دوستو، پيچش جنهنکي انگريزيءَ ۾ Diarrhoea پڻ چئجي ٿو ۔۔۔ هن بيماريءَ سبب ماڻهون پيٽان ويهڻ شروع ڪندو آهي ۽ ڏسندي ڏسندي ڪمزور ۽ نحيف ٿي پوندو آهي ۔۔۔ جسم جو پاڻي ختم ٿيڻ لڳندو آهي ۽ پيٽ جون سڀ شيون ٻاهر نڪري وينديون آهن ۽ ڪمزوريءَ سبب ماڻهون پريشان ٿي پوندو آهي ۔۔۔ هيٺ ڏنل نسخو سنڌ سميت ڪيترن ملڪن ۾ استعمال ڪيو ويندو آهي ۽ فائديمند آهي ۔۔۔ نسخو؛ چانورن جو پاڻي ڪچن چانورن جي مٺ ڀري ٽن يا چئن گلاس پاڻيءَ ۾ اٻارجي، چڱيءَ طرح اٻارڻ کانپوءِ پاڻي ٿڌو ڪجي ۽ مريض کي پيئارڻ شروع ڪجي ۔۔۔ جيئن جيئن پاڻي آنڊن ۾ پهچندو ته پيچش ۾ فرق پوڻ شروع ٿيندو ۽ مريض فرحت محسوس ڪندو ۔۔۔ پاڻيءَ کي جلد ٿڌو ڪرڻو هجي ته پاڻيءَ واري ديڳڙيءَ کي ٿڌي پاڻيءَ ۾ رکجي يا وري جي اڃان به تڪڙ هجي ته برف جو ڳنڍو به وجهي سگهجي ٿو ۔۔۔ چانورن جو پاڻي مريض کي گهڻي کان گهڻو پيئارجي ته جيئن نڙيءَ کان وٺي هيٺ آنڊي تائين انجو اثر ٿئي **** ڪيئن دوستو آهي نه سستو ۽ عام گهريلو نسخو ۔۔۔ جي ڪنهن مريض کي ان ۾ شفا ٿئي ته سنڌ سلامت جي دوستن لئه دعا گهري ڇڏجو ۔۔۔ باقي شفا ته رب جي هٿ آهي ۔۔۔ تڏهن ڦڪيون فرق ڪن جڏهن حڪم ٿي انجو ۔۔۔ تون حبيب، تون طبيب، تون درد جي دوا، جانب منهنجـــي جيءَ ۾، آزار جا انــــواع، صاحب! ڏج شفـــــا، ميـــــان! مريضن کي۔
جواب: پيچش جو آسان ۽ سستو علاج سائين نثار اوهان جي مهرباني سائين سٺي ڳاله آهي جو ٻاهر رهي حڪيم به ٿي ويا آهيو۔ اوهان گهر کان پري سو به پرڏيه اوهان کي ته ضرورت پوندي هوندي۔ اسان به ڪڏهن ڪڏهن کائڻ وقت چشمو وساري ويهندا آهيون پوء ڪڏهن ڪڏهن اوهان وارو اهو نسخو آزمائڻو پوندو۔ وڏا وڙ اوهان جا
جواب: پيچش جو آسان ۽ سستو علاج واھ واھ سائين تمام بهترين نسخه آهي......پر اها بيماري ٿيندي ڇا جي ڪري آهي...؟ ان جا سبب بيان ڪريو هان ته اسان تي اوهان جي احسان ٿين ها...... تمام ڪارائتي ونڊ آهي.
