مست
سينيئر رڪن
الف
الف لام ميم جي، جڏهن واحد ڪئي واکاڻ،
ميڙي سڀ مخلوق کي، ڪيو باريءَرب بيان،
چيئون اسين تابع تنهنجا، تون صاحب رب سبحان،
مليو مانُمٽيءَکي، اٿيو آدم ٿي انسان،
ڪيو شرڪ وڏو شيطان، برهه واريءَبات کان۔۔
ب
برهه واريءَ بات ۾، ڏِسُ ابليس پيو اڙجي،
انا خير مِنهُ چئي، ڪيئن توڙئون ويو تڙجي،
لعنت خدا جي مٿس ويئي، مفت ۾ مڙهجي،
اجازت وٺي الله کان، هليو باهه منجهان ڀرجي،
ڪيئن پٺيان پيو پئجي، تکا حملا تيز ڪري۔۔
ت
تکِا حملا تيز ڪري ، هليو واٽ وٺي وَٽجي،
انڌي هن تقليد ۾، پوءِ انڌا ويا اڙجي،
لالچ سندي لوڀ ۾، ٿي قيد ويا ڪڙجي،
اٿيا گڏ ابليس سان، سڀ پڪا ٿي پڙهجي،
بيٺا گهاٽ منجهان گهڙجي، ثابت قدم جي سامهون۔۔
زوار غلام علي غلام نوحپوٽو
