ٽائٽل بارڊر ۽ فريم (7)

ڪتابن جي ٽائٽلن لاءِ بارڊر ۽ فريم هيٺين لنڪن تان ڪاپي ڪريو:
http://www.fileden.com/files/2009/6/25/2488737/tarh-ghorani1.rar
http://www.fileden.com/files/2009/6/25/2488737/tarh-ghorani2.rar

 

ادا ابوزين واهه واهه، تمام بهترين ادا، مٺا توهان جي اهڙي ناياب پر املهه شيئرنگس جو بي چيني سان انتظار رهندو،

 

ادا ابو زين توهان جي شيئرنگ وري اها به ڪورل ڊرا ۾ تمام سٺي شيئرنگ آهي ادا لاجواب

 

مهرباني ادا ابو زين، جو توهان اهڙا زبردست فريم اسان سان شيئر ڪيا، يقين ڄاڻ انهن فريمن کان پوءِ منهنجي شاعري جي ڊيزائن لاءِ مونکي گهڻو ڪجهه ملي ويو لک ٿورا

 

پسند ڪرڻ لاءِ تمام وڏي مهرباني.
انهيءَ قسم جا اڃان به گهڻائي خوبصورت بارڊر مون وٽ آهن، جن کي اڃان شيئر نه ڪري سگهيو آهي. هي ڪلپ آرٽ ڪليڪشن مان چوٿون حصو آهي، جڏهن ته اڃان ٽي حصا ٻيا به موجود آهن. ڪالهه رات دير تائين انهن کي شيئر ڪندو رهيس، پر هاڻي ٿڪجي پيو آهيان. اصلي مٿي ۾ سور پئجي ويو آهي.

 

ادا ابو زين بارڊر ۽ فريم ۾ ڪهڙو فرق هوندو آهي۔ جيئن توهان جيڪي بارڊر شيئر ڪيا آهن، انهن کي توهان بارڊر جو نالو ڏنو آهي ۽ ادا مگسي جيڪا شاعري جنهن ۾ شاهه سائين جي شاعري، اُستاد بخاري جي شاعري، ۽ ٻين انيڪ شاعرن جي شاعري جن فريمن ۾ پوسٽ ڪندو آهي ائين محسوس ٿيندو آهي ته ڄڻ اسان جا فوٽو گراف ڪنهن فريم ۾ هُجن، اميد ته بارڊر ۽ فريم وارو مُنهنجو اهو سوال سمجهي ويو هوندين۔ سنڌيءَ ۾ چوندا آهن ته پُڇڻا نه مُنجهڻا، دوست معاف ڪجان توکي مٿي ۾ سور آهي، پر مون موڳي مٽر کي اها ڳالهه سمجهائين ته مهرباني ٿيندي۔ مٿي جي سور لاءِ پونسٽان ڪافي آهي پر اسان جي سنڌ سلامت جي مستند حڪيم جناب محمد يوسف کتري مٿي جي سور لاءِ نهايت ئي عمده دوا همدرد جي سومينا لکي آهي ان کان علاوه هُن اطريفل اُسطو خُدوس به تجويز ڪئي آهي۔ بارڊرن کان علاوه جيڪڏهن توهان جي نظر ۾ خوبصورت فريم هُجن ته اصل رنگ لڳي وڃن۔

 

بارڊر ۽ فريم جو فرق ته توهان پاڻ ئي ٻڌائي ڇڏيو. البته اسان وٽ بارڊر ڪتابن جي ٽائٽلن، ڪتابن جي پيجن کي خوبصورت بنائڻ لاءِ چئني طرفن کان بارڊر لڳايا ويندا آهن انهيءَ کان سواءِ ڪنهن اشتهار جي خوبصورتيءَ لاءِ پڻ استعمال ڪيا ويندا آهن. جڏهن ته فريم تصويرن ۽ ڪارڊن لاءِ استعمال ٿيندو آهي. بارڊر جي ڊيگهه ۽ ويڪر هڪ جيتري ناهي هوندي، جڏهن ته فريم ويڪر ۽ ڊيگهه ۾ تقريبا ساڳي جسامت رکي ٿو. بارڊر فريم جي مقابلي ۾ ڪجهه سنهڙو هوندو آهي. ڪافي خوبصورت فريم مون وٽ موجود آهن جن کي اڃان تائين آئون شيئر نه ڪري سگهيو آهيان، انشاءَ الله ترت فورم تي شيئر ڪندس. ڪجهه فريم هي آهن:
http://sindhsalamat.com/showthread.php?t=921
http://sindhsalamat.com/showthread.php?t=647

هي سمورا فريم ڪورل ڊرا جي ايڪٽينشن جا آهن، جيڪڏهن توهان ڪورل ڊرا ڄاڻو ٿا ته آسانيءَ سان منجهن تبديلي ڪري پنهنجي مرضيءَ جا مقصد حاصل ڪري سگهو ٿا. فائل ڪاپي ٿيڻ کان پوءِ ZIP جي ايڪسٽينشن ظاهر ٿئي ٿي. توهان انهيءَ کي نظر انداز ڪري فائلن کي ڪورل ڊرا ۾ Open ڪريو يا وري Import ڪريو.
هينئر ئي حڪيم صاحب جا ٻڌايل نسخا آزمائي ڏسان ٿو. دعائن ۾ ياد.

