سنڌ سلامت جي سمورن ميمبرن ۽ انتظاميه جي رڪنن طرفان سنڌ سلامت جي باني ، منتظم اعلي ۽ جاکوڙي دوست رشيد سمون کي 500 موضوع مڪمل ڪرڻ تي دلي مبارڪ. سائين رشيد سمون هڪ بيباڪ ، محنتي ، ايماندار ، هڏ ڏوکي ، يارن جو يار ۽ وفادار انسان آهي. سنڌ سلامت جي هن اڱڻ کي محبتي ميلي ۾ تبديل ڪري رشيد اسان سنڌين کي هڪ مالها ۾ پوئي رکيو آهي جيئن گل فروش مختلف رنگ برنگي ۽ خوشبوئن سان ٽمٽار گلن کي هڪ هار ۾ پوئي رکندو آهي. رشيد کي مان شاه لطيف جو هيٺيون بيت ارپيندس جيڪو سندس اڻٿڪ ڪوششن تي ٺهڪي پيو اچي : جِتِ نه پَکِيءَ پيرُ، تِتِ ٽِمڪي باهِڙِي؛ ٻِيو ٻارِيندو ڪيرُ، کاهوڙِڪِيءَ کيرَ ري؟ دعا آهي ته رب پاڪ ادا رشيد کي وڌيڪ همت ، حوصلو ، جذبو ۽ سٺي صحت ڏي جيئن هو دوستن جي اميدن تي پورو لهي ۽ سنڌ جي سپوتن ۾ شمار ڪيو وڃي.
جواب: ادا رشيد سمون کي 500 موضوع مڪمل ڪرڻ تي دلي واڌايون جيتوڻيڪ هاڻ هاڻ مون ادي رشيد جي لکڻين تي نظر ڪئي ته 499 نظر آيون، مون وري پيج بند ڪري کوليو ته به 499 ٿيون ۔۔۔ خئير 499 يا 500 ۾ فرق صرف 1 ليک جو آهي پر ڏسجي ته اهو هڪ ليک ڪهڙو آهي جيڪو 500 جي برابر هوندو ۔۔۔؟ سنڌ سلامت جي ڏاهن دوستن ۾ عبد الرشيد جو نمبر مٿاهون آهي، هن دوست سان، جڏهن منهنجي پهريون دفعو هلو ها سنڌ فورم تي ٿي هئي ته الائجي ڇو مون دوست رشيد کي چيو هو ته “يار! لڳي ٿو ته پنهنجو ميلو ٿيل آهي“، جنهن تي عبدالرشيد چيو هو ته ميلو ٿيل ته ناهي پر ٿيڻ جي تمنا آهي، ۽ جڏهن ڳالهه اڳتي وڌي ته خبر پئي ته عبدالرشيد، تمام سلڇڻو، يارن جو يار ۽ سنڌيت جي جذبي سان ٽمٽار آهي ۔۔۔ بس انڌي کي گهرجي هڪ اک ۽ مونکي رشيد جهڙو دوست ملي ويو ۔۔۔ ۽ هاڻ سنڌ ۾ هججي ۽ رشيد سان نه ملجي ته ڄڻ سنڌ جي زيارت اڌوري رهجي وڃي ٿي ۔۔۔ عبدالرشيد، سنڌ سلامت کي کولڻ کانپو انکي هلائڻ ۽ انجي پرورش ڪرڻ ۾ مونکي ائين لڳو جيئن والدين پنهنجي ابهم ٻار کي سنڀاليندا آهن، پنهنجون سڀ توانايون ۽ حاصلات خرچ ڪندا آهن، بلڪل ساڳي طرح سان عبدالرشيد هن اوطاق کي هلائڻ لئه پنهنجي کيسي مان پئسه، پنهنجي قيمتي وقت مان گهڻو وقت ۽ پنهنجن دستن مان گهڻن دوستن کي صرف ۽ صرف سنڌ سلامت لئه استعمال ڪري، اسانکي هي خوبصورت اوطاق ميسر ڪئي آهي ۔۔۔ عبدالرشيد جي دوستي ۾ حساب ڪتاب آهي ئي ڪونه، سندس هي 500 قيمتي تحريرون، جن ۾ اصلاحي پهلو، تدريسي پهلو ۽ فڪري پهلو نمايان آهن، اسان لئه روشندان آهن پر اهڙي روشني جا طالبو اسين ڄمار ساري رهنداسون، انڪري دوست عبدالرشيد کان اهڙين تحريرن جو مطالبو بلڪل ائين ئي ڪبو جيئن ننڍو ٻار هر روز مارڪيٽ ۾ هلڻ سان آئيس ڪريم جي ڪندو آهي يا ڪنهن رانديڪي جي ڪندو آهي ۔۔۔ ماڻهون سڀ نه سهڻا ۔۔۔ عبدالرشيد جو نالو سهڻن ماڻهن ۾ ڳڻبو آهي ۽ اسانکي فخر آهي ته اسانجي سنگت ۾ اهڙا سهڻا دوست به آهن ۔۔۔ سنڌ سلامت ساٿ سلامت جي نعري هڻندڙ دوست عبدالرشيد جي ڪاميابي ۽ ڪامراني لئه اسانجا هٿ مٿي آهن ۔۔۔ رب کيس هميشه آباد ۽ شاد رکي ۔۔۔ آمين
جواب: ادا رشيد سمون کي 500 موضوع مڪمل ڪرڻ تي دلي واڌايون ادا مهنجي طرف کان به توهان کي 500 دفعا مبارڪ..........
