همانگير سولنگي
سينيئر رڪن
جي سيڪيورٽي پلان بابت تفصيل ٻڌائيندي چيو ته سنڌ پوليس هڪ مربوط نظام جوڙي محرم الحرام ۾ دهشتگردي جي امڪاني خطري کي منهن ڏيڻ خاطر مناسب اپاءَ ورتا آهن. صوبائي صلاحڪار وڌيڪ ٻڌايو ته مذهبي انتهاپسندي ۽ تشدد کي ختم ڪرڻ لاءِ عالمن جي چرپُر، نگراني ۽ حفاظت ۽ ٻيا قدم هن حڪمت عملي ۾ شامل آهن. هن ٻڌايو ته مسافرن جي سفر دوران ڀرپور چڪاس ڪري ايندڙ ويندڙ رستن تي گهربل مواد سان عملدرآمد ڪيو ويندو. هن ٻين قدمن جي باري ۾ ٻڌائيندي چيو ته محرم الحرام دوران جلوسن جي اڳواڻن سان پوليس آفيسرن جا اجلاس مذهبي رواداري کي وڌائڻ ۾ مدد ڏيندا. محرم الحرام سيڪيورٽي پلان تحت موٽرسائيڪل تي ٻيلهه سواري تي پابندي ۽ هٿيارن جي نمائش روڪڻ کي هيٺين سطح تائين يقيني بڻايو ويندو. جڏهن ته سڀني مزارن جن ۾ قلندر لال شهباز، شاهه عبداللطيف ڀٽائي، عبدالله شاهه غازي، قدم گاهه موليٰ علي حيدرآباد ۾ پڻ ان پلان تحت حفاظتي انتظام ڪيا ويندا. هن ٻڌايو ته 301 ڪراچي، 220 حيدرآباد ۽ 144 سکر ريجن ۾ حساس هنڌن تي، جڏهن ته ڪراچي ۾ سهراب ڳوٺ، لياري، ڪورنگي، گلبهار، اورنگي ٽائون، منگهوپير، قائدآباد ۽ نيو ڪراچي جا علائقا پڻ حساس قرار ڏنا ويا آهن. فوج پڻ اسٽينڊ باءِ ۾ ڪنهن به وڏي واقعي کي منهن ڏيڻ لاءِ مدد ڏئي سگهي ٿي.