جواب: چنڊ ايو جوڀن ۾! واه سائين ڊاڪٽر سجاد صاحب اوهان جي هنن سٽن مان عشق جي لاٽ پئي ٻري۔ ۽ ان عشق ۾ سنڌ سان عشق ۽ فطرت سان عشق۔ اوهان جي اچڻ سان سنڌ سلامت جي اڱڻ کي ڄڻ چار چنڊ لڳي ويا آهن ۔ الله اوهان کي آباد رکي۔ سنڌ سلامت ساٿ سلامت
جواب: چنڊ ايو جوڀن ۾! ڊاڪٽر صاحب۔۔ اوهان واحد ڊاڪٽر ٿا ڏسجو جيڪو پنهنجي شاعري جي ذريعي به ذهنن کي تازگي بخشي ٿو۔۔۔ زبردست شاعري آهي۔۔۔۔ باقي هڪ ڳالهه جو مون کي مونجهارو آهي، سائين نثار ناز يا سائين ابڙو صاحب ان ڳالهه ۾ٿوري رهنمائي ڪن ته چاندني لفظ گهڻو ڪري اردو جي لاءِ استعمال ٿئي ٿو، سنڌي ۾ ان کي شايد چانڊوڪي سڏبو آهي
جواب: چنڊ ايو جوڀن ۾! مهرباني ادا مست ۽ رياض، ادا مست توهان صحيح ٿا چئو، سنڌي ۾ چاندني لا صحيح لفظ چانڊوڪي آهي، مگر شعر جي توازن کي برقرار رکڻ لا ٿورو ڦار جو اختيار مڙئي شاعرن وٽ هوندو آهي۔ هونئن به هاڻي اهو دور ناهي جو هڪ هڪ لفظ تي ويهي ٽيڪا ٽپڻي ڪجي، جديد سنڌي شاعري ۾ فڪر ۽ پيغام جي وڌيڪ اهميت آهي، جيڪو اميد آهي ته سڀني دوستن کي سمجھ ۾ آيو هوندو!
جواب: چنڊ ايو جوڀن ۾! ادا رهنمائي ڪرڻجي مهرباني۔۔ ايئن ئي اسان کي شاعري جي باري ۾ڪجهه معلومات ڏيندا اچجو۔۔
جواب: چنڊ ايو جوڀن ۾! دوست مست اسان جي سنڌي ٻولي ايتري ته وشال آهي جو دنيا جي هر خوبصورتي وارا رنگ پنهنجي جهوليءَ ۾ سمائي ڇڏيندي آهي، چاندني اهڙو لفظ آهي جو جيتوڻيڪ ڌاريو لفظ آهي پر اسان جي ماحول ۾ سنڌ جو ٻارڙي کان وٺي اسان جهڙو جهونو به چاندني لفظ جي خوبصورتي کي چنڊ سان منسوب ڪري چوندو ته چاندني جو مطلب چنڊ جي چانڊوڪي، چنڊ جي چانڊاڻ۔ سائين سجاد سرور به وڏن سنڌي شاعرن جي رستي تي هلندي پنهنجي وزن کي برقرار رکي لفظ چاندني کي ڪتب آندو آهي، سنڌ ڌرتي جي مهان شاعر پڻ اهو لفظ انتهائي خوبصورت انداز سان آندو آهي سکي پيا کي ملين ته چئجان ته ”چاندني “ تو سوا نه ٿيندي اچين ته منهنجي اُماس ۾ آ ، ڇو ته ٻي رات ڪا نه ٿيندي ڌرتي جيڏي شاعر مرحوم شيخ اياز جو اهو خوبصورت غزل وڊيو جي صورت ۾ سوڍل فقير جي آواز ۾ حوالي طور ونڊ ڪريان پيو ته شيخ اياز به هن خوبصورت لفظ سان اسان جي سهڻي سنڌي ٻوليءَ ۾ ڪيترو نه انصاف ڪيو آهي۔ ٻيو ڪو شڪ ادا مست http://www.youtube.com/watch?v=xF64mN5dv0s&p=C991C8C830A69107&playnext=1&index=2
جواب: چنڊ ايو جوڀن ۾! سائين رهنمائي ڪرڻ جي مهرباني۔۔ مست جي ذهن کي لفظن جو ذخيرو وسيع ڪرڻ ۾ وقت لڳندو۔۔ اهو سڀ ڪجهه توهان مهربانن جي مهرباني سان ممڪن آهي۔۔
جواب: چنڊ ايو جوڀن ۾! ادا مست، نثار صاحب جو ايتري خوبصورت سمجهاڻي کان پو اميد ته مونجهارو دور ٿي ويو هوندو! ان لا نثار صاحب جون مهربانيون! سائين مون ناچيز کي شاعري جو مڙئي شوق آهي، اياز ته سنڌي شاعري جوروشن آسمان آهي! ان جي سامهون اسان ايئن جيئن سج آڏو ڏيئو!
جواب: چنڊ ايو جوڀن ۾! جيتوڻيڪ چنڊ يا چاند سنسڪرتي لفظ آهن ۽ پراڪرتي ٻولين ۾ ڪجهه ڪجهه فرق سان رائج ٿيا آهن، انڪري سنڌين وٽ چنڊ ته ٻين وٽ چند ۔۔۔ ڊاڪٽر صاحب جي شآعري من موهيندڙ ۽ فڪري ڏس ۾ ڀريل آهي ۔۔۔ انڪري “ اکران دي وچ جوئي اڙيا عشق دي چاڙهي مور نه چڙهيا” عاشق ۽ شاعر ويچارا چنڊ ۽ چانڊوڪي سان ايترو ته پيار رکندا آهن جو ان ئي چنڊ کي ڪڏهن محبوب سان مشابهت ڏيندا آهن ته ڪڏهن محبوب کي چنڊ کان به سهڻو چئي چنڊ کي شرمائي وجهندا آهن ۔۔۔ ادي سجاد سرور ته چنڊ ۽ چانڊوڪي کي خوب ڳايو آهي پر ادي نثار ناز جي دل ۾ ته چانڊوڪي گهڻو گهر ڪيل آهي ۔۔۔ ڇاڪاڻ نثار ناز نه فقط هڪ سهڻو شاعر آهي پر ان سان گڏوگڏ عاشق به مٿاهين درجي جو آهي ۔۔۔ انڪري چند هجي چنڊ شاعر ۽ عاشق لئه ڳالهه ساڳي آهي ۔۔۔۔ واه سائين سجاد ۽ واه سائين نثار ناز، ٻنهي دوستن جا لک لائق ۔۔۔=d>
