پيارا سنڌ واسيو اڄ ٽنڊو محمد خان لطيفي لات جي تقريب منعقد ٿِي، جنهن ۾ شاهه سائين جا پارکو، مشهور سنڌي ڏاهي ۽ لطيف سائين جي موجوده دور جي سڀ کان وڏي پارکو محترم انب گوپانگ جي سرواڻي ۾ سر يمن ۽ يمن ڪلياڻ تي ليڪچر ڏئي رهيا آهن، انهي تقريب ۾ ڪي ٽي اين جي ٽيم غلام نبي ڪيريو جي سرواڻي ۾ ڪي ٽي اين پاران 05 ڊسمبر تي ملهائجندڙ سنڌي ٽوپي ۽ اجرڪ واري ڏيهاڙي، جي حوالي سان ڪافي اديبن کان انٽرويوپڻ ورتا، سنڌي ٽوپي ۽ اجرڪ واري ايڪتا جي ڏيهاڙي جي حوالي سان ڪافي سنڌي اديبن ڪي ٽي اين جي سرپرست محترم قاضي علي جا ٿورا مڃيا ۽ ائين پڻ چيو ته سنڌي ٽوپي ۽ اجرڪ ڏينهن واري حوالي سان اهو ڏينهن عيد جي ڏينهن وانگر ملهايو ويندو۔ ان ڏينهن تي هر سنڌي لازمي لازمي سنڌي ٽوپي ۽ اجرڪ پائي ايڪتا جو ڏينهن ملهائيندو ۽ اهو نعرو هنيو ته سنڌي ٽوپي ۽ اجرڪ جا رنگ سڀ جا سڀ ڪي ٽي اين جي سنگ۔ ان کانپو مختلف شاهه سائين جا پارکو، سُر يمن ڪلياڻ جي بيتن ۽ وائين جي اڀياس ڪئي، جنهن ۾ ڪافي ساريون معلوماتي ڳالهيون پڻ سامهون آيون، جنهن ۾ اهو طئه ڪيو ويو ته لطيف سائين سُونهن ، فطرت ۽ درد جو شاعر آهي، لطيف سائين جي بيتن ۽ شاعري ۾ اها زندگي جي روشني آهي جنهن سان سموري سنڌي ٻولي زنده و جاويدان آهي، شاهه سائين پنهنجي شاعري ۾ وطن جي حفاظت کان وٺي، پرين جي ساٿ جي ڳالهه ڪئي آهي۔ لطيف سائين جي شاعري ۾ حرف تجنيس ۽ تخيل جي بلندي جي ڳالهه آهي، لطيف سائين انسان ذات کي درس ڏنو آهي ته حوصلي ۽ همت کان سوا ڪا ڳالهه پنهنجي منطقي انجام تائين ڪونه پهچندي۔ پيارا دوستو ان سموري ڪاروائي جي رڪارڊنگ وڊيو جي صورت ۾ اسان جو دوست سنڌ سلامت سان پيار ڪندڙ دوست سائين عبدالمجيد سولنگي ۽ سندس پُٽ عبدالعزيز سولنگي ڪري رهيا آهن، جيئن ته منهنجي طبيعت ناساز هُئي ان ڪري آئون ٿوري دير پهرين گهر پهتو آهيان ۽ هي تصويرون انهي تقريب جون توهان سان ونڊ ڪري رهيو آهيان باقي وڊيو تمام جلد ايڊيٽنگ ڪري توهان دوستن تائين ضرور پهچائيندس، تمام خوبصورت پروگرام جاري هُو، ان تقريب ۾ شهر ٽنڊو محمد خان، بدين، ماتلي، ڪڙيو گهنور، گولارچي، ٽکڙ، بُلڙي شاهه ڪريم، ميرپور بٺورو ۔ ٺٽو، دڙو، ۽ حيدرآباد جا لطيف سائين جا پارکو شريڪ آهن جيڪي لطيف سائين کي پنهنجي خوبصورتن لفظن جي ڀيٽا ڏئي رهيا آهن ۔ هاڻي پيش آهن انهي لطيفي لات واري تقريب جون تصويرون خالص سنڌ سلامت جي پيش ڪش لطيفي لات جي تقريب جو خوبصورت ترين بينر آويزان هو لطيفي لات جي تقريب کي اسٽيج سيڪريٽري جي حيثيت سان هلائيندڙ شاهه سائين جو بهترين پارکو، بهترين موسيقار، بهترين شاعر محترم رفيق آس لغاري ڪي ٽي اين جو نمائندو محترم غلام نبي ڪيريو سنڌي ٽوپي ۽ سنڌي اجرڪ ڏينهن جي حوالي سان ڊاڪٽر عزيز ٽالپر سيڪريٽري سنڌي ادبي سنگت شاخ ٽنڊو محمد خان کان انٽرويو وٺي رهيو آهي۔ سنڌي ٽوپي ۽ اجرڪ ڏينهن جي حوالي سان توهان جي جهوني نثارناز کان ڪي ٽي اين جو نمائندو انٽرويو وٺي رهيو آهي۔ سنڌي ادب جي مختلف دوستن کان ڪي ٽي اين جو نمائندو سنڌي ٽوپي ۽ سنڌي اجرڪ ڏينهن جيڪو 5 ڊسمبر 2010 تي ڪي ٽي اين ۽ ڪاوش سٿ پاران سُجاڳي ڏينهن طور ملهايو ويندو انٽرويو ڪري رهيو آهي۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا سنڌ جو ڏاهو لطيف سائين جو پارکو محترم انب گوپانگ سُر يمن ۽ يمن ڪلياڻ تي ليڪچر ڏئي رهيو آهي۔ سندس ليڪچر جا مختلف انداز۔ ان کان علاوه شريڪ ٿيندڙن جون تصويرون اسان جي سنڌ سلامت جو دوست ميمبر محترم غلام علي شاهه پاڻ ڪي ٽي اين ٽنڊو محمد خان ضلع جا مين ڪئميرا مين پڻ آهن پنهنجون ذميواريون ادا ڪندي۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا ادا نثار ناز تمام بهترين ونڊ آهي ۔ پروگرام جي ويڊيو ريڪاڊنگ جو انتظار رهندو۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا پيارا سلمان ڪلمتي تنهنجا لک ٿورا جو منهنجي موڪليل هن ونڊ کي بهترين چيو۔ ادا اهو تمام پروگرام انشاالله جلدي وڊيو جي صورت ۾ توهان سڀني سنڌي ساٿين سان شيئر ڪندس، انهي سموري پروگرام جا ٽيپ مونکي سائين عبدالمجيد سولنگي جي مهربانين سان مونکي ملي چُڪا آهن، ٿورو طبيعت ٺيڪ ٿئي ته انهن ٽيپن جي وڊيو ايڊيٽنگ ڪري ساري دنيا جي سنڌين سان پنهنجي محبتي سنڌ سلامت اڱڻ تان ضرور ضرور ونڊ ڪندس۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا سائين نثار ناز صاحب هميشه اوهان جي ونڊ زبردست هوندي آهي۔۔۔۔۔۔۔۔۔بهترين سائين
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا الله اوهان کي صحت ڪامل نصيب ڪري _ آمين
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا ٽنڊو محمد خان جي رهواسين جي علم دوستي ته پنهنجي مٽ پاڻ آهي ۽ اهڙيون سهڻيون تقريبون جن ۾ سنڌ جا سڄاڻ ۽ سهڻا ماڻهون شامل هجن ته اهڙي محفل ۾ ويهڻ ئي غنيمت چئبي ۔۔۔ مٿان وري انب گوپانگ جو ڪلياڻ ۽ يمن ڪلياڻ جي تشريح تي ڳالهائڻ ۔۔۔ بس پو ته واهه واهه ٿي وئي هوندي، ڇاڪاڻ ته شاهه جي فڪر جا اهي ٻه سر وحدت جي پرچار جي ڏس ۾ اهم آهن ۔۔۔ انب گوپانگ سان منهنجي ملاقات هڪ سائين انور پيرزادي سان گڏ ٿي هئي جڏهن هو طارق روڊ تي قائم هڪ شگرمل جي آفيس ۾ ڪم ڪندا هئا ۽ ٻي ملاقات ٿي هئي جڏهن محترم شمشير الحيدري صاحب جن سنڌي ادبي بورڊ جا سيڪريٽري هئا ۔۔۔ انب جهڙو مٺڙو ماڻهون، انب گوپانگ سان ملبو ته سندس ڳالهين مان انب جهڙي مٺاڻ پئي محسوس ٿيندي آهي ۔۔۔ جهڙو سندس نان تهڙو سندس ڏان ۔۔۔ رب کيس وڏي ۽ صحتمند حياتي عطا ڪريس ۔۔۔ لک ٿورا نثار ناز جا هو اهڙن ماڻهن جو ديدار پيو ڪرائي ۔۔۔ ٿورا ناهن ٿورا ۔۔۔۔ سنڌ سلامت ساٿ سلامت
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا مٺا عاشق هميشهه جيان توهان جي همت افزائي به زبردست هُوندي اهي۔ مهرباني سولنگي۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا ادا نثارابڙا مونکي ڏاڍي خوشي ٿي جو توهان سائين انب گوپانگ سان ملاقات جي ڪالهه لکي، نثار ابڙا قسم سان شاهه سائين جي سُر ڪلياڻ ۽ يمن ڪلياڻ واري تقريب ۾ ايڏا ته ڪلياڻ ٿيا جو وڃي ٿيا ست خير، ساري رات جي هن خوبصورت ترين پروگرام کي مڪمل طرح ڪور ڪري نه سگهيس طبيعت جي ناسازي هاڻي تمام گهڻو تنگ پئي ڪري۔ سائين انب گوپانگ ، سائين مشڪور ڦلڪاري ۽ پنهنجي سنڌ سلامت جي گمنام سنڌي محترم سيد علي شاهه جيڪو ميرپور بٺوري کان خاص هن هن تقريب ۾ شرڪت ڪرڻ لا آيو هُو ڪوشش ڪريان پيو ته سندن بهترين مقالن جا وڊيو ايڊيٽنگ ڪري سنڌ سلامت جي دوستن سان ونڊ ڪريان پر ٿورو طبيعت ۾ گڙ ٻڙ آهي جيئن ئي طبيعت ٺيڪ ٿي مان انهن جا مڪمل وڊيو توهان سڀني دوستن سان ونڊ ڪندس۔ همت افزائين جا لک ٿورا۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا پيارا ناز سائين،توهان هن لطيفي رهاڻ کي تمام خوبصورتيءَ سان محفوظ ڪري دوستن سان شيئر ڪيو۔آئون انهيءَ لاءِ توهان جو بيحد ٿورائتو آهيان۔انشاءَالله انهن لطيفي رهاڻين جو تسلسل قائم رهندو ۽ توهان جو ساٿ ۽ سهڪار به برقرار رهندو۔ٿورا نه ٿورا مونتي ماروئڙن جا ...
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا پيارا سائين سيد علي شاهه عرف گمنام سنڌي بس هڪڙو خادم آهيان لطيف سائين جي پانڌيئڙن جو گڏو گڏ سهُڻن مٺڙن سنڌي ڀائرن ۽ ڀينرن جو، ائين سمجهو ته سنڌ امڙ سان پنهنجو ناتو نينهن نڀايان پيو توهان جون محبتون ۽ همت افزايون منهنجي لا مشعل راهه آهن ۔ لک لائق
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا سائين نثار ناز سلام محترم انب گوپانگ سان ملاقاتون گهڻيون آهن پاڻ سچل ڳوٺ ۾ به سنڌ گريجوئيٽس ايسوسيئيشن جي پروگرامن ۾ ايندا رهيا آهن۔ لطيف سرڪار جي شارحن مان هڪ بهترين شارح آهي جيڪو آسان انداز ۾ لطيف جي فڪر کي عام ماڻهن تائين پيو پهچائي۔ اوهان کي مبارڪ جو هيڏيون سٺيون محفلون اسان سان ونڊ ڪندا ٿا رهو
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا سائين تمام بهترين ..........................
