اصل کان خطا نه ٿيندي، بد اصل کان وفا نه ٿيندي چوڻي اصل نڻائتو ماڻهو، هر قدم ڦوڪي کڻندو آهي۔ هر عام خاص سان سهڻو ورتا رکندو آهي۔لالچ ۾ پئي ٻئي مان مطلب سَرِ ڪرن جي ڪوشش نه ڪندو آهي۔ بدماش لُچ، هميشه مطلب حاصل ڪرڻ جي پويان هوندو آهي۔ وٽس شناس ۽ سڃاڻپ جي اک نه هوندي آهي۔ جڏهن به موقعو ملندس،کوچرائپ ڪندي دير نه ڪندو۔ مطلب۔(1) اشرف مهل نه وڃائيندو۔ بدماش مهل تي ڌڪ پٽيندو۔ (2)۔ خانداني ماڻهو دوکو نه ڏيندو ۽ ڪميڻي مان چڱائي ڪين ٿيندي۔
جواب: اصل کان خطا نه ٿيندي، سهڻي لطيف ان ساڳئيءَ ڳالهه کي ڪجهه هن طرح سان واضح ڪيو آهي؛ چڱـــا ڪن چڱايـــون، مــــدايــــون مــــدن، جو وڙ جڙي جن سين، سو وڙ سي ئي ڪن۔ بيشڪ انسان جي فطرت ۾ باهه ۽ خون آهي پر جيڪي انسان پنهنجي اندر جي باهه کي وسائي ماٺو ڪنٿا ۽ خوني طبيعت کي ختم ڪري پاڻکي سلامتيءَ ۾ رکنٿا اهي ئي انسان هن دنيا ۾ سوڀارا ۽ رب جي بارگاهه ۾ سرخرو ٿينٿا ۔۔۔ پر جيڪي انسان شيطان جي فطرت کي پنهنجو ڪري وٺنٿا سي ئي انسان هن دنيا ۾ برائين جو سرچشمو ٿين ٿا ۽ پاڻ سان گڏ ٻين کي به نقصان رسائن ٿا ۔۔۔ رب العالمين اسانکي سهڻن ۽ سلامتيءَ وارن انسانن ۾ داخل ٿيڻ جي توفيق عطا فرمائي ۔۔۔ آمين
