جي تون نه هجي هان شايد مان به نه هجان هان

[عاشق سولنگي]

مان جو آهيان سو ئي آهيان
مان جي جان پهچان تون ئي آهي
مان جيڪو آهيان تنهنجي ڪري ئي آهيان
جي تون نه هجي هان شايد مان به نه هجان هان


​

 

[نثارابڙو]

جواب: جي تون نه هجي هان شايد مان به نه هجان هان

هڪ شاعر چيو هو ته ” جي جيون تو ۾ سنڌ نه آ، ته پوءِ منهنجي توکان دوري آ“ لڳي ٿو عاشق به پنهنجي وطن جو نالو نه کڻندي به ڳجهارت ئي ڳجهارت ۾ سنڌ سان ازلي ناتي جي ڳالهه ڪئي آهي ۔۔ پر چوندا آهن ته شاعر جي من ۾ هڪڙي ته پڙهندڙ جي من ۾ وري ٻي ۔۔۔ ممڪن عاشق جو اڃان به ڪو ٻيو وجود هجي جنهن سان سندس وجود قائم هجي ۔۔۔؟

هڪ ماڻهونءَ، بکي ماڻهونءُ کان پڇيو ته ” ٻه ۽ ٻه گهڻا ٿيندا آهن؟“
بکئي جواب ڏنو ته ” چار مانيون“
سو اسان به هر ڳالهه کي ڦيرائي اچي سنڌ سان ملائينداسون جو پاڻ سنڌ جا بکيا آهيون ۔۔۔

شابس آهي دوست اوهانجي محنت کي ۔۔۔

 

[سليمان وساڻ]

جواب: جي تون نه هجي هان شايد مان به نه هجان هان

عاشق هميشه سنڌ جو عاشق لڳندو آهي۔ پر هي ڳجهارتي انداز الائي ڇو ۽ الائي ڪنهن لاء ڪيو اٿس۔

پوء به اسان جون دعائون ساڻس گڏ آهن۔ عاشق ٿيڻ به ڪو سولو ڪونهي جيئن لطيف سائين پيو چوي ته :

عاشَق زهر پِياڪَ، وِهُ ڏسِي وِهُسَنِ گھڻو؛
ڪڙي ۽ قاتلَ جا، هميشہ هيراڪَ؛
لڳين لنؤ، لَطِيفُ چئي، فَنا ڪيا فِراقَ؛
توڻي چِڪَنِنِ چاڪَ، ته به آهَ نه سَلِن عامَ کي

 

[عاشق سولنگي]

جواب: جي تون نه هجي هان شايد مان به نه هجان هان

سائين نثار ابڙو صاحب مان اوهان جو انتهائي ٿورائتو آهيان جو اوهان منهنجي ونڊ تي پنهنجي خيال اسان سان ونڊ ڪيان۔

پيارا ادا سليمان وساڻ صاحب۔۔۔شال جيئو سدا، ادا بس آهيون ته عاشق۔
مهرباني اوهان جي جو اوهان لطيف سرڪار جو بيت ونڊ ڪيو۔۔۔