[JUSTIFY]دوستو جواهر لعل نهرو جيڪو آزاد هندستان جو پهريون وزير اعظم پڻ ٿيو، اندرا گانڌيءَ جو پيءُ ۽ هندستان جي آزاديءَ جو هڪ ڪردار پڻ هو، تنهن جيل جي ڏهاڙن ۾ هڪ ڪتاب لکيو هو ”ڀارت ايڪ کوج“ جنهنجو انگريزيءَ ۾ ترجمو ٿيو هو Discovery of India تمام سهڻو ۽ تاريخي ڪتاب لکيل آهي، ان ڪتاب تي هاڻي ڪيتريون ئي فلمون ٺهڻ لڳيون آهن ۽ ڊي وي ڊِيز پڻ مارڪيٽ ۾ اچي ويون آهن ۔۔۔ هندستان جي آزاديءَ جي ڳالهه سان گڏوگڏ هند ۽ سنڌ جي هزارها سالن جي تاريخ جو ذڪر پڻ ٿيل آهي ۽ تمام خوبصورت ۽ تحقيقي انداز سان ٿيل آهي ۔۔۔ اسانکي هي ڪتاب پنهنجن ڪتب خانن ۾ رکڻ گهرجي ته جيئن سنڌ جي تاريخ جا طالبعلم ان مان مستفيض ٿي سگهن ۔۔۔ ان تاريخي ڪتاب تي ٺهيل هڪ وڊيو جو نمونو هت پيش ڪجي ٿو، ۽ جيستائين ڪتاب وٺجي تيستائين يو ٽيوب تي موجود انجا ٽڪڙا ڏسي سگهجن ٿا ۔۔۔ يا وري هيٺ ڏنل سائيٽ تان هي ڪتاب خريد به ڪري سگهجي ٿو ... http://www.mysticamusic.com/bharat-ek-khoj.php وڊيو جي اردو هجڻ تي معزرت قبول پوي ۔۔۔ http://www.youtube.com/watch?v=FJtvbfQUPC8[/JUSTIFY]
جواب: هندستان جي تاريخ تي لکيل ڪتاب سائين بهترين ونڊ پر ادا نثار اسان مفت خور سو ڪتاب وٺڻ سو به پئسن سان ڏکيو آهي۔ باقي ڦلپوٽي فقير کي عرض ڪنداسون ته ڪٿان ڪا مفت جي لنڪ ڳلهي ڏي ته واه واه
جواب: هندستان جي تاريخ تي لکيل ڪتاب اسين جڏهن سنڌ امڙ چوندا آهيون ته ڪڏهن ڪڏهن ان لفظ سنڌ امڙ جي معني نه سمجهندا آهيون، هن وڊيو ۾ پنهنجي ڌرتيءَ کي ماتا چوڻ واري فلسفي جي معني ٻڌائي وئي آهي ۔۔۔ ٻڌڻ ۽ سمجهڻ وٽان آهي ۔۔۔ محترم دوست سليمان مون هڪ هندستاني دوست کي چيو آهي ته هندستان وڃي ته ان ڪتاب جو انگريزي ايڊيشن وٺي اچي ۔۔۔ مليو ته گڏجي پڙهنداسون ۔۔۔ باقي فقير چاهن ته ڪم مفت ۾ به ٿي ويندو ۔۔۔ ممڪن هوندو پر مڃبو ڪون ۔۔۔ سنڌ سلامت ساٿ سلامت
جواب: هندستان جي تاريخ تي لکيل ڪتاب ادا نثار انتظار رهندو اوهان جي ڪتاب جو اوهان جو سنڌ لاء پيار ۽ محبت ڏسڻ وٽان هوندو آهي۔ جڏهن به ڪو سنڌ جي ڳاله ڪندو آهي ته مونکي نثار ابڙو ياد اچي ويندو آهي۔ جيڪو سچل ڳوٺ جي چوڪ تي اسان سان ويٺو سنڌ جي تبليغ ڪري۔ الله اوهان کي همت ڏي ، حوصلو ۽ طاقت ڏي جيئن اوهان سنڌ جي ڳاله ڪندا رهو۔ سنڌ امڙ ڇا آهي اهو به هن وڊيو مان واضح ٿيو ڇو ته ڀارت ماتا جي سٺي تشريح ڪيل آهي
