دوستو اڄ اوهان لاء شيخ اياز جي بهترين شاعري مان انتخاب کڻي آيا آهيون۔ ٿي سگهي ٿو هي شاعري اڳ ۾ به سنڌ سلامت يا ڪنهن ٻئي فورم تي پيش ڪيل هجي پر سندس خوبصورتي جي ڪري هتي ونڊ پيا ڪريون ۔ ھوءَ عشق و محبت جي دنيا، گذري به وئي گذري به وئي آ ياد جنھن جي باقي، سا گذري به وئي گذري به وئي اڄ ياد اوھان جي آئي يا ھر شيءِ تي ڇايو نور مٺا يا صحن چمن مان باد صبا، گذري به وئي گذري به وئي ھاڻي ته لھي ويو آ دريا، جنھن ڪشتي ڪشتي ڪئي پاره اي ھمسفرو، ھوءَ موجِ بلا، گذري به وئي گذري به وئي محفل نه رھي، ساقي نه رھيا، پيالا نه رھيا، پياسي نه رھيا اي شمع سحر، ڇا رات اھا، گذري به وئي گذري به وئي سا رات نه آ برسات نه آ، سا تن ۾ ڪنھن جي تات نه آ او ديوانا، او ديوانا، گذري به وئي گذري به وئي ڪي ڏينھن ھيا جو نينھن ھيا، جو ڪنھن جي سونھن ورونھن ھئي نه رھي، نه رھي، نه رھي، او الا، گذري به وئي گذري به وئي نه رھي سا ڪيف و سرمستي، آ سرد محبت جي بستي اڄ مي ۾ ناھي سا معنى، گذري به وئي گذري به وئي اي ابر ڪرم، تنھنجا سائل توڏانھن تڪيندي رھجي ويا بدلي نه ھوا، ڇائي نه گھٽا، گذري به وئي گذري به وئي ڪنھن ڪانه ٻڌي ڪنھن ڪانه ٻڌي، توڙي ويو عرش و فرش لڏي ڪنھن جي دل مان نڪتي به صدا، گذري به وئي گذري به وئي ھيءَ دنيا آھ سراءِ پرين، آياسين پل جي لاءِ پرين ھر چيز ھتان جي پيار سوا، گذري به وئي گذري به وئي جيڪا به گھڙي توسان گذري، آ ياد انھيءَ جي پيار ڀري مان ڪيئن چوان منھنجا پيارا، گذري به وئي گذري به وئي اي دوست، بھار وري گل ڪيا، جھڙ ڇايا، پيمانا ڇلڪيا ھوءَ باد خزان به رھي نه سدا، گذري به وئي گذري به وئي ڏک گھوري مون سک ورتا ھا، ڪنھن پياري جا، جڳ ساري جا پڇ ئي نه ”اياز“ اِھي ڏکڙا، گذري به وئي گذري به وئي[/CENTER]
جواب: پڇ ئي نه ”اياز“ اِھي ڏکڙا ، گذري به وئي گذري به وئي ادا بهترين شاعري،،،،،ان سان گڏ اوهان جي سهڻي ڊزائين۔ ونڊ ڪرڻ جي مهرباني
جواب: پڇ ئي نه ”اياز“ اِھي ڏکڙا ، گذري به وئي گذري به وئي ادا عاشق پسند ڪرڻ جي مهرباني مونکي خوشي آهي جو اڄڪلھ ڪيترائي دوست سنڌي شاعري جون بهترين ڊزائن پيا ڪن جن مان اوهان پڻ آهيو۔ اميد ته هي سلسلو هلندو رهندو ۽ سنڌي ادب کي مڃتا ملندي
جواب: پڇ ئي نه ”اياز“ اِھي ڏکڙا ، گذري به وئي گذري به وئي شاعر به عجيب قسم جي فڪري پيڙهه مان نڪري، تمام گهرا ۽ ڳوڙها نقطا بيان ڪري وڃنٿا، جيئن نهائيءَ مان ٿانءُ پچي نڪري ٿو بلڪل ائين ئي ڪي خيال شاعر جي دماغ جي آويءَ مان پچي نڪرن ٿا ۽ اسانجهڙن کي سوچ جي سمنڊ ۾ غرق ڪري وڃنٿا ۔۔۔ شيخ اياز جي مٿي ونڊ ڪيل گيت ۾ به ڪيترا ئي خيال آهن جن جو اظهار ڪيو ويو آهي ۔۔۔ آئينو کڻي سماج مان گذرندي جي عڪس سنڌ جي شاعر شيخ اياز کي نظر آيا آهن، انهنکي سهڻن، سولن ۽ اثرائتن لفظن ۾ بيان ڪري ڪمال ڪيو اٿس، سندس بيان مان حساسيت ۽ سماج دوستيءَ جو گهڻ رنگو پيغام ملي ٿو ۔۔۔ لک ٿورا دوست وساڻ!
جواب: پڇ ئي نه ”اياز“ اِھي ڏکڙا ، گذري به وئي گذري به وئي سائين نثار مهرباني رايو ڏيڻ جي اسان ۽ اوهان روز شام جو ويهي اهي ئي ڳالهيون ڪندا آهيون پر اسان جي اظهار ۽ اياز جي اظهار ۾ زمين آسمان جو فرق آهي۔ اياز صدين جو شاعر آهي اسان کي فخر آهي جو اسان اياز جي دور جا آهيون
