جواب: استاد ،۾، بظا،هر ٻي ڪابه خوبي ناهي محترم دوست عرس پريا صاحب، اوهان استاد جو سهڻو بيت ونڊ ڪيو آهي، جنهن ۾ استاد هر شخص کي شهر ۽ دل کي بازار سان تشبيهه ڏئي هڪ حقيقت کي واضح ڪيو آهي، اسين اهو چوندا آهيون ته هر شخص هڪ ڪهاڻي پر سائين استاد انجو اظهار سهڻو ڪيو آهي ۔۔۔ استاد پاڻ کي سونهن جو پوڄارو چئي پنهنجي ايمان جو اظهار ڪيو آهي، ۽ سنڌ سان پنهنجي پيار جو اظهار ڪري، مجازي ۽ حقيقي عشق کي واضح ڪري ڇڏيو آهي ۔۔۔ ٻي ڳالهه ته لڳي ٿو ته اوهان به استاد جي شاعريءَ کي چترڪاريءَ جي نموني سان پيش ڪرڻ جي ڪوشش ڪري رهيا آهيو، سٺو ٿا ڪريو ۔۔۔ ڪوشش جاري رکو ۽ استاد کي سهڻي انداز سان پيش ڪيو ۔۔۔ دعائن ۾ گڏ سنڌ سلامت ساٿ سلامت
جواب: استاد ،۾، بظا،هر ٻي ڪابه خوبي ناهي ادا عُرس پريو۔۔۔۔ سائين استاد بخاري اهڙو شاعر آهي، جنهن کي پاڻ وٽ سنڌ ۾ ٻين شاعرن وانگر ڪا خاص مڃتا نه ملي سگهي آهي، نه وري سندس شاعري کان سنڌ جا ماڻهو گهڻو واقف آهن، توهان جي مهرباني جو توهان استاد بخاري جي بهترين شاعري مان چونڊيل شاعري اسان سان وقت به وقت ونڊ ڪندا رهو ٿا۔۔۔
جواب: استاد ،۾، بظا،هر ٻي ڪابه خوبي ناهي واه عرس ۔۔۔بهترين شعر ونڊ ڪيو آهي اوهان هڪ سونهن ، ٻيو سنڌ ۔۔۔۔۔۔۔۔۔واه باقي ته ڪجه به ڪونهي
جواب: استاد ،۾، بظا،هر ٻي ڪابه خوبي ناهي [justify] dadal sheeno سنڌ سلامت جي محترم دوست، دادل يا ڏاڏل (انگريزيءَ ۾ لکيل نالي سبب) اڄ وضاحت گهري آهي ته مٿي استاد جيڪو پاڻ کي سونهن جو پوڄاري چيو آهي سا سونهن باطني يا ظاهري آهي ۔۔۔ دوست! ظاهري سونهن لڪل سونهن جو ئي ڀاڱو آهي ۔۔۔؟ رب العالمين قرآن شريف ۾ ور ور ڪري اها ڳالهه سمجهائڻ جي ڪوشش ڪئي آهي ته هي جيڪا ظاهري سونهن آهي ڇا اوهان ان تي فڪر نٿا ڪيو ۔۔۔ هي سج چنڊ تار، هي آسمان ۽ زمينون، هي آسمان مان ڪرندڙ مينهن ۽ ڪڪر، هي سمنڊ ۽ سمنڊن ۾ هلندڙ جهاز، هي تيز ۽ ٿڌيون هلندڙ هوائون، هي زمين مان سرندڙ سلا ۽ هي گل ٻوٽا ۽ وڻن ۾ ٿيندڙ ميوا ۔۔۔۔ اهي سڀ رب جون نشانيون آهن، اها ظاهري سونهن ان لڪل سونهن جو ئي جلوو آهي، ان جي تخليق آهن ۽ انهيءَ ظاهري سونهن جي جڏهن تعريف ڪبي آهي ته اڻ سڌيءَ طرح سان اسين ان لڪل سونهن جي ئي ساراه ڪندا آهيون، بلڪل ان عمارت جيئان جنهنجي تعريف ڪري اسان اڻ سڌيءَ طرح انجي لڪل تخليقڪار جي تعريف ڪندا آهيون ۔۔۔ هن بيت ۾ استاد سونهن جي پوڄاريءَ جو ذڪر ڪري اصل ۾ اڻ سڌيءَ طرح ڪائنات جي خلقيندڙ ۾ ايمان جو ذڪر ڪيو آهي ۔۔۔ وحدانيت ۾ ايمان ۽ قوم سان پيار (حقوق الله به پورا ته حقوق العباد به پورا) ۽ رب جو واعدو آهي ته جيڪو شخص منهنجا حق ۽ انسانن جا حق انصاف سان ادا ڪندو اهو منهنجو دوست آهي ۽ انجو ڇوٽڪارو يقيني آهي ۔۔۔ والله علم، مون پنهنجي سمجهه آهر جواب ڏنو آهي ۔۔۔ ممڪن غلط هجان ته ساجن سڀيئي ڍڪج ڍول ڍلايون ۔۔۔ دعائن ۾ گڏ[/justify]
جواب: استاد ،۾، بظا،هر ٻي ڪابه خوبي ناهي سائين وڏي مهرباني جو استاد جي شاعريء جي سمجهاڻي اهڙي بهترين نموني پيش ڪئي اسان نا سمجهه آهيون توهان جي رهبري اسان جي علم م واڌ ء هڪ وڏي جو مٿي تي هٿ برابر آهي۔۔۔۔ اميد ته اهڙا قرب جاري رکندا
