري نظام جاري رهڻ گهرجي، هن چيو ته عوام ملڪ ۾ مجموعي ترقي، خوشحالي، ناانصافي، غربت، جهالت، بيروزگاري، مهانگائي ۽ معاشي ڏکيائين جو خاتمو چاهي ٿو، عوام نه ٿو ڏسي ته ملڪ ۾ مارشل لا لاڳو آهي يا جمهوري نظام آهي.