جواب: پيچش جو آسان ۽ سستو علاج سائين حقيقت ۾ توهان مون کي پهتل ٻانها ٿا لڳو علي علي جڏهن پاڪستان آيو هيو ته سڀ کان پهريائين مون سان مليو هيو ۽ هن اها ئي شڪايت ڪئي هئي ته کيس پيچس آهي اصل ڳري ڪنگلو لڳو پيو هيو سو توهان جو هي نسخو علي علي جو ڪم اچي ويندو ۽ يقينن سنڌ سلامت فورم کي دعائون به ڪندو سائين توهان جو هي نسخو بي انتها لاجواب آهي اهڙي شيئرنگ جاري رکجو سدائين گڏ
جواب: پيچش جو آسان ۽ سستو علاج جيڪڏهن اهڙي تڪليف علي کي پيش اچي ٿي ته پوعلي کي اها صلاح آهي، ته هو چانور گودڙي ۾ کڻي ئي ٻاهر نڪرن۔۔۔۔۽ سائين نثار جن جو نسخو ياد هجيس سدائين۔۔۔
جواب: پيچش جو آسان ۽ سستو علاج ادا توهان جو نسخو سٺو آهي ان کان علاوه مان به پنهنجي طرفان سنڌ سلامت جي ڀائرن لاء هڪ نسخو تجويز ڪيان ٿو جيڪڏهن فائدو ٿئي ته دعا ۾ ياد ڪندا. هوالشافي: سونف ، ڌاڻا ، جيرو اڇو ، جاڻ . ڦودنو خشڪ ، ننڍا ڦوٽا ، ڏاڙهون جي ڪڻ ، نوشادر ٺڪري مٿي ذڪر ڪيل سڀ شيون ڏهه 10 ڏهه 10 گرام ڪٽي پائوڊر ڪري ان ۾ 80 گرام کنڊ جو سنهو پائوڊر ملائي رکجي ان دوا مان چانهه وارو چمچو کاڌي پيتي کان پوء پاڻي سان واپرائجي ان مان فائدا: پيٽ جو سور بدهضمي پراڻي پيچش دست قبضي الٽي پيٽ جي ڀرتي مطلب ته پيٽ جي سڀني تڪليفن لاء بهترين نسخو آهي . آسان به آهي سستو به آهي.
جواب: پيچش جو آسان ۽ سستو علاج سائين حڪيم عبدالقادر صاحب، اوهان جا لک ٿورا جو اوهان تمام قيمتي نسخو ونڊ ڪيو آهي، انجو اجر رب پاڪ وٽ آهي ۽ اسانجي دعا آهي ته اوهان اسانجي ساٿ سان هميشه اهڙا قيمتي نسخا ونڊ ڪندا ته جيئن سنڌ سلامت جا ساٿي ۽ رڪن فائدو وٺي سگهن ۔۔۔ ٿورا ناهن ٿورا مونتي ماروئڙن جا ۔۔۔
جواب: پيچش جو آسان ۽ سستو علاج سائين مهربانيون اوهان جي اچڻ سان اسان لاء آسانيون پيدا ٿي ويون۔ انشاء الله ضرورت وقت اوهان جا ٻڌايل نسخا آزمائبا۔ اوهان مان اميدون اهن ته قيمتي نسخا ونڊ ڪندا رهندا
جواب: پيچش جو آسان ۽ سستو علاج ادا هڪ آسان ۽ سستو نسخو منهنجي طرفان به حاضر آهي۔ هي نسخو مونکي ٿر مان مليو آهي ۽ تمام گهڻو فائيدي مند به آهي هڪ پتاشو ۽ اوتري وزن جيترا نازبو جا ٻج ڏينهن ۾ 3 کان 5 دفعا۔ اگر فائيدو ٿئي ته دعائن ۾ ياد ڪجو
جواب: پيچش جو آسان ۽ سستو علاج ادا نواب ڪيريا صاحب، نسخو ته سسمجهه ۾ اچي ٿو ۽ پتاشي ۽ نازبو جو ميلاپ پيٽ ۾ ٿڌاڻ پئدا ڪرڻ جي تاثير رکي ٿو، انڪري فائديمند ٿي سگهي ٿو ۔۔۔ پر ٻه سوال۔ 1۔ ڇا اوهان يا اوهانجي ڪنهن ويجهي عزيز يا دوست اهو استعمال ڪيو آهي؟ 2۔ پتاشي جيترا نازبو جا ٻچ ۔۔۔ ڇا پتاشي ۽ ٻجن کي گهوٽجي يا ائين ئي سڄا کائجن ۽ اهو هڪ دفعي جو وزن آهي يا انکي 5 حصن ۾ ورهائجي ۔۔۔؟ طب جا نسخا پڻ خبرداري سان استعمال ڪرڻ ضروري هوندا آهن، ڇاڪاڻ دوا ۾ احتياط نه هوندو ته ڪو نقصان به ٿي سگهي ٿو ۔۔۔۔ لک ٿورا