جواب: ادا رشيد سمون کي 500 موضوع مڪمل ڪرڻ تي دلي واڌايون ادا رشيد ۔۔۔ سنڌ سلامت تي اوهان جي موضوعن جي تعداد 500 ٿيڻ تي اوهان کي دل جي گهراين سان مبارڪباد۔۔ اوهان جي مچايل هن ميلي انٽرنيٽ تي سنڌي ٻوليءَ کي جيترو عام ڪيو آهي، ان جو مثال نه ٿو ملي۔۔ سائين نثار ابڙو ۽ سائين سليمان وساڻ پنهنجي پياري لفظن ۾ توهان جي محنت کي جيتري ڀيٽا پيش ڪري چڪا آهن، ان جي اڳيان مست جو ڪجهه چوڻ۔۔۔۔ ممڪن ئي نه آهي۔ پر هڪ ڳالهه آهي اوهان جي اهڙي محنت جي واکاڻجي لاءِ مست کي لفظ نه ٿا ملن يعني مست به لاجواب ٿي ويو آهي۔۔۔ الله ڪري اوهان جنهن مقصد تحت هن پياري فورم جو بنياد وڌو آهي۔۔ اهو مقصد پورو ٿئي۔۔۔ هڪ ڳالهه ته روز روشن وانگر واضح آهي ته هڪ اهڙي ٻولي، جنهن جي ڳالهائڻوارن جي ٽوٽل آباديءَ مان فقط ڏهه کان پندرهن سيڪڙو آبادي انٽرنيٽ جي سهولت ماڻي هجي ۽ انهن مان به زياده تر فقط انٽرنيٽ تي وقت کي چيٽنگ، رانديون، واندڪائيءَجي وندر ڪرندا هجن۔۔۔۔ انهن جي وچ ۾ جيڪڏهن هڪ فورم ٿوري عرصي ۾ ئي ايترا سنگ ميل عبور ڪري ته ان فورم جي قائم ڪرڻ وارو ڪو عام انسان نه ٿو ٿي سگهي۔۔ سائين سليمان ابڙو بلڪل درست چيو ته انٽرنيٽ تي وکريل سنڌي موتين کي هڪ لڙي (سنڌ سلامت) ۾ گڏ ڪرڻ فقط اوهان جو ئي ڪمال آهي۔ سائين نثار ابڙو جا لفظ بلڪل درست آهن ته اوهان سنڌ سلامت جو خيال ايئن رکيو آهي جيئن ڪو وڏو پنهنجي اولاد جو خيال رکندو هجي۔ هر وقت ان جو ذڪر، ان جي فڪر، ان جي واڌاري جي سوچ، نواڻ جي جستجو، سنڌ سلامت انٽرنيٽ تي جيڪا به اهميت رکي ٿي اها فقط اوهان جي محنت جي ڪري ئي۔۔۔۔ اڄ سنڌي ٻولي جي هڙني ويب سائيٽن ۾ سنڌ سلامت جو انٽرنيٽ تي الڳ ئي مقام آهي۔۔ مون کي اميد آهي ته سنڌ سلامت انشاءَ الله سنڌي ٻوليءَلاءِ انٽرنيٽ تي اڃان به ڪيتريون ئي تبديليون ۽ نيا ٽرينڊ کڻي ايندي۔۔ اوهان جي محنت کي مست جو سلام آهي۔
جواب: ادا رشيد سمون کي 500 موضوع مڪمل ڪرڻ تي دلي واڌايون ادا رشيد توهان کي سنڌ سلامت فورم تي 500 تحريرون پوريون ڪرڻ تي دل جي گهراين سان مبارڪباد پيش ٿا ڪريون اميد ٿا ڪريون ته توهان جي اها جدوجهد جاري ساري رهندي. ادا هي منهنجي طرفان هڪ ننڍڙو تحفو قبول هجي.
