چوٿين خليفي حضرت علي رضي الله عنه جا اقوال حديث سيڪشن ۾!!!

[TAHIR SINDHI]

دوستو السلام عليڪم ورحمت الله وبرڪاته
اميد آهي ته سڀ سلامت هوندا
عرض اهو رکڻو آهي ته اڳ به ادو مست مولا علي ڪرم الله وجهه جا اقوال حديث سيڪشن ۾ ونڊيندو رهيو اهي.
ٻيا به مثال آهن.
اڄ به ادا علي حيدر جو هڪ موضوع ظالم مان انصاف جي اميد جي نالي سان حديث جي سيڪشن ۾ ونڊ ٿيو آهي.
اها ٻي ڳالهه آهي ته ادا وارث هڪ سوال ڪيو ته علي وارث يا الله وارث ان موضوع کي اڳنان وڌڻ ئي نه ڏنو ويو & ڪنهن به ان ۾ پنهنجو يارو نه ڏنو اچڻ شرط فورن ادا مست ان موضوع کي اهو چئي تالو ڏئي ڇڏيو ته هي مذهبي فورم نه اهي.
خبر نه آهي ته ادا مست اها ڳالهه ڪهڙي حساب سان ڪئي؟
جيڪڏهن مذهب جي گنجائش اسان جي فورم تي نه آهي & اسان جو تعلق مذهب سان برائي نام ئي آهي ته پوءِ خدارا اسلام زنده باد پنهنجي قرآن مجيد، حديث & امن عالم سيڪشنن سميت ختم ڪيو وڃي.
پر جي ائين نه آهي ته پوءِ اخلاقي دائري جي اندر رهي اسان کي هر موضوع تي پنهنجي دين & عقل کان مدد وٺندي شرڪت ڪرڻ گهرجي.
منهنجو انتظاميه کي عرض آهي ته ڪنهن به موضوع تي ڪجهه ته ڳالهائڻ ڏنو وڃي.!!!
ٻيو عرض اهو آهي ته حديث ڇاکي ٿو چئجي؟
ڇا مولا علي ڪرم الله وجهه جن جا اقوال حديث سيڪشن ۾ ڏيڻ درست آهي؟
جڏهن ته اسلام زنده باد هيڏو وڏو سيڪشن آهي پوءِ ٻيون اسلامي ڳالهيون اسان ان پوري سيڪشن ۾ به ڏئي سگهون ٿا.
قرآن مجيد & حديث سيڪشن ۾ صرف قرآن مجيد & حديث ئي کي رهڻ ڏنو وڃي، اقوال صحابه يا اقوال بزرگان دين جي انهن ٻن سيڪشنن ۾ گنجائش نه آهي.
سنگت جو ڇا خيال آهي؟

 

[مست]

جواب: چوٿين خليفي حضرت علي رضي الله عنه جا اقوال حديث سيڪشن ۾!!!

ادا طاهر سنڌي! توهان حديث سيڪشن جي باري ۾ بلڪل درست فرمايو‌ آهي۔۔ اها مان پنهنجي غلطي تسليم ڪيان ٿو، پر ان باري ۾ توهان کي پهرين تصحيح ڪرڻ‌گهرجي ها، ٻيو ته ڪنهن به دوست ان باري ۾ نشاندهي نه ڪئي۔ جيڪڏهن پهرين نشاندهي ڪئي وڃي ها ته مان صحيح سيڪشن ۾ مولا علي عليه السلام جا قول موڪليان ها۔
باقي جنهن موضوع جي اوهان ڳالهه ڪري رهيا آهيو، توهان پاڻ‌ڄاڻيو ٿا ته انهيءَ‌تي نه ختم ٿيندڙ بحث جو هڪ نئون سلسلو شروع ٿيندو۔ توهان هن فورم تي نوان نه آهيو، گذريل موضوعن جا نتيجا اوهان جي اڳيان آهن۔۔
موضوع تي تالو مان انهيءَ‌ ذميواري سان لڳايو آهي جيڪا انتظاميه جي هڪ فرد هجڻ سان مون تي لاڳو ٿئي ٿي۔۔

 

[بشيراحمد]

جواب: چوٿين خليفي حضرت علي رضي الله عنه جا اقوال حديث سيڪشن ۾!!!

