سنڌ سلامت جا ساٿيو ۽ ساري دنيا جا سنڌي دوستو جيئي سنڌ گُذريل ڏينهن ۾ اسان جي هن محبتي اڱڻ جو ميمبر ٿيندڙ محترم ڊاڪٽر ذوالفقار بهڻ اسان جو خاموشي سان ميمبر ٿيو اسان کي ته خبر ئي ڪانه پئي ته هي سنڌ ڌرتي جي هڪڙي وڏي ۽ ڏاهي شخصيت آهي، الا! اسان ته سائين ذوالفقار بهڻ کي دل سان ڀليڪار به چئي ڪونه سگهياسين، اڄ فيس بُڪ تي نيٽ گردي ڪندي سائين جي تعارف تي نظر پئي ته منهنجا ته ڇيهه ئي ڇڄي پيا ته سائين ته سنڌ جو ڏاهو، اسڪالر، ايم فل پي ايڇ ڊي ڊاڪٽر آهي۔ مزي جهڙي ڳالهه ٻُڌايانوَ ته ڪالهه رات فيس بُڪ تي سائين ذوالفقار بهڻ سان چيٽنگ ڪندي سائين کان سندن جاب جي باري ۾ مون پڇيو ته سائين انتهائي سادگي سان جواب ڏنو ”ماستري“ ايتري سادگي ۔ وري جڏهن اوچتو سائين جي هن تعارف تي نظر پئي ته سائين ذوالفقار بهڻ ته اسان جي سنڌ جا وڏا ڏاها آهن۔ اسان کي افسوس آهي جو اسان ۽ سنڌ جي سموري سٿ سائين جن جو سنڌ سلامت تي ڀيرو ڀرڻ تي شايانِ شان استقبال ڪري ڪونه سگهياسين شايانِ شان ڀليڪار چئي ڪونه سگهياسين۔ سائين جن جو مختصر تعارف جيڪو فيس بُڪ جي ٿورن سان هتي ونڊ ٿو ڪريان اميد ته سنڌ جي هن سنڌي ڏاهي کي اسان جي سموري سٿ پنهنجا پيار نڇاور ڪندي۔ ذوالفقار بهڻ.. شاعر ۽ نثر نگار شاعر ۽ نثر نگار،تعليمدان جنم 01-06-1972 ايم فل Ph.D(Teacher Education)اسڪالر اقراء يونيورسٽي ڪراچي...جولائي..2009 اسسٽنٽ پروفيسر گورنمينٽ ڪاليج ۡڪراچي ڇپيل ڪتاب؛ منھنجا خواب گلابن جھڙا( شاعري) alizulfiqar13@yahoo.com 03009276858
جواب: سنڌي ڏاهي ڊاڪٽر ذوالفقار بهڻ جو مختصر تعارف۔ سائين نثار ناز صاحب سائين ذوالفقار علي بهڻ صاحب جو تعارف پڙهي ڪري خوشي ٿئي ته اسان جي سنڌ ۾ سائين جهڙا ڏاها پڻ رهن ٿا وري توهان جيڪا ڳالهه ڪئي ته سائين سان چيٽنگ ڪندي سائين کان پڇيو ته توهان ڇا ڪندا آهيو وري سائين توهان کي چيو سادگي سان ماستري ته ان مان سائين جي ساده طبيعت جي عڪاسي ٿئي پئي الله سائين کي خوش رکي پنهنجي پيارن سان سدائين گڏ
جواب: سنڌي ڏاهي ڊاڪٽر ذوالفقار بهڻ جو مختصر تعارف۔ سنڌ سلامت جا ساٿيو حق موجود مان پنھنجي سستي سبب اڄ تائين پنھنجو تعارف پنھنجن دوستن سان نه ونڊي سگھيو آھيان۔ جيڪو منھنجي مھربان دوست ونڊيو آھي سائين محترم نثار احمد ناز صاحب پنھنجي ڏاھپ ۽ تحقيق جو ثبوت ڏيندي مونکي سنڌ سلامت تي متعارف ڪرايو آھي۔ جڏھن ته پنھنجي سُستي تي شرمسار آھيان۔ ساڳي وقت سائين جو نھايت ثورائتو پڻ آھيان جن منھنجي ھيتري عزت افزائي ۽ ھمت افزائي ڪئي آھي۔ پنھنجي تعارف ۾ ھڪ وضاحت ڪرڻ ضروري سمجھان ٿو۔اھا ته مان ڊاڪٽريٽ جو طالبعلم آھيان۔ محترم سائين نثار احمد ناز اوھان جا لک قرب۔
جواب: سنڌي ڏاهي ڊاڪٽر ذوالفقار بهڻ جو مختصر تعارف۔ ادا نثار توهان جي ڪهڙي ڳاله ڪريان جي خوبين کي ڪائونٽ ڪريون ته شام ٿي ويندي الله پاڪ جي طرف کان هڪ تحفو آهيو سنڌ سلامت لاء ڪاش مان به توهان جهڙي خوبين جي مالڪ هجان ها. اهيو سڀ توهان ڪئين ٿا ڪريو اڪثر سوچيندي آهيان۔ادا ذوالفقار بهڻ جي باري ۾ پڙهي ڏاڍي خوشي ٿي ۽ فخر ٿئي ٿو ته مان به سنڌياڻي آهيان اسانجا ڀائر ڪيڏا نه محنتي ۽ ڏاها آهن ادا هي ڀيڻ توهان کي خوش آمديد چوي ٿي اميد آهي ته توهان جي ڏاهپ کان اسان به فائدو وٺندا سين۔
جواب: سنڌي ڏاهي ڊاڪٽر ذوالفقار بهڻ جو مختصر تعارف۔ سائين نثار ناز صاحب سائين ذوالفقار علي بهڻ صاحب جو تعارف پڙهي ڪري خوشي ٿئي ۔۔۔۔سائين جن جو تعارف وڻد ڪرڻ جي مهرباني۔
جواب: سنڌي ڏاهي ڊاڪٽر ذوالفقار بهڻ جو مختصر تعارف۔ سائين ذوالفقار بهڻ اسان جي انهن اديب دوستن مان آهي ، جيڪي سنڌيت سان حد درجي تائين لفظي نه پر عملي اظهار ڪندا آهن۔ پاڻ شاعر سان گڏ استاد لڏي سان تعلق رکن ٿا جنهن پيشي سان علامه آء آء قاضي ۽ اديبن مان استاد بخاري ،استاد عطا محمد حامي وڏا نالا آهن۔ سندس شاعريء جو ڪتاب منھنجا خواب گلابن جھڙا بهترين شاعري تي مشتمل ڪتاب آهي۔ سائين پاڻ سنڌي ادبي سنگت ڪراچيء جا به متحرڪ رهنما آهن۔ دعا آهي ته سنڌ جا هي ڏات ڌڻي خوش رهن ۽ پنهنجي قلم جي نوڪ سان نيون تخليقون ارپيندا رهن
جواب: سنڌي ڏاهي ڊاڪٽر ذوالفقار بهڻ جو مختصر تعارف۔ سائين اوهان تمام معتبر ۽ مانائتي شخصيت جو تعارف ڪرايو آهي، توهان ان لئه جس لهڻو۔ سائين ذوالفقار بهڻ جون ادبي لحاظ کان تمام ساراهه جوڳيون ڪاوشون آهن، خاص ڪري فيس بوڪ تي عالمي آن لائين سنڌي مشاعرو ڪرائڻ، سنڌي ادبي ايسوسيئيشن فيس بوڪ جي صورت ۾ گروپ ٺاهڻ ، بهترين قدم آهن۔ سائين ذوالفقار بهڻ جي ٿورن سان اسان کي به ان ادبي ڪاوشن ۾ حصو وٺڻ نصيب ٿيو۔ دعا آهي ته سڀ دوست سائين سان سندس محنت ۾ ڪلهو ڪلهي ۾ ملائي سندس خوابن کي حقيقت تائين رسائڻ ۾ مدد ڪندا۔