 

مهرباني سائين ابوزين دوست مونکي ڪورل ڊرا وغيره ڪونه اچي صرف پاور پوائينٽ ۾ ڪجهه ڪم ڪندو آهيان جيڪڏهن پاور پوائينٽ ۾ استعمال ٿيندڙ فريم توهان وٽ هُجن ته بسم الله ڪريو مان شڪر گُذار رهندس

 

هنن ڪلپ آرٽس مان مڪمل فائدو حاصل ڪرڻ لاءِ ڪورل ڊرا استعمال ڪرڻ ئي پوندو. ڇاڪاڻ ته جيڪڏهن هنن تصويرن کي JPG يا BMP فارميٽ ۾ تبديل ڪجي ته اصل مقصد ئي فوت ٿي ويندي. يعني جيڪڏهن توهان هنن سيمبلس يا بارڊرن کي JPG فارميٽ ۾ تبديل ڪرڻ کان پوءِ Large ڪندا ته انهن جو رزلٽ خراب ٿي ويندي ۽ آبجيڪٽ جي اصل خوبصورتي ختم ٿي ويندي آهي. انهيءَ جي مقابلي ۾ جيڪڏهن ڪورل ڊرا ۾ هڪڙي انچ واري آبجيڪٽ کي 100 فٽ تائين به Large ڪبو ته رزلٽ تي ڪوبه فرق نٿو پوي. ٻيو ته ڪورل ڊرا ۾ آبجيڪٽس کي Ungroup ڪري انهن ۾ پنهنجي مرضيءَ سان تبديلي به ڪري سگهو ٿا.
هتي وري هڪڙو ٻيو سوال پيدا ٿيندو ته ورڊ جي سنڌي ميٽر کي ڪورل ڊرا ۾ ڪيئن تبديل ڪجي؟ جيڪو پڻ آسان آهي. توهان صرف ڪورل ڊرا کي استعمال ڪرڻ شروع ڪريو، پوءِ ڏسو ڪهڙا نه بهترين نتيجا ٿا سامهون اچن.

 

جيڪڏهن توهان ڪورل ڊرا نٿا ڄاڻيو ته توهان پنهنجي شاعري ڊيزائين ڪيئن ڪندا آهيو؟ هي ڏسو:
http://sindhsalamat.com/showthread.php?t=930
http://sindhsalamat.com/showthread.php?t=878

ڇا توهان پنهنجي شاعري ٻئي ڪنهن دوست کان ڊيزائن ڪرائيندا آهيو؟ توهان جي ڊيزائن ڪيل شاعري پاور پوائينٽ ۾ نٿي ڊيزائين ڪري سگهجي.

 

ادا زين منهنجي سموري شاعري مون پاڻ ڊيزائن ڪئي آهي۔ توهان حيرت ۾ پوندا ته اها سڀ جي سڀ پاور پوائينٽ ۾ بنايل آهي۔ ان کان وڌيڪ توهان کي اها ڳالهه ٻُڌائيندو هلان ته سنڌ سلامت جو موجوده لوگو شڪر الحمدالله مون مسڪين جو تيار ٿيل آهي سو ڀي پاور پوائينٽ ۾ باقي ڪمپيوٽر جي ڪنهن به پروگرام جي ڪا به ڄاڻ ڪانه اٿم۔ توهان جي مهرباني جو توهان مُنهنجي مشڪلات کي سمجهيو

 

مهرباني سائين،
حيرت آهي ته پاور پوائينٽ تي ڊيزائيننگ لاءِ تمام گهڻو وقت ضايع ڪريو ٿا. منهنجي صلاح آهي ته ڪورل ڊرا تي ڪم شروع ڪريو. مون کي يقين آهي ته حيرت انگيز نتيجا ڏسندؤ. جيڪڏهن ڪورل ڊرا انسٽال ڪريو ته Team Viewer جي ذريعي ٿورڙي گهڻي سکيا ڏيئي سگهجي ٿي.

 

اون۔۔۔۔۔۔۔۔۔۔۔ اون۔۔۔۔۔۔۔۔۔۔ اون۔۔۔۔۔۔۔۔۔ اوئان۔۔۔۔۔۔۔۔۔ اوئان۔۔۔۔۔۔۔۔۔۔۔۔ اوئان۔۔۔۔۔۔۔۔۔۔۔ ادا زين مان روئان صرف انهيءَ لاءِ ٿو ته۔۔۔۔۔۔۔۔۔۔۔۔ مون چيو نه۔۔۔۔۔۔۔۔۔۔۔۔ ته مونکي ۔۔۔۔۔۔۔۔۔ ڪمپيوٽر ۔۔۔۔۔۔۔۔۔۔۔ ۾ صرف سنڌي ڪمپوزنگ تمام تيز ۽ سُٺي لکڻ ۾ ايندي آهي، ان ڪري ۔۔۔۔۔۔۔ پاورپوائينٽ صفا آسان لڳندو اٿم ۔۔۔۔باقي ۔۔۔۔۔۔۔۔۔۔۔۔۔۔ ڪمپيوٽر يا ڪمپيوٽر جا سمورا ،،، پروگرام مان ڇا ڄاڻان۔۔۔۔۔۔۔۔۔۔ جيڪڏهن يقين نه اچي توهان کي ته۔۔۔۔۔۔۔۔۔ ادا رشيد کان پُڇي ڏسو۔۔۔۔۔۔۔۔۔۔۔۔ ادا زين مٺا مونکي ته ۔۔۔۔۔۔۔۔۔ مونکي ته۔۔۔۔۔۔۔۔۔۔۔۔ سچي ونڊو ڀي انسٽال ڪرڻ ڪونه اچي۔۔۔۔۔۔۔۔۔۔۔۔۔۔۔۔۔ اون۔۔۔۔۔۔۔ اون۔۔۔۔۔ اون۔۔۔۔۔۔۔۔۔۔۔۔۔۔ الائي سُون۔۔۔۔۔۔۔۔۔۔۔۔

 

جواب: ٽائٽل بارڊر ۽ فريم (7)

ادا توهان جي مهرباني
ڪمال جا بارڊر آهن