ادا طاهر واقعي هي اسلامي فورم ته نه آهي پر هن ۾‌اسلامي سيڪشن موجود ضرور آهي پر هتي ڪجھ دوستن کي اسلامي فورم سان خاص " محبت " هجڻ ڪري هن سيڪشن سان ماٽيجي ما وارو سلوڪ آهي منهنجو هڪ دوست هتي صرف اسلامي سيڪشن لا آيو هو پاڻ اردو فورم تي تمام گهڻي تعداد ۾ اسلامي ، اصلاحي مضمون لکي چڪو آهي پر هتي سندس لکيل جزاڪ الله کي اپروو ٿيڻ تي ٻه ٽي ڏينهن لڳي ويا ان دوست شڪايت ڪئي پر ڪنهن ادني نه اعلي جي ڪن تي جون سري پر جيڪڏهن ڪٿي ڪنهن حديث جي صحت يا ضعف جو مسئلو آهي يا افهام وتفهيم جو مسئلو آهي ته ان جي باري قوانين جي پابندي مسلمه آهي پر ايتري قدر حساسيت سراسر اسلامي تعليمات کان بوريت جو اظهار آهي ۔

 

[رشيد سمون]

جواب: چوٿين خليفي حضرت علي رضي الله عنه جا اقوال حديث سيڪشن ۾!!!

جيئن ته سنڌ سلامت فورم جو بنيادي مقصد ”سنڌ ۽ سنڌيت“ آهي ان ڪري فورم جي لکڻين ۾ مقصد کي خاص اهميت ڏني ٿي وڃي ۔۔۔ باقي جيئن ته مختلف اهلِ علم جي خاطر مختلف سيڪشن پڻ بڻايا ويا آهن ان ڪري فورم تي مذهب سيڪشن کي پڻ خاص اهميت ڏيندي نه صرف اسلام پر غير مسلم سنڌين خاطر امن عالم جو سيڪشن پڻ فورم تي رکيو ويو آهي۔۔۔۔
ڪجهه وقت اڳ نه چاهيندي به مذهب سيڪشن کي وڌيڪ سڪيور بڻائڻو پيو جو فورم تي نه کٽندڙ بحث شروع ٿي ويو۔۔۔ خير سنڌ سلامت فورم کي اهڙن بحثن تي پڻ ڪو اعتراض نه آهي پر جڏهن اهڙن خاص ۽ نازڪ موضوع تي بحث جذباتي بڻجي ٿو ۽ رڪن هڪ ٻئي سان نفرت جو اظهار کليل لفظن ۾ ڪرڻ سان گڏو گڏ رپورٽ اختيار کي استعمال ڪندي، ذاتي پيغامن ذريعي يا وري فون ڪالز جي صورت پنهنجي مذهبي جذبات جي مجروح ٿيڻ جو ذڪر ڪندا آهن ته مجبورن انتظاميه کي سختي رکڻي پوندي آهي۔۔۔۔
ظاهر ڳالهه آهي ته انتظاميه جو رڪن هر وقت به فورم تي موجود نه هوندو آهي جو انتظامي ڪمن کي بهتر طريقي سان انجام ڏئي سگهي۔۔۔ اهو ئي سبب آهي جو سائين بشير احمد جو دوست پڻ وڌيڪ عرصو فورم تي گذاري نه سگهيو۔۔۔ جنهنجو افسوس آهي۔۔۔۔
باقي جيئن ته فورم تي هر مڪتب فڪر جو رڪن موجود هوندو آهي ان ڪري سندن درميان نفرت کي پکيڙڻ سنڌ سلامت جو مقصد نه آهي ۔۔۔۔ بلڪه فورم جو مقصد ئي محبتون پکيڙڻ آهي۔۔۔۔ ان ڪري انتظاميه کي ان ڳالهه جي خاص تلقين ٿيل آهي ته اختلافي موضوعن تي نظر رکندي انهن کي اڳتي وڌڻ ئي نه ڏنو وڃي جنهن سان نفرتون پکيڙجن۔۔۔۔
گذريل رمضان ڪريم جي آمد تي ڪافي دوستن جي خواهش کي نظر ۾ رکندي اسلام سيڪشن ۾ تحرير جو پهريان ادارت هيٺ اچڻ کي ختم ڪيو ويو ۔۔۔۔ پر ڪجهه ڏينهن اڳ کان هڪ دفعو ٻيهر صورتحال ناپسنديده رخ طرف وڌي رهي آهي۔۔۔۔ جنهن کي انتظاميه طرفان سنجيدگي سان ڏٺو پيو وڃي۔۔۔۔ جيڪڏهن صورتحال بهتر نه ٿي ۽ دوست اهڙن موضوعن تي هڪ ٻئي سان وڌيڪ نفرت ڪرڻ لڳا ته مجبورن هڪ دفعو ٻيهر مذهب سيڪشن کي پراڻي ڪيفيت ۾ آندو ويندو۔۔۔۔

جيئن ته هن موضوع ۾ ادا بشير ۽ ادا طاهر ٻنهي طرفان اٿاريل ڳالهين جو جواب ڏنو ويو آهي ان ڪري هن موضوع کي هتي بند ڪيو پيو وڃي ۔۔۔۔ جيڪڏهن هن موضوع تحت ڪنهن رڪن کي وڌيڪ ڳالهائڻو آهي ته هُو عليحده موضوع بجا ذاتي پيغام ذريعي پنهنجي راءِ موڪلي۔۔۔۔