تازو دادو ضلعي ۾ آيل ٻوڏ تمام گهڻو نقصان ڪيو آهي، غريب ۽ مسڪين ماڻهن جا اجها مڪمل طرح تباه ٿي ويا۔ ڪن کي وطن ڪارڊ ڏئي آسري ۾ رکيو ويو ته ڪن کي وري ڌڪا ۽ ٿيلها ڏئي نا اميد ڪري آسري ۾ رکيو ويو۔ سنڌي ويچارا اٻوجه ۽ سٻاجهڙا سدائين آسرن ۽ دلاسن تي يقين رکندا آهن۔ڍ پر افسوس وري ان ڳاله جو آهي ته دادو ۽ خيرپور ناٿن شاه تعلقي جي سڀني تعلقن کي بار بار آخري وارننگ ڏئي پنهنجا اجها خالي ڪرڻ لاءِ سرڪاري گاڏيون موڪليون ويون ۽ ڪيترن ئي سنڌي سٻاجهڙن ماڻهن کي ٻين ضلعن ۾ رهايو ويو۔ جڏهن وطن ڪارڊ ڏيڻ جو سلسلو جاري ٿيو ته دادو تعلقي جي سڀني يوسين ۽ خيرپور ناٿن شاه تعلقي جي ڪجه يوسين کي وطن ڪارڊ جي لسٽ مان خارج ڪري سنڌي ماڻهن جي قٽن تي لوڻ ٻرڪيو ويو۔
جواب: وارننگ يا مذاق ههڙا هاڃا ٿين بري هن ڀنڀور ۾ ۔۔۔ بس ڙي ادا نياز ابڙا صاحب ۔۔۔ پاڪستان سڳوري جا سياستدان سڀ جا سڀ ڪاسائي آهن ۔۔۔ مڏي ڪاتيءَ سان سنڌين کي ڪهڻ جو ٺيڪو کنيل اٿن (ڌاريا + سنڌي) ۔۔۔ اها حالت اڄ جي ناهي جڏهن کان پاڪستان ٺهيو آهي تڏهانڪر آهي ۔۔۔ بس دعا ڪريو ته جان ڇٽي باقي الله واهي آهي ۔۔۔ ٻٻرن کان ٻير گهرڻ به ڪا عقلمندي آهي ڇا ۔۔۔۔؟ سنڌ سلامت ساٿ سلامت
