ادا وساڻ صاحب توهان محترم شيخ اياز صاحب جي شاعري تي تمام بهترين ڪم ڪيو آهي ۽ اهڙي ڪم جي تعريف نه ڪرڻ ناانصافي ٿيندي، ادا وساڻ صاحب توهان جا ٿورا ۽ قرب چئبا جو توهان ايڏي محبت ۽ محنت سان اهيو ڪم سرانجام ڏنو آهي، جنهن لاء توهان جي مهرباني۔اڄ هر ڪنهن جو هي رايو آ، تو نينهن ”اياز“ نڀايو آ،
تون ڳاتا گيت بغاوت جا، تون لاٿا زنگ ضميرن جا.
ادا شيخ اياز صاحب سنڌي زبان جو هڪ عظيم دانشور ۽ شاعر آهي، سندس شاعري هميشه حق ۽ سچ جو ساٿ ڏنو آهي، ۽ جنهن سچ اياز صاحب کي جيل جي هوا پڻ کارائي، مگر اياز صاحب انهيء جيل جي ڏينهن کي به فضول نه وڃايو ۽ سنڌي ادب لاء ڪم ڪندي سنڌي ادب لاء هڪ خوبصورت ڪتاب ( ساهيوال جيل جي ڊائري ) ڏنو۔ جيڪو ڪتاب پڻ پڙهڻ وٽان آهي۔ جيڪو مون وٽ موجود آهي ۽ مون پاڻ پڙهيو آهي ، جنهن ۾ اياز صاحب تمام سهڻي نموني سان لکيو آهي، جنهن ۾ پاڪستان جي عظيم ليڊر جناب ذوالفقار علي ڀٽو صاحب جو پڻ ذڪر ٿيل آهي۔ اياز صاحب نه صرف هڪ سٺو شاعر هو مگر ان سان گڏ هڪ سٺو نثر نگار پڻ هو، ۽ سندس نثر ۾ به ڪيترائي ڪتاب لکيل آهن، جنهن ۾ سڀ کان بهترين ڪتاب سندس آتم ڪهاڻي، يا آتم ڪٿا جو آهي، ( ڪٿي نه ڀڃبو ٿڪ مسافر ) جنهن ۾ اياز صاحب پنهنجي زندگي جا واقعه ۽ تجربه تمام سهڻي انداز ۾ پيش ڪيا آهن، وڌيڪ توهان کي اهيو به ٻڌائيندو هلان ته انهيء ڪتاب ۾ اياز صاحب سان گڏ سندس دور جي ڪيترن ئي عالمن اديبن جو پڻ ذڪر ٿيل آهي۔ ادا سليمان وساڻ صاحب اياز صاحب جي سوانح تي مون هڪ مضمون ( مبارڪ علي شيخ ( شيخ اياز ) جو تعارف ) جي نالي سان ۽ ٻيو ( عظيم ڪوي مبارڪ علي شيخ اياز ) نالي سان پڻ سنڌ سلامت تي ونڊ ڪيو آهي، جنهن کي پڙهڻ سان اياز صاحب جي زندگي جي باري ۾ ڪجهه وڌيڪ معلومات ملندي۔
