مختيار ملڪ : شاعر، نثر نگار ۽ براڊڪاسٽر
نامياري شاعر ۽ براڊڪاسٽر مختيار ملڪ جو جنم خيرپور ميرس ۾ 21 ڊسمبير 1959 ۾ ٿيو. مئترڪ ناز پائلٽ اسڪول مان ۽ انٽر سپيريئر شائنس ڪاليج خيرپور مان پاس ڪيائين. شاه لطيف يونيورسٽي خيرپور مان آرگينڪ ڪيمسٽري ۾ ماسٽرس ڪرڻ سان گڏ ماس ڪميونيڪيشن ۾ به ماسٽرس ڪيائون. ان کانپوء پاڻ ريڊيو پاڪستان ۽ براڊ ڪاسٽنگ جي شعبي سان لاڳاپيل رهيا. 80 ۽ 90 جي دور ۾ ريڊيو پاڪستان خيرپور جي نشريات کي عروج تي پهچائڻ ۾ شوڪت خاسخيلي ، نصير سومرو ۽ مختيار ملڪ پيش پيش رهيا
پاڻ سٺا شاعر پڻ آهن ۽ سندن شاعري مختلف رسالن ۾ ڇپجندي رهي آهي. ان کانسواء سندن شاعري جا هيٺيان ڪتاب به ڇپيا
ٽم ٽم ٽانداڻا – 1981 جنهنجو مهاڳ محترم محمد ابراهيم جويو صاحب لکيو
اماس ۾ به سوجهرو – 2001 جنهن جو مهاڳ محترم تنوير عباسي صاحب لکيو
مختيار ملڪ سنڌي ادبي سنگت جا تمام متحرڪ ميمبر ۽ جنرل سيڪريٽري رهيا آهن۔ ڪيترن ئي پروگرامن ۽ خاص ڪري سچل سرمست جي عرس جي تقريبن ۾ اسٽيج سيڪريٽري جا فرائض پڻ سنڀاليندا رهيا آهن۔
غزل
توکان ڪيڏو ڏور ٿياسين ،
صحرائن ۾ چور ٿيا سين
ٺهندا ڊهندا رهندا آهيون،
يارو! ڄڻ ڪو پور ٿياسين
قيد به ڄاڻون، ڀيد به ڄاڻون،
ڏاڍي لئه پر سور ٿياسين
ڳاٽ اسان جا اوچا اوچا،
اسان به اڄ منصور ٿياسين
لُٽجون ڀي ٿا، چپ ڀي آهيون ،
ايڏو اڄ مجبور ٿياسين
صحرائن ۾ چور ٿيا سين
ٺهندا ڊهندا رهندا آهيون،
يارو! ڄڻ ڪو پور ٿياسين
قيد به ڄاڻون، ڀيد به ڄاڻون،
ڏاڍي لئه پر سور ٿياسين
ڳاٽ اسان جا اوچا اوچا،
اسان به اڄ منصور ٿياسين
لُٽجون ڀي ٿا، چپ ڀي آهيون ،
ايڏو اڄ مجبور ٿياسين
