Uploaded with ImageShack.us نامياري شاعر ، افسانه نگار ۽ صحافي هدايت بلوچ جو جنم 6 جون 1948 ع تي خيرپور ميرس ۾ ٿيو. سندس والد جو نالو غلام نبي اداسي بلوچ آهي جيڪو به سنڌي ادب ۽ شاعري جو وڏو نالو رهيو آهي. پاڪستان جو ناليوارو براڊڪاسٽر ۽ شاعر عنايت بلوچ سندس وڏو ڀاءُ آهي. هدايت بلوچ جي تعليم ايم.اي پوليٽيڪل سائنس ۽ ايل ايل بي آهي. 1972 کان 1987 تائين ڪراچي شپ يارڊ ۾ مختلف انتظامي عهدن تي ڪم ڪيائين. 1987 کان 2008 تائين پي آئي اي ۾ مختلف عهدن تي خدمتون سر انجام ڏنائين. 1994 کان 1998 تائين سندس مقرري مئنيجر ڪارگو طور سنگاپور ۾ رهي 2005 کان 2008 تائين بنگلاديش ۾ پي آئي اي جو ڪنٽري مئنيجر رهيو. ادبي حوالي سان سندس سڃاڻپ هڪ شاعر طور آهي. روزاني عوامي آواز ۾ سندس هفتيوار ڪالم ۽ ڪافي عرصي کان چئوسٽا به ڇپبا رهيا آهن. ان کانسواء روزاني هلال پاڪستان ، روزاني جاڳو ۽ روزاني خبرون ۾ به سندس چئوسٽا ڇپبا رهيا آهن. پاڻ سنڌي ادبي بورڊ جا ٽن سالن لاء ميمبر به رهيا. هن وقت پاڪستان آرٽس ڪائونسل ۽ ڍاڪا ڪلب آف بنگلاديش جو ميمبر آهي. پاڻ سنڌ گريجوئيٽس ايسوسيئيشن جا لائيف ميمبر ۽ سنڌي ادبي سنگت جا سرگرم رڪن آهن. ٻه دفعا سنڌي ايسوسيئيشن آف نارٿ آمريڪا (سانا) جي گڏجاڻين ۾ امريڪا ۾ به شرڪت ڪئي اٿس. Uploaded with ImageShack.us مارچ 2009 ۾ مسٽر ۽ مسز اقبال ترين جي دعوت تي واشنگٽن ۾ جامي چانڊيو سان گڏ سندن مان ۾ سنڌي شام ملهائي وئي. سندس شاعري جو ڪو ڪتاب مارڪيٽ ۾ ڪونه آيو آهي پر اميد ٿا ڪريون ته سندس ڪتاب جلد اسان جي هٿن ۾ هوندو۔ هدايت جي شاعري سمجهڻ ۾ سولي ۽ آسان پر ڏاڍي وزندار هوندي آهي۔ سندس ڳالهائڻ جو انداز نهايت ڌيمو ۽ پنهنجائپ وارو۔ هدايت صاحب جڏهن به مليو آهي ته سندس پيار سندس چهري مان پيو بکندو آهي۔ حوالو: انسائيڪلو پيڊيا سنڌيانه جي ٿورن سان Uploaded with ImageShack.us Uploaded with ImageShack.us
جواب: ڪومل جذبن ۽ احساسن جو شاعر هدايت بلوچ ادو سليمان وساڻ، هميشه اهڙا ڪم ڪندو آهي جو اهي ڪم اصل موتين ۾ مڙهائي رکجن، سنڌ جي سهڻي شاعر، دلبر ۽ يار ويس هدايت بلوچ جي شاعري ۽ شخصيت کي هن اڱڻ جي سونهن ٺاهي اصل قرب ڪري ڇڏيا اٿس ۔۔۔ شروع شروع ۾ جڏهن آ پاڪستاني ڪوارٽرس ۾ سائين محترم شمشير الحيدري جي گهر اچڻ وڃڻ شروع ڪيو ته سائين شمشير هميشه مونکي هدايت بلوچ جي گهر ۾ ملندو هو، انڪري آ به ساڻس ملڻ لا هدايت بلوچ وٽ هلي ويندو هيس، هي محترم جهڙو ڏسڻ جو سهڻو، اهڙو ئي ڳالهائڻ جو ۽ مٿان وري لطيف ايئن ٻڌائيندو هو جيئن ڪو سڪائتو پنهنجي محبوب جا شعر ٻڌائيندو هجي ۔۔۔ مهامنواز اهڙو جو ويٺي ويٺي سڀ قسم جا کائڻ ۽ پيئڻ اچي سامهون رکبا هئا ۔۔۔ اهڙا سهڻا ۽ سلڇڻا ماڻهون مون پنهنجي زندگي ۾ ڪي ورلي ڏٺا ۔۔۔ وڏي خوشي جي ڳالهه اها ته اڄ سائين هدايت بلوچ سنڌ سلامت جي موچاري اڱڻ تي اچي مهمان ٿيو آهي ۔۔۔ ائين لڳو ڄڻ دعائون ساڀيان ٿيون هجن ۔۔ رب العالمين سنڌ جي ڏاهن کي هميشه شاد ۽ آباد رکي ته جيئن سنڌيت جي پرچار جو علم هميشه اوچو رهي ۔۔۔ آمين لک ٿورا ادا سليمان وساڻ ۔۔۔ سلام @};-@};-
جواب: ڪومل جذبن ۽ احساسن جو شاعر هدايت بلوچ سائين نثار مهرباني هدايت بلوچ صاحب جي ڇا ڳاله ڪجي۔ هڪ بهترين شاعر سان گڏ ان کان به وڏو انسان ۽ شفيق دوست ۔ سندس سان ملاقات کانپوء لڳندو ڄڻ سالن جي واقفيت آهي۔ سائين اڄ سنڌ سلامت جو ميمبر ٿيو آهي اسان کيس ڀليڪار پيا ڪيون
جواب: ڪومل جذبن ۽ احساسن جو شاعر هدايت بلوچ رات ايڏي اُماس ڇو آهي شام ايڏي نراس ڇو آهي ڪنهنجي مُکَ تي ڪا مُرڪ ناهي۔ ماڻهو ايڏو اُداس ڇو آهي! (سائين هدايت بلوچ)ادا محمد سليمان وساڻ اهي تنهنجون اسپيشل مهربانيون آهن جو اسان اڻ ڄاڻن کي اسان جي سنڌ جي مهان ڏاهن جي باري ۾ خبرون چارون ٻُڌائين پيو، توهان خوش نصيب آهيو، جو توهان جون ڪچهريون سائين هدايت بلوچ سان ٿينديون رهن ٿيون، سائين هدايت بلوچ جو تفصيلي تعارف پڙهي سنڌ جي هن بهترين ڪوي جي باري ۾ کوڙ ساري معلومات فراهم ٿِي۔ جنين سَندِي ٻوڏ ۾، ڀَتُون، ڀَتين جِي، تَنَ! تنين پِي اوڏا ، اوڏي پَکڙا ۔۔۔۔۔۔۔(شاهه سائين) عاشق معشوقن جو ، وٺي ويهج دَرُ، اچي پُڇند سُپرين، لهند سار سَڀَرُ، ڀلائِي جو ڀَرُ، رهبر ٿيند راهَه ۾ (شاهه سائين)
جواب: ڪومل جذبن ۽ احساسن جو شاعر هدايت بلوچ مهرباني سائين نثار ناز صاحب سائين هدايت بلوچ بهترين شاعر سان گڏ بهترين دوست ۽ بهترين انسان پڻ آهي۔ اهي سائين هدايت جون مهربانيون آهن جو پاڻ اسان جهڙن ادب جي الف ب کان اڻ واقف ماڻهن سان به ايڏي پيار ۽ پنهنجائپ سان پيش ايندا آهن۔ سائين سان ملاقاتون ٿينديون رهنديون آهن۔
