وري به نئون سال مبارڪ وري به نئون سال مبارڪ [JUSTIFY]نه چاهيندي به اوهان سڀني کي سال 2011 جي مبارڪباد ٿو ڏيان. ڇوته نئين سال جي مبارڪباد ڏيڻ هاڻي اسان جي فارملٽيز ۾ شامل ٿي وئي آهي۔ سال 2010 سنڌ کي مايوسين کانسواء ڪجه به نه ڏئي ويو. تعليم جي شعبي م ڪابه بهتري ڪانه آئي ، صحت جي شعبي ۾ ڪابه بهتري ڪونه آئي ، روزگار لاء ڪابه بهتري ڪونهي ، ماڻهو بکن تي مجبور آهن ، پنهنجي جگر جي ٽڪرن پنهنجي ٻارن کي وڪڻڻ تي مجبور آهن. ڪارو ڪاري ۽ قبيلائي جهيڙن ۾ سوين بيگناه معصوم نياڻيون ، گلڙن جهڙا ٻار ، جوڌا ۽ جوان پُٽ پنهنجون حياتيون وڃائي ويٺا آهن. روزانه ڪيترائي ماڻهو اغوا ٿا ڪيا وڃن ، سنڌ جي واڻين لاء روئيندڙ انهن مفڪرن کي ڪير سمجهائي ته روز سنڌ جا ديوان اغوا ٿا ٿين ، ڇو اوهان جا قلم خاموش آهي ؟؟ ڇو اوهان ڪا تحريڪ ڪونه ٿا هلايو ؟؟ ڇو اخبارون ۽ ميڊيا ان تي خاموش آهي ؟؟ رهي سهي ڪسر سنڌ ۾ آيل ٻوڏ پوري ڪري ڇڏي . ماڻهو دربدر آهن. ڪيمپن ۾ سيء وگهي معصوم ٻارڙا پنهنجون حياتيون وڃائي رهيا آهن. بک وگهي ماڻهو مري رهيا آهن. اسان پنهنجيء ۾ پورا آهيون. اسان جو معاشرو تباه ٿي ڇڪو آهي. اسان پنهنجون ريتون ، پنهنجا قدر وڃائي رهيا آهيون. اسان جا ضمير مري چڪا آهن، اسان سوچڻ ۽ بهتري ڏانهن پير پائڻ ڇڏي ڏنو آهي. قومپرست سڏائيندڙ ڌريون ڪيترن ئي ڌڙن ۾ ورهايل آهن، هر ڪنهن کي پنهنجا مفاد عزيز آهن ، گڏجي ويهڻ لاء تيار ڪونهن. مذهبي ڌريون به لاتعداد ڌڙن ۾ ورهايل ، اسلام جي اصلي روح کي ڇڏي ننڍين ننڍين ڳالهين تي جهيڙا... خبر ناهي ڇو من ۾ عجيب اڻ تڻ آهي، آنڌ مانڌ متل آهي. ٻاهر نڪران ٿو به سڀ ڪجه ڦِٽل ۽ اڻوڻندڙ ٿو لڳي. روڊ تي نڪران ٿو ، ٽي وي ڏسان ٿو ، اخبار پڙهان ٿو پر ڪٿان به سنڌ جي آجپي ۽ سنڌ جي ڀلائيء جي ڪا ڳاله نظر ئي ڪانه ٿي اچي. ڪٿي سنڌي مهاجر جو جهيڙو ته ڪئي سنڌي ۽ پٺاڻ جو جهيڙو. ڪٿي چانڊي ۽ مري جو جهيڙو ته ڪٿي ڪنهن ٻين قومن جو. سائينم سدائين ڪرين مٿي سنڌ سڪار دوست مٺا دلدار عالم سڀ آباد ڪرين ان هوندي به آئون گذريل سال ۾ مليل چڱاين کي ڀليڪار ڪندي کيس الوداع ٿو ڪريان ۽ ايندڙ سال جي سج جي پوندڙ ڪرڻن جي دل جي گهراين سان آجيان ٿو ڪريان. اسان اڃان به اميد جو دامن نه ڇڏيو آهي. نئين سال لاء نيون اميدون رکيو ويٺا آهيون. رب پاڪ جي در دعا آهي ته سهڻيء سنڌ کي شاد ۽ آباد رکي.