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا لک لائق ادا سليمان وساڻ، بلڪل ادا شاهه سائين جي پارکوئن ۾ هن وقت سڀ کان وڏو نالو محترم انب گوپانگ جو آهي، جهڙي طرح توهان سان سائين انب گوپانگ جون ڪچهريون ٿيل آهن بلڪل اهڙي طرح سائين انب گوپانگ سان مون ٽي درجي واري شاعر جون ڪچهريون پڻ ٿيل آهن، اهي ڪچهريون شهر بدين ۾ ٿيل آهن، سائين انب گوپانگ شروع شروع ۾ پنهنجي سرڪاري نوڪري انهي کاتي ۾ ڪئي هُئي جنهن کاتي مان مان ريٽائر ڪيو آهي، ليڪن هن ٿيل پروگرام ۾ سائين انب گوپانگ جا معتقد ايترا هُئا جو سائين گوپانگ صاحب سان ذاتي طور عليڪ سليڪ ٿي نه سگهي، وڏي ڳالهه ٻُڌايان ته فيس بُڪ تي شاهه سائين جي حوالي سان انتهائي محنت ڪندڙ اسان جي سنڌ سلامت جو گمنام سنڌي سيد علي شاهه پڻ انهي گڏجاڻي ۾ شريڪ ٿيو هو ان جي تصوير ته مون ڪڍي هُئي پر سائين سان ڪچهري ٿي نه سگهي، هتي توهان سان ان محبتي ماڻهو گمنام سنڌي سيد علي شاهه جي تصوير ونڊ ڪري ٿو ڇڏيان ته جيئن سنڌي سلامت جي سنڌي سڄڻن ۽ ساري دنيا جي سنڌي دوستن کي خبر پوي ته فيس بوڪ تي شاهه عبداللطيف ڀٽائي رح جي فلسفي کي عام ڪرڻ وارو اسان جو گمنام سنڌي ڪهڙو آهي۔ انتهائي محبتن ۽ احترام سان پيش آهي سيد علي شاهه عرف گمنام سنڌي جي تصوير، سنڌ سلامت جي پنهنجي پيش ڪش ادا سليمان وساڻ هميشهه دل چاهيندي آهي ته سنڌ سلامت جي اڱڻ لا حقيقي رنگ ونڊ ڪجن، هاڻي ان سلسلي ۾ پنهنجو جيڪو به غريباڻو حال آهي بس جيجل ڌرتي، امڙ سنڌ لا ناتو نڀايان پيو، جيتوڻيڪ جو هاڻي منهنجي طبيعت به اپ ٽو مارڪ ڪونهي، پر يار جڏهن ڏسندو آهيان ته ڪنهن به ادبي سماجي ، فنون لطيفه سان تعلق رکندڙ ڪا به تقريب جنهن سان سنڌ سلامت جو اڱڻ مهڪي سگهي ٿو انهن جا نت نوان رنگ اهڙين ونڊن جي صورت ۾ ضرور حاصل ڪرڻ جي ڪوشش ڪندو آهيان وڌيڪ اهڙين محنتن جا توهان قدردان آهيو، همت افزايون ڪريو ٿا اصل منهنجي لا گنج ٿيو وڃي۔ ٿورا نه ٿورا مون تي ماروئڙن جا۔
جواب: ٽنڊو محمد خان شهر ۾ لطيفي لات ، انب گوپانگ جي سرواڻي ۾ لطيف سائين کي ڀيٽا سائين نثار ناز اوهان جا ٿورا اوهان سنڌ جي هڪ سڄڻ ، لطيف سرڪار جي عاشق ۽ اسان جي سائين محترم علي شاه سان تصوير ذريعي ملاقات ڪرائي ڇڏي۔ يقينن سائين علي شاه سان اوهان جي ڪچهري به ٿي هوندي۔ اوهان جي مهرباني
