اسلام عليڪم منهنجا پيارا ڀائرو ۔۔۔۔۔۔۔۔۔۔ مان ڪجھ مصروفيتن جي ڪري ڪلاس هلائي نه سگهيس اوهان کي منهنجي ڪلاس جو انتظار ڪرڻو پيو، سو ان لاء مان معزرت چاهيان ٿو۔ اڄوڪي ڪلاس ۾ اسان ڪمپيوٽر هارڊ ويئر جي ان پٽ ۽ آوٽ پٽ ڊيوائسن کي پڙهنداسين۔ ان پٽ ڊيوائس اهي پرزا يا ڊيوائس، جيڪي ڪمپيوٽر کي ڊيٽا ڏيڻ لاء ڪتب ٿين ٿا، انهن کي "ان پٽ ڊيوائس چيو وڃي ٿو۔ ان پٽ ڊيوائس ۾ مائوس ۽ ڪي بورڊ کي بنيادي اهميت حاصل آهي۔ اسڪينر کي به ان پٽ ڊيوائس طور استعمال ڪيو وڃي ٿو۔ ان پٽ ڊيوائس جا ٻيا به ڪيترائي قسم آهن، جهڙوڪ؛ جوائي ا سٽڪ، لائيٽ پين، ٽچ اسڪرين، ٽريڪ بال، ڊجيٽل ڪيميرا، مائيڪرو فون بار ڪوڊ ريڊر، ميگنيٽڪ انڪ ريڊر جو استعمال به گهڻو آهي۔ آوٽ پٽ ڊيوائس ڪمپيوٽر کي ان پٽ ڊيوائسن جي ذريعي ڊيٽا ڏيڻ کان پوء، ان جي بهتر ۽ مفيد نتيجن، جنهن کي انفارميشن چئجي ٿو، آوٽ پٽ ڊيوئسن مان ورتو وڃي ٿو۔ آوٽ پٽ ڊيوائسن ۾ پروگرام کي محفوظ رکڻ جي صلاحيت هوندي آهي۔ ڪجھ آوٽ پٽ ڊيوائسن جي مدد سان نتيجن کي ڏسي به سگهجي ٿو ۽ ڇاپي به سگهجي ٿو۔ آوٽ پٽ ڊيوائس ۾ مانيٽر ۽ پرنٽر کي بنيادي اهميت حاصل آهي۔ ان کانسواء ٻيا به ڪيترائي قسم آهن آوٽ پٽ ڊيوائس جا، جهڙوڪ؛ اسپيڪر، فلاپي ڊسڪ، هيڊ فون، ڊسپلي ڪارڊ، موڊيم ۽ سائونڊ ڪارڊ به آوٽ پٽ ڊيوائس ۾ اچن ٿا۔ هاڻي مونکي ڏيو اجازت انشاء الله ايندڙ ڪلاس ۾ ملنداسين۔ دعائن ۾ ياد رکجو مظهر علي وگهيو
جواب: ڪلاس پهريون ادا سهڻا اوهان جا لک احسان اسان جي لاء اهڙي ڪوشش ڪيو پيا....باقي پاڻ ته صفا ڪمپيوٽر ۾ 0 آهيون...اوهان جي سبقن مان ڪجھ اسان به حاصل ڪرڻ جي ڪوشش ڪندا سين. اوڪي ادا موڪلاڻي ڪانهي ڪا سدائين گڏ. سنڌسلامت ساٿ سلامت
جواب: ڪلاس پهريون خير آ ادا بس توهان سلامت هجو باقي دير جو خير آهي... اهو سبق به بهترين آهي.. مهرباني .........
جواب: ڪلاس پهريون ادا عاشق ۽ ادا وسيم اوهان جي مهرباني جو اوهان منهنجي همت افزائي ڪئي، انشاء الله ايندڙ ڪلاسن ۾ اوهان کي گهڻو ئي ڪجھ سکڻ لاء ملندو۔
