مونکي ڇپر مَ ڇڏيجا ، ٻاروچا پلئه لَڳِي آهيان

[نثارناز]

لاکيڻي لطيف جي وائي مونکي ڇپر مَ ڇڏيجا ٻاروچا پلئه لڳي آهيان دنيا جي ساري سنڌين جي سامهون آهي، هڪ نئين تڙپ، هڪ نئين آس جي صورت ۾ ۔ سفا سمپل ساڌي ڪمپيوٽر جي چترڪاري آهي، سنڌ سلامت کي صحيح معنا ۾ اڃا به خوبصورت رنگ ڏيڻ لا شاهه سائين جي شاعري کي جيترو به سُهڻو رنگ ڏينداسين اوترو ئي سنڌ سلامت جو هي اڱڻ اڇو جهڙو کير جهڙو اُجرو ٿيندو۔

مهربانيون دوستو

 

[سليمان وساڻ]

جواب: مونکي ڇپر مَ ڇڏيجا ، ٻاروچا پلئه لَڳِي آهيان

سائين نثار ناز سلام

اوهان لطيف سرڪار جي سُرن کي سهڻا رنگ ڏئي هڪ نئين روايت وڌي آهي۔ مان ته صفا سادا رنگ ڏئي لطيف سرڪار کي پيش ڪرڻ جي ڪوشش ڪئي هئي۔ مان خوش آهيان جو هاڻي انٽرنيٽ جي دنيا تي ڪافي سنڌي دوستن هن ڪم کي بهترين نموني پيش ڪيو آهي۔ جن ۾ احسان دانش ، رضوان گل ، صفدر وڳڻ، علي محمد شاه ، تسليم جاويد ڀٽو ، قاضي منظر حيات ۽ سائين نثار ناز سر فهرست آهن۔

اوهان اڄ لطيف سائين جي سُر حسيني مان بهترين چونڊ ڪئي آهي۔ سسئي جي ڪشالن کي ڏسي اسان کي به اتساه ٿو پيدا ٿئي۔ لطيف سرڪار جو ساڳي ئي سُر مان هڪ بيت عرض آهي :


سَرَتِيُون! سُڄي سُڃَ، مَتان ڪا مُون سين هَلي؛
پاڻي ناهِ، پَنڌُ گھڻو، اَڳِيان رائو رُڳِي رُڃَ؛
مَتان مَرِي اُڃَ، ڪا ڏِئي پاراتو پِرِينءَ کي

دعا اها ڏات جي ديوي اوهان سان هر گهڙي راضي هجي ، جيئن اوهان نوان رنگ اسان سان ونڊ ڪندا رهو۔

 

[عاشق سولنگي]

جواب: مونکي ڇپر مَ ڇڏيجا ، ٻاروچا پلئه لَڳِي آهيان

واھ سائين لطيف سرڪار جي شاعري ڪنهن تعريف جي محتاج ته نه آهي...جس هجي اوهان جي جو ان جي چترڪاري ڪري اسان سان ونڊ ٿا ڪيو....مهرباني سائين

 

[رياض حسين گلال]

جواب: مونکي ڇپر مَ ڇڏيجا ، ٻاروچا پلئه لَڳِي آهيان

واه سائين واه تمام بهترين شيئرنگ آهي.