منهنجو خدا

[ساره]

منهنجو خدا


مون ڏٺو مُنهنجو خُدا
ٿر جي ڀٽن ڀاڏن مٿي
جت نڪي نهرون نديون
پالي سنڀالي پيو سدا

مون ڏٺو منهنجو خُدا
ڪانُپو جبل جي ڪوڀ ٿي
جت مليا ٿي راڄ راڻا
گاد گولا ۽ گُدا

مون ڏٺو منهنجي خُدا
مڪلي جي ٽڪري جي مٿان
روز روز ٿا لهن جت
مَنڊڙا مورا مَدا

مون ڏٺو منهنجو خُدا
هر هنڌ تي، هر پنڌ تي
جو سُڻي پُوري ڪري پيو
هر سوالي جي سدا

مون ڏٺو منهنجو خُدا
فرعون واري ديس ۾
واه جا ويئي وکڻي اُت
اُن کي موسيٰ جي ادا

مون ڏٺو منهنجي خُدا
تن جي واهر پيو ڪري
ناهه جن جو ڪو دنيا ۾
واهرُو اَبو اَدا

شاعر ...
محمد خان مجيدي

 

[علي ظفر]

تمام بهترين جاري رکو..................