[/JUSTIFY] هن اخبار کي سال مبارڪ، گورن کي ناتال مبارڪ ڪارن کي ’يوم ڊيم بلڊ ّ فول‘ لقب في الحال مبارڪ هارين کي هَرَ بَٺون بيگر، ڪوڏر قحط ۽ ڪال مبارڪ زور زميندارن تي ڏاڍا، ضبطيون ظلم زوال مبارڪ اهل اسلام جي لئي ڏک ڏاڍا، ڳڻتيون آل عيال مبارڪ ڌڪا ڌوڻا سهڻا مهڻا، قرض جا رنج ملال مبارڪ بي علمي ۽ جهيڙا جهٽا، جام ٿيا جنجال مبارڪ انگلش مئن کي جاڪٽ پاڪٽ، صابڻ برش ٽوال مبارڪ ناچ تماشا، نچڻ ٽپڻ، ڪرڪٽ ۽ فٽ بال مبارڪ افسر عالي کي ٿيو اڄڪلهه، دورو ۽ پرتال مبارڪ مرغيون ماکيون مصريون ميوا، بيضا ميدا مال مبارڪ ڪوڙا ڪيس ۽ ڪوڙا شاهد، فتوا ٿي في الحال مبارڪ واه وڪيل ڪفيل لچن جا، ڌوڌ دليل دلال مبارڪ ممتحنن جي موت معما، سخت جواب سوال مبارڪ اخبارن جا ٺهڪا ڦهڪا، تيز تعصب تال مبارڪ قومي جهڳڙا جهيڙا جهٽا، چالاڪين جي چال مبارڪ حملاهوڏون طعنا تنڪا، ڪوڙ بدوڙ ڪمال مبارڪ آهه رفارم جي ٿي رين رين، حال نه آهي قال مبارڪ ڪالج ڪلب مدرسا ميڙا، صدها سال بسال مبارڪ سروس لاءِ سدائين سوالي، ٻاڪارن ٻر حال مبارڪ حاڪم ڪين پڇن ٿا تن کي، ڪن ٿا ٽالم ٽال مبارڪ خشڪ جواب دلاسا دلبا، تَرڪٽ تال پخال مبارڪ پروانا انعام عطائون، لُنگيون پوتيون شال مبارڪ خاطن جي خوشخبري خاصي، عمدا حال احوال مبارڪ ٽِنڊ ُو ٽوٻڻ لَنڊي ٻُوٽي، شعر جو شغل اشغال مبارڪ حيف، زمانو آهه مقابل، شينهن سان شاهه شغال مبارڪ محبوبن کي ناز ڪرشمو، جلوو جوڙ جمال مبارڪ مشتاقن کي پِٽڪو کُٽڪو، وائي هجر وصال مبارڪ آخوندن کي مسجد حجرو، صوفي وجد ۽ حال مبارڪ ”بلبل“ کي گل مضمون رنگين، گل کي شاخ نهال مبارڪ
وري به سنڌ کي نئون سال مبارڪ! مبارڪ علي لاشاري هر شيءِ جي ”پهرين“ هڪ عجيب احساس آهي. جيئن منهنجي ۽ نئين سال جي جنم جي جنوري پهرين! فطرت جي وڻندڙ ۽ اڻ وڻندڙ لقائن مان پهرين پهرين ٿيندڙ لقاءُ ڏاڍو پرتجسس هوندو آهي. جڏهن انسان ارتقا جي هن ڏاڪي تي پهتو آهي، تڏهن اسان جي ڪچڙي ذهن ۾ خيال جنم وٺن ٿا ته سڀ کان پهرين ڇا هيو! ڪيڏو نه وڻندڙ احساس آهي، پهرين انسان جو جنم وٺڻ! پهرين پهرين ذهن ۾ سوچن جو اچڻ! پهرين پهرين ڳالهائڻ، لکڻ، پڙهڻ، کائڻ، پيئڻ، ڪم ڪرڻ وغيره وغيره ۽ ان کان پُرمعنيٰ سوچ ته ”پهريون پهريون پيار“! ڪيئن شروع ٿيو؟ ڇا اهو احساس هڪ طرفو هو يا ٻه طرفو ۽ اهو پهريون انسان، پهرين دفعي جي پيار جي احساس تي ڪيئن محسوس ڪري رهيو هو ۽ پوءِ اها پهرين پهرين نه رهي، کوڙ ساريون ”پهريون“ آيون ۽ اينديون ئي رهيون تان جو اڄ تائين ڪا به شيءِ پهرين نه رهي. جيئن نه منهنجو پهريون جنم نه ئي هي ڪو پهريون سال، نه ڪي پهريون دفعو، پهرين جنوري! نه هوءَ پهرين نه آئون پهريون، نه هن جو جنم پهريون نه منهنجو احساس! باقي حالتن جي تارن ۾ وچڙندڙ تصورن جو ڌاڳو عدد ”اڪي“ کي ورجائي ٿو، جيئن هڪ جنوري، 1، 3، 5، 7، 9 وغيره منهنجي جنم جو ست ۽ سال جون 9 اڪائيون ڪيڏو نه ويجهو آهن، پر پوءِ به وچ ۾ ديوار آهي. سال جي سج جو عڪس سمنڊن ۾ نظر ايندو آهي ۽ اهو سال پنهنجي اجري عڪس سان ڪراچي ۾ اڀرندو ۽ ڪراچي جي سمنڊ ۾ ئي پنهنجا پير ڇڏيندو ۽ هجومن جي شهر وارا ڪلفٽن کان پيراڊائز تائين سندن ديدار جو شرف وٺندا رهندا ۽ منهنجو جنم مارگلا جي ڪارين پهاڙن جي گهاٽن وڻن ۾ کوئجي ويندو آهي، جيئن منهنجو احساس امر جليل طرفان ڇڏيل اسلام آباد جي گدڙن وٽ ڇيهون ڇيهون ٿيندو رهي ٿو. آئون مارگلا جي بيوفا موسمن ۾ ۽ هو مستي سان ڀريل سامونڊي لهرن ۾ سمائجي ويندو ۽ پوءِ ماضي موٽي ايندو ۽ نئون ڪو ”احساس“ نه رهندو، تان جو نواڻ ۾پراڻ پنهنجو هالاري رنگ ڀري ڇڏيندو، جيڪو ڪڏهن نه مٽندو، ڇو ته زندگي، ڪائنات، فطرت، پيار ۽ وقت، ماضي جو عڪس هوندا آهن. جهڙي نموني سج جڏهن پهرين جنوري 2009ع جي صبح جو اڀرندو ته ان کان هڪڙي شام پهرين ڪراچي جي پُرهجوم سمنڊ ۾ وهنجندو ۽ ماضي جي ڪارگذارين کي ڌوئي اجرو ٿيڻ جي ناڪام ڪوشش ڪندو پر آئون مارگلا جي ڪارين پهاڙن تان پهرين جنوري جي آخري شام جو ٽپو ڏيئي خودڪشي ته ڪري سگهان ٿو پر پنهجي ماضيءَ جي پنن کي اجرو نٿو ڪري سگهان. سال 2009ع پنهنجي ماضي جي سالن جي داغن کي ڌوئي نٿو سگهي ڇو ته هر شيءِ تاريخ جو حصو بنجي/لکجي چڪي آهي ۽ منهنجو ماضي تقدير ۽ قسمت طئي ٿيل هئي. شاهه لطيف قوتِ ارادي، همت جدوجهد سان ڪردارن کي ابدي طرح چٽي ته ويو پر ”امر“ جي لکيل کي چيلينج نه ڪري سگهيو. بيشڪ گذريل سال ۾ ڪي شيون چوڻ جي حد تائين ”نيون“ ٿيون هجن، پر انهن لقائن جي زمين تي اهڙيون ”نيون“ کوڙ دفعا اچي چڪيون هونديون آهن. بيشڪ پ پ جي حڪومت ۾ وزير اعظم گيلاني ۽ صدر آصف زرداري پهريون دفعي چونڊيا ويا هجن پر ان کان اڳ اهڙا صدر، