تنهنجي نيڻن ۾

[نثارابڙو]

تنهنجي نيڻن ۾ جو نها ر ي و يـــــو، ڄڻ تہ سنڌوءَ جي ٻي ڪناري ويو،
شمشير الحيدري

 

[سليمان وساڻ]

جواب: تنهنجي نيڻن ۾

شمشير جي شاعري ۽ وري اکين تي چيل

سائين نثار اوهان جا ٿورا۔

سنڌ جي شاعرن نيڻن يا اکڙين کي تمام گهڻو ڳايو آهي۔ ڇو ته عشق ۽ محبت جي ابتدا نيڻن کان ٿيندا۔ اکيون دل ۽ دماغ جون ڳڙکيون آهن تنهنڪري الزام به اکين تي لڳن پر مدهوش وري اکين کي آجو پيو ڪري :

رهي حسن تنهنجي جو پردو سلامت،
اها تنهنجي نرمل نمائش ٿي ماري.
اکين تي نه مدهوش الزام ڌر تون،
اکين کي به دل جي سفارش ٿي ماري

پر لطيف سرڪار وري اٿڻ سان پرين جي ديدار جي ڳاله پيو ڪري نه ته اکين تي ڪاوڙ :

اُڀِرَنۡدي ئِي سِجِ، پِرِين جي نه پَسَندِيُون؛
ڪَڍِي ٻيئِي ڏِجِ، اَکَڙِيُون ڪانگَنِ کي

وري اياز نيڻن لاء چيو

کڻي نماڻا نيڻ، مٺڙي ڏٺو ڏک مان،
واسينگن جئن ويڻ، ڏنگيون منھنجي ڏاھ کي


وري قمر شهباز پيو چوي

نماڻيون نماڻيون، هي نيڻن جون پياليون،
مون کان مئي جي مستي ڀلائي ڇڏيائون

 

[نثارابڙو]

جواب: تنهنجي نيڻن ۾

محترم دوست وساڻ ڪجهه عرصو اڳ مون به ويٺي ويٺي اکين تي ڪجهه لکڻ ٿي چاهيو ته هي هيٺيون آزاد نظم لکجي ويو هو ۔۔۔ جيڪو مون هن اوطاق تي ونڊ پڻ ڪيو هو ۽ دوستن جا خوبصورت رايا پڻ نصيب ٿيا هئا ۔۔۔

آزاد نظم؛
ياد اڄ وري آيون، ساڄن جون اکڙيون ...
خيال ڇا آيو،
ملڪ الموت سان،
ڄڻ ته،
ملڻ جو وار آيو،
ڪاريون ڪجراريون
سريليون اکڙيون،
کڄن ته،
گل گلزار اکڙيون.
گهور ڪن ته،
گهائيندڙ اکڙيون،
بند ٿين ته،
تنبوري جي تار اکڙيون،
خماريل ته،
تيز ترار اکڙيون،
پلڪون جهپن ته،
نيهن نياپا اکڙيون،
انتظار ته،
سانوڻ وسڪار اکڙيون،
پيار اچي ته،
افق تي لالاڻ اکڙيون،
کڻي کوڙن ته،
تير ۽ ڪمان اکڙيون،
خوش ٿين ته
لطيف وايون اکڙيون،
نشو ڪئين نه ٿئي،
وه جا پيالا اکڙيون،
منهنجي محبوب جو اکڙيون
ياد اڄ وري آيون، ساڄن جون اکڙيون ...

وڌيڪ پڙهڻ لئه حاضر آهي هيءَ لنڪ
http://www.sindhsalamat.com/showthread.php?t=2410​

 

[رياض حسين گلال]

جواب: تنهنجي نيڻن ۾

واه ادا واه ڇا شاعري آهي.................

