ٻوڏ اچي ٿي

[TAHIR SINDHI]

ٻوڏ اچي ٿي ڀڄو ڀڄو ڙي ٻوڏ اچي ٿي
جان بچايو وارو ڪيو ڙي ٻوڏ اچي ٿي

ٽوڙي بند ڀڳو ويو آ سنڌو سنڌ ڏي سڌو ٿيو آ
ٿورو بلوچستان ڏڪائي سنڌ ڏي ساڳيو موٽي پيوڙي ٻوڏ اچي ٿي

پاڻي پويان ماڻهو اڳ ۾ سيد سرڪي ڀڳٽي دڳ ۾
پاڻي ناهي آفت آهي ڌن کي ڇڏي ڏيو تن جي ڪيوڙي ٻوڏ اچي ٿي

رستا راهوب مرد ۽ مايون لڙهندا ڇڏي ان مال ۽ جايون
راهن ۾ بس دانهون ڪوڪون پاڻي پياريو ڏجو ڳڀوڙي ٻوڏ اچي ٿي

پنهنجو ناهي غير به ناهي والي واهي ڪير به ناهي
حاڪم بيٺا بغليون وڄائن هٿ ۾ هنن ڀي ڪستو کنيوڙي ٻوڏ اچي ٿي

ٽي وين منظر ڏک جو ڏکاريو ماڻهن ماڻهن کي ٿي ماريو
ڪوئي سخي جنهن اڇلين چانور گتهه پٺيان هر بکيو ڀڳوڙي ٻوڏ اچي ٿي

ڪو نه رهيو آ راڻو راڻي ملڪ سمورو پاڻي پاڻي
سُڪَ ۾ سڙن امروٽ ۾ ساريون انڌ نگر ۾ انڌ ڏسوڙي ٻوڏ اچي ٿي

ڪا ته خطا آ جنهن جي سزا آ دڙڪو رفيق ڏنو خدا آ
رنج هجي ها ڪجهه نه بچي ها وارو مليو آ توبه ڪيوڙي ٻوڏ اچي ٿي
​

سيد رفيق شاه امروٽي
الفاروق سنڌي ذوالقعده 1431هه​

 

[رياض حسين گلال]

جواب: ٻوڏ اچي ٿي

زبردست ادا ،،،،،،،،،،،،،،،،،،،،،،،،،،،،،

 

[TAHIR SINDHI]

جواب: ٻوڏ اچي ٿي

زبردست ادا ،،،،،،،،،،،،،،،،،،،،،،،،،،،،،

مهرباني ادا پسند ڪرڻ جي۔