جواب: ادا رشيد سمون کي 500 موضوع مڪمل ڪرڻ تي دلي واڌايون السلام عليڪم ادا رشيد سڀ کان پهريائين ته توهان کي 500 ٿريڊ مڪمل ڪرڻ تي فقير طرفان مبارڪون هجن هاڻي مان ڇا لکان ادا سليمان وساڻ ، سائين نثار ابڙو صاحب وري رهي سهي ڪسر مست پوري ڪري ڇڏي هاڻي فقير جي لکڻ لا۽ ته ڪجهه بچيو ئي ناهي مان صرف دوستن کي اهو ٻڌائيندو هلندس ته جڏهن ادا رشيد سنڌ سلامت فورم کي سنڌي ٻولي ۾ لائونچ ڪيو هيو ته وي بليٽن وارا خود حيران رهجي ويا هئا ته اهو ڪيئن ممڪن آهي ؟ پر ادا رشيد اهو ممڪن ڪري ڏيکاريو اهڙي ذهين ۽ سٺي دوست جي سرپرستي ۾ اسان ڪم ڪري رهيو آهيان اهو مون لا۽ ڪنهن اعزاز کان گهٽ ناهي . هڪ دفعو ٻيهر ادا رشيد توهان کي مبارڪون هجن سدائين گڏ
جواب: ادا رشيد سمون کي 500 موضوع مڪمل ڪرڻ تي دلي واڌايون ڀاء عبدالرشيد جي لاء جيڪو ڪجهه سائين سليمان، سائين نثار ابڙو، ادي مست ء ٻين دوستن لکيو آهي مون وٽ وڌيڪ اهڙا لفظ ڪون آهن جو بيان ڪريان۔ عبدالرشيد جي لکڻين ۾ اصلاحي پهلو، تدريسي پهلو ۽ فڪري پهلو ان ڪري نمايان آهن جو هي دوست درس وتدريس سان لڳاپيل رهيو آهي۔ مان دوستن تي واضع ڪندو هلان ته هن کي ننڊي هوندي کانئي سنڌ ء سنڌي قوم جي خدمت جو جذبو رهيو آهي۔۔۔۔۔۔ مان ء هي دوست ننڊي لاء کان گهڻون گڏ رهيا آهيون۔۔۔ پرائمريء کان وٺي انٽر تائين هن دوست کي دوستن گڏ ڪرڻ جوجنون رهيو آهي۔ سماجي خدمت هجي يا ن قومي ان ۾ ڀرپور حصو وٺندو رهيو آهي ايتري قدر جو پهنجي جيب خرچ مان غريب دوستن جي فيس ڀريندو هيو جڏهن ته پاڻ به هڪ غريب گهراڻي سان واسطو رکندو هو سندس جو والد هڪ پرائمري ٽيچر هيو۔ سائين نثار جي بقول؛ عبدالرشيد، سنڌ سلامت کي کولڻ کانپو انکي هلائڻ ۽ انجي پرورش ڪرڻ ۾ مونکي ائين لڳو جيئن والدين پنهنجي ابهم ٻار کي سنڀاليندا آهن، پنهنجون سڀ توانايون ۽ حاصلات خرچ ڪندا آهن، بلڪل ساڳي طرح سان عبدالرشيد هن اوطاق کي هلائڻ لئه پنهنجي کيسي مان پئسه، پنهنجي قيمتي وقت مان گهڻو وقت ۽ پنهنجن دستن مان گهڻن دوستن کي صرف ۽ صرف سنڌ سلامت لئه استعمال ڪري، اسانکي هي خوبصورت اوطاق ميسر ڪئي آهي ۔۔۔ مان به سائين لاء استاد بخاريء جو هي شعر عرض ڪندس ته۔۔۔۔۔۔۔۔۔۔۔۔۔۔۔۔۔ [/IMG]
جواب: ادا رشيد سمون کي 500 موضوع مڪمل ڪرڻ تي دلي واڌايون سائين رشيد سمون صاحب مبارڪون سائين اسان کان ته لکجي ڪو نه ٿو۔ ڪيئي غلطيون ٿين۔ سنڌي لکڻ جي ڪا اٽڪل ڏسيو
جواب: ادا رشيد سمون کي 500 موضوع مڪمل ڪرڻ تي دلي واڌايون سائين جن کي 500 ٿريڊ مڪمل ڪرڻ جي عاشق مبارڪ باد ٿو پيش ڪري سائين جن سمورا سون آهي وڌيڪ مان ڇا لکان۔۔۔۔۔۔۔۔؟
جواب: ادا رشيد سمون کي 500 موضوع مڪمل ڪرڻ تي دلي واڌايون مانَ وارا سائين رشيد سمون صاحب اوهان کي 500 موضوع مڪمل ڪرڻ تي دل جي گهراين سان واڌايون۔ قبول پون۔ ايڏين مصروفيتن باوجود اهڙا ڪارناما ۔۔۔ اوهان کي سلام پيش ٿو ڪريان۔ دعاء آهي ته مالڪ اوهان کي وڌيڪ ترقيون ۽ خوشيون نصيب ڪري۔
جواب: ادا رشيد سمون کي 500 موضوع مڪمل ڪرڻ تي دلي واڌايون سائين واقعي سائين عبدالرشيد جن جي شخصيت مهان شخصيت آهي سندن پهرين ملاقات ۾ ماڻهو سندن گرويده ٿي ويندو آهي الله تعالى کين صحت و عافيت عنايت ڪري جو پاڻ ان طرح قوم جي خدمت ڪندا رهن کين کي هن عاجز طرفان به مبارڪ پيش ڪجي ٿي اميد ته قبول ڪندا.