 

[عرس پريو]

جواب: تنهنجي نيڻن ۾

سائين عشق ۽ محبت جي ابتدا نيڻن کان ٿيندي آهي ان ڪري انهن تي الزام آيو ته خير آ :
شاه سائين جو هي شعر عرض ڪجي ٿو۔۔۔۔۔۔۔۔۔

[/IMG]​

 

[نثارابڙو]

جواب: تنهنجي نيڻن ۾

سائين عشق ۽ محبت جي ابتدا نيڻن کان ٿيندي آهي ان ڪري انهن تي الزام آيو ته خير آ :
شاه سائين جو هي شعر عرض ڪجي ٿو۔۔۔۔۔۔۔۔۔

[/img]​

سهڻا دوست پريا ! اوهانجي اندر جا حال به لڳي ٿو ته ايڏا گهرا آهن جو انهن جي ذرڙي بيان سان ايترو ڪهرام ٿي پوندو ۔۔۔ هائو يار! عاشقن جي ذات به عجيب آهي، اندر ۾ سمنڊ پيا اٿلندا اٿن پر ٻاهر ٻاڦ به نه نڪرندي اٿن ۔۔۔ لطيف چواڻي ته؛

نهائين کان نينهن سک منهنجا سپرين،
سڙي سارو ڏينهن، ٻاهر ٻاڦ نه نڪري۔

لطيف جي سهڻي شعر کي رنگ ڍنگ ۾ پيش ڪرڻ جي سٺي ڪوشش ڪئي اٿوَ ۔۔۔ لک ٿورا

 

[مست]

جواب: تنهنجي نيڻن ۾

سائين نثار ابڙو!۔۔۔ اوهان سنڌ جي بهترين شاعر شمشير الحيدري جو هي شعر ونڊ‌ڪري بهترين موضوع کوليو آهي۔۔
عاشق هجي يا وري ڪو شاعر، پر سندس نظر ۾پرينءَ جي نيڻن جي وڏي اهميت هوندي آهي، نيڻ ئي سندس ڪاوڙ ظاهر ڪندا آهن، نيڻ ئي سندس پيار ظاهر ڪندا آهن، سندس شڪوو شڪايت، سندس دل جو حال سڀ ڪجهه نيڻن مان ڄاڻي سگهجي ٿو۔۔۔​

تڏهن ته مست چوي ٿو۔۔

نـــيڻ تنهنجا سڄڻ، ٿا گهڻو ڪجهه چون،
نـــيڻ تنهنجا ته دل کي ڪهيو ٿا ڪهن،

تنهنجي دل جي ڪٿا کي ٿو سمجهي پوان،
نــيڻ تــنهنجا جو منهنجي نـــظر سان مــلن۔

مون ته سمجهيو فقط مست گـهايل آهي،
نـــيڻ تــنهنجا به تـنهنجي تڙپ پيا ڏســــن۔

مطلب ته نيڻن جو موضوع شاعر جي دل وٽان هوندو آهي۔۔۔​

 

[غلام مرتضى وساڻ]

جواب: تنهنجي نيڻن ۾

خاص ڪري نثار جي مهرباني جو جتي به آهن ته ڪچهري کي قائم ٿا ڪري وٺن پو اها سنڌ سلامت هجي يا سچل ڳوٺ هجي۔

اکين جي ڳاله نڪتي آهي جيڪا سنڌ جي هڪ سهڻي شاعري شمشير الحيدري جي شاعري سان ته مان به شيخ اياز جو هڪ شعر واڌارو ڪندس


سيرون ڪيون ساھ ۾، لڳي تنھنجي لھر،
نيڻين وھي نھر، ڳاتم تنھنجون ڳالھڙيون

 

[نثارابڙو]

جواب: تنهنجي نيڻن ۾

سائين نثار ابڙو!۔۔۔ اوهان سنڌ جي بهترين شاعر شمشير الحيدري جو هي شعر ونڊ‌ڪري بهترين موضوع کوليو آهي۔۔
عاشق هجي يا وري ڪو شاعر، پر سندس نظر ۾پرينءَ جي نيڻن جي وڏي اهميت هوندي آهي، نيڻ ئي سندس ڪاوڙ ظاهر ڪندا آهن، نيڻ ئي سندس پيار ظاهر ڪندا آهن، سندس شڪوو شڪايت، سندس دل جو حال سڀ ڪجهه نيڻن مان ڄاڻي سگهجي ٿو۔۔۔​

تڏهن ته مست چوي ٿو۔۔

نـــيڻ تنهنجا سڄڻ، ٿا گهڻو ڪجهه چون،
نـــيڻ تنهنجا ته دل کي ڪهيو ٿا ڪهن،

تنهنجي دل جي ڪٿا کي ٿو سمجهي پوان،
نــيڻ تــنهنجا جو منهنجي نـــظر سان مــلن۔

مون ته سمجهيو فقط مست گـهايل آهي،
نـــيڻ تــنهنجا به تـنهنجي تڙپ پيا ڏســــن۔

مطلب ته نيڻن جو موضوع شاعر جي دل وٽان هوندو آهي۔۔۔​

يار مست! تو وارو اهو نيڻن تي چيل گيت به اصل ٽاهوڪو آهي،

گهرائي ۽ سادن لفظن جو استعمال،
اصل ۾ ڪري وڌو اٿي ڪمال،
ڏسجي پيو اوهانجي اندر جو جمال۔

بيشڪ دوست! اکڙين جو ذڪر يا نيڻن جو ذڪر ايندي ئي ماڻهون مست ٿيو وڃي، هاڻ ڳالهه سمجهه ۾ آئي ته اوهان پنهنجو تخلص مست ڇو رکيو آهي ۔۔۔؟

مون ته سمجهيو فقط مست گـهايل آهي،
نـــيڻ تــنهنجا به تـنهنجي تڙپ پيا ڏســــن۔

 

[نثارابڙو]

جواب: تنهنجي نيڻن ۾

خاص ڪري نثار جي مهرباني جو جتي به آهن ته ڪچهري کي قائم ٿا ڪري وٺن پو اها سنڌ سلامت هجي يا سچل ڳوٺ هجي۔

اکين جي ڳاله نڪتي آهي جيڪا سنڌ جي هڪ سهڻي شاعري شمشير الحيدري جي شاعري سان ته مان به شيخ اياز جو هڪ شعر واڌارو ڪندس


سيرون ڪيون ساھ ۾، لڳي تنھنجي لھر،
نيڻين وھي نھر، ڳاتم تنھنجون ڳالھڙيون

سهڻا دوست، غلام مرتضى وساڻ، تنهنجا لک ٿورا جو اڄڪلهه اوهان سنڌ سلامت تي اچي پنهنجن قيمتي خيالن ۽ راين سان اسانکي مستفيض پيا ڪريو، يار مرتضى، انسان جو انسان سان چس آهي ئي ڪچهري، جي ڪچهريون ختم ڪري ڇڏجن ته انسان سان انسان جو تعلق ڪهڙو وڃي رهندو۔۔؟

انڪري چڱا ڪن چڱايون ۔۔۔ جت به سهڻا انسان گڏ ٿيندا آهن ات ميلو مچي پوندو آهي ۔۔۔ سنڌ سلامت به سهڻن دوستن جو ميلو آهي، انڪري ڪچهريون به مچيل آهن ۔۔۔

نيڻن جي ذڪر سان اوهانجي دل جا دروازا به کلي پيا، ان مان ثابت ٿيو ته اوهان به گهور جا گهايل آهيو ۔۔۔ خئير ڪير آهي جو نيڻن جي نازن جو گهايل نه هجي ۔۔۔ پاڻ سنڀالجي ته ڪيترو سنڀالجي، پيرن کي روڪجي پر نيڻن کي ڇا ڪجي ۔۔؟

بس ڙي يار مرتضى نه پڇ اندر اڌ ٿيل آهي ۔۔۔؟

سنڌ سلامت ساٿ سلامت

 

[مست]

جواب: تنهنجي نيڻن ۾

يار مست! تو وارو اهو نيڻن تي چيل گيت به اصل ٽاهوڪو آهي،

گهرائي ۽ سادن لفظن جو استعمال،
اصل ۾ ڪري وڌو اٿي ڪمال،
ڏسجي پيو اوهانجي اندر جو جمال۔

بيشڪ دوست! اکڙين جو ذڪر يا نيڻن جو ذڪر ايندي ئي ماڻهون مست ٿيو وڃي، هاڻ ڳالهه سمجهه ۾ آئي ته اوهان پنهنجو تخلص مست ڇو رکيو آهي ۔۔۔؟

مون ته سمجهيو فقط مست گـهايل آهي،
نـــيڻ تــنهنجا به تـنهنجي تڙپ پيا ڏســــن۔

سائين بس ڇا ڳالهه ڪجي پرينءَ جي نيڻن جي، جيڪي هر ڪنهن کي مست ۽ مست کي وري ٻيڻو مست ڪري ٿا ڇڏين۔۔ مست منهنجي پهچاڻ آهي، سڃاڻپ آهي۔۔۔ هاڻي وري سنڌ سلامت تي اچي شاعرن جي نظر ڪرم ٿيڻ‌کان پوءِ تخلص به بڻجي ويو آهي​