شاه جو رسالو هڪ تحقيقي وڊيو رپورٽ شاه صاحب جي سوانح عمري مان مختصر تعارف شاهه عبداللطيف ڀٽائي سنه 1689ع ۾ حيدرآباد ضلعي جي [[هاڻوڪي ٽنڊي آدم تعلقي جي هڪ ڳوٺ سُئي ڪنڌر]، هالا حويلي۾ ڄائو. شاهه عبداللطيف حبيب شاهه جو پٽ، عبدالقدوس شاهه جو پوٽو، جمال شاهه جو پڙپوٽو ۽ جمال شاهه شاهه عبدالڪريم بلڙي واري جو ٽيون پٽ هو. شاه تاڃيءَ پيٽي سيد هو. سندس والده ڏيرن فقيرن منجهان هئي. سندن ڳوٺ ڀٽ کان ٿورو ئي پنڌ آهي،اڃان تائين ان ڳوٺ ۾ شاھ جا ڪنڊا نالي ديھ آهي.چون ٿا ته شاه حبيب پنهنجي پٽ کي وائي ڳوٺ جي مشهور عالم آخوند نور محمد ڀٽيءَ وٽ علم پرائڻ لاءِ موڪليو، وائيءَ جو ڳوٺ ڀٽ کان ڇهه ۽ اڏيري لعل کان ٻه ڪوهه پري آهي. چون ٿا ته شاه الف اچاري ب چوڻ کان نابري واري. شاه صاحب امي (اڻ پڙهيل) هو يا نه تنهن بابت جدا جدا عالمن جدا جدا رايا ڏنا آهن. ڪنهن جو چوڻ آهي ته هو هڪ يگانو علم هو. ۽ ڪن صاحبن جو رايو آهي ته مٿس علم لدني نازل ٿيل هو جو ڌڻيءَ طرفان ڪامل ولين کي عطا ٿيندو آهي.۔۔۔۔۔ ( مگر تحقيقي ماهرن جو چوڻ آهي ته شاه صاحب پڙهيل هو پوء کڻي ڪنهن مدرسي مان سنديافته نه به هو مگر کيس سنڌي، فارسي ۽ عربي جي سٺي ڄاڻ هئي، جنهن جو ثبوت سندس شاعري آهي، جنهن ۾ عربي ۾ قرآن جون آيتون، حديثون، ۽ جلال الدين رومي صاحب جي مثنوي مان حواله استعمال ٿيل ٿا نظر اچن۔۔ )شاه صاحب سان اڪثر ٽي ڪتاب ساڻ هوندا هئا: قرآن شريف، مولانا جلال الدين روميءَ جي مثنوي، شاه عبدالڪريم بلڙيءَ واري جو ڪلام. انهن ڪتابن تي ڪنهن به هنڌ ڪجهه به لکيل ناهي جنهن کي شاه جو دستخط چئجي. مير علي شير قانع ٺٽوي، جيڪو عبداللطيف جو معتقد هو سندس ئي زماني ۾ رهندو هو، سو پنهنجي ڪتاب تحفه الڪرام ۾ لکي ٿو اگرچه عبداللطيف اڻ پڙهيل هو ته به ساري عالم جو علم دل جي لڪيل تختيءَ تي لکيل هو. تحفه ڪرام شاه صاحب جي وفات کان صرف سورنهن سال پوءِ يعني 1786 ۾ لکيل آهي انهي ڪري ڪي عالم ان کي هڪ اهم سند سمجهن ٿاحقيقت ۾ عارفن اوليائن جو ذڪر ڪندي مير علي شير قانع وڃي ڪرامتن ۽ معجزن جي عشق ۾ گرفتار ٿيو آهي. سندس دفتر مان ڪو ّخاص تاريخي يا شخصي احوال خير ٿو ملي جنهن ڳالهه تي جيترو افسوس ڪجي اهو گهٽ آهي۔ هون به اسان جا جيترا به هيرو يا سورما آهن انهن تي اسان کي تمام گهٽ ٿو ڪم ڪيل نظر اچي، جنهن تي تحقيقي ٿيڻ گهرجي سندس ڪلام کي شاه جو رسالو چيو ٿو وڃي۔۔. شاه جو رسالو هڪ تحقيقي وڊيو رپورٽ حصو پهريون http://www.youtube.com/watch?v=DYbL8-g0R5U
جواب: شاه جو رسالو هڪ وڊيو رپورٽ ادا رياض صاحب توهان جي مهرباني جو توهان منهنجي هر تحرير تي نظر رکو ٿا ۽ انهيء کي ڏسو ٿا، مگر ادا منهنجو هڪ نماڻو عرض آهي ته ادا توهان منهنجي ونڊ تي ڪي پنهنجا خيالات، ۽ ڪمينٽس به ڏيندا ته مهرباني۔ ادا شاه صاحب جو ٽاپڪ ته اهڙو ٽاپڪ آهي جنهن تي هڪ پيج ته ڇا پر هن ٽاپڪ تي ته سوين ڪتاب لکجي سگهجن ٿا۔سندس شخصيت تي سندس جي شاعري تي سندس دور تي، ادا رياض مان ته توهان کي اهيو به نماڻو عرض ڪندس ته توهان شاه کي پڙهو۔ شاه کي پڙهڻ لاء هيٺ ڏنل لنڪ تي ڪلڪ ڪري پڙهي سگهو ٿا ڊاڪٽر بلوچ جو لکيل جامع ۽ مستند شاهه جو رسالو سنڌي ادبي بورڊ جا لطيفيات تي چپايل ڪتاب
جواب: شاه جو رسالو هڪ وڊيو رپورٽ اڙي ادا ممتاز لطيف جي ڪهڙي ڳالهه تي لکجي ۔۔۔ جيڏانهن ڪاهيان ڪرهو، چٽاڻون چوڌار ۔۔۔ لطيف جي وحدانيت واري پيغام تي لکجي يا حق ۽ سچ تي جان نثاري واري جذبي تي لکجي ۔۔ لطيف جي حب الوطني تي لکجي يا وطن جي خاطر ڏک ڏاکڙا برداشت ڪري مارئي جي ريت نڀائجي ۔۔ ٿر تي لکجي يا ڪاڇي تي لکجي يا سنڌ جي سهڻن ماڻهن تي لکجي يا حساس جذبن تي لکجي ۔۔۔ مطلب ته لطيف تي لکبو ته لطيفي فڪر تي لکڻو پوندو ۽ جي لطيفي فڪر تي لکبو ته پوري ڪائنات تي لکڻو پوندو ۔۔۔ هاڻ تون ئي ٻڌا تي ڇا تي لکجي ۔۔۔ ؟ اسانجي حياتي جا باقي لمحا ايترا ته ٿورا آهن جو انهن لمحن ۾ ڪائنات جي حسن جي هڪ جهلڪ تي لکڻ به اسانجي وس جي ڳالهه ناهي ۔۔۔ رب اسانکي هن ڪائنات جي علم جو ڪو ماسو ئي عطا ڪري ته هوند پوڄارا پر ٿي وڃن ۔۔ هٿ مٿي آهن ۔۔۔ اکيون آسمان ۾ آهن ۔۔۔ دل ۾ محبوب جي جا ٺاهڻ ۾ مصروف آهيون ۔۔۔ دعا ڪريو ته ڪاميابي ٿجي ۔۔۔ سهڻي ونڊ جا ٿورا ڳڻي ڪيترا ڳڻبا ۔۔۔ سنڌ سلامت ساٿ سلامت
جواب: شاه جو رسالو هڪ وڊيو رپورٽ ادا بهترين ۔ ادا ڇا مولانا غلام مصطفى قاسمي رحمته الله عليه يا وري سائين نبي بخش بلوڄ صاحب جو شاه جو رسالو مرتب ۽ ترجمو ٿيل نيٽ تي آهي ؟ جيڪر آهي ته هن جي لنڪ ضرور ٻڌائيندا مهرباني
جواب: شاه جو رسالو هڪ وڊيو رپورٽ ادا مولانه قاسمي ۽ ڊاڪٽر بلوچ جو ترتيب ڏنل شاه جو رسالو مون کي ته نيٽ تي نظر نه آيو آهي، باقي اگر ڪنهن دوست کي نظر ۾ آهي ته ان لاء مان انهن دوستن کي اهيو عرض ڪندس ته ان جي لنڪ هت ونڊ ڪن ته جيئن سنڌ سلامت جا باقي دوست به ان مان فائدو حاصل ڪري سگهن۔ مهرباني۔۔۔۔۔۔۔
جواب: شاه جو رسالو هڪ وڊيو رپورٽ سنڌ سلامت جا ساٿيو جيئن ته ڪجهه ڏينهن پهرين سنڌ سلامت جي سيڪشن شاه عبداللطيف ڀٽائي ۾ شاه جي رسالي تي ڪي ٽي اين جي هڪ وڊيو رپورٽ پيش ڪئي وئي هئي، جنهن ۾ شاه جي رسالي بابت تحقيقي رپورٽ ڏنل هئي، جنهن جو صرف پهريون حصو ( هڪ وڊيو ۾ ) پيش ڪيو ويو هو، مگر سنڌ سلامت جا ساٿيو ان جو ٻيو حصو ( وڊيو جو پارٽ نمبر 2 ) هاڻي وري سنڌ سلامت تي ونڊ ڪيو ويو آهي، جنهن ۾ پڻ شاه جي رسالي جي تحقيقي ڪم جو بقايه حصو ڏيکاريو ويو آهي۔ اميد ته هن وڊيو کي به ڏسي ڪري شاه صاحب جي رسالي بابت پنهنجي ڄاڻ ۾ اضافو ڪري شاه صاحب ۽ شاه جي شاعري سان محبت جو ثبوت پيش ڪندا۔ سنڌ سلامت جا ساٿيو۔۔۔۔۔شاه صاحب صرف سنڌ جو وڏو شاعر ناهي پر هڪ عالمگير شاعر آهي جنهن جو فڪر عالمگير فڪر آهي شاه صاحب جي شاعري امن شانتي پيار ء محبت جو درس ڏئي ٿي. افسوس ان ڳالهه جو آهي ته اسان جو نوجوان نسل غالب، اقبال، ء شيڪسپيئر کي ته پڙهڻ پسند ڪندو آهي مگر شاه جي شاعري کي ناهي پڙهندو.جڏهن ته شاه صاحب غالب، اقبال ، ء شيڪسپيئر کان ڪئين دفعه وڏو شاعرآهي . اگر ڪوئي پڙهي ته ڏسي. منهنجا ڀائرو منهنجي صلاح وٺو ٫ اڄ ئي شاه صاحب جي شاعري کي پڙهڻ ء سمجهڻ شروع ڪريو . ء پنهنجي مٺي ٻولي اباڻي ٻولي سنڌي ٻولي سان پيار ء محبت جو ثبوت ڏيو شاه جو رسالو هڪ تحقيقي وڊيو رپورٽ حصو ٻيون http://www.youtube.com/watch?v=mWRT9tEq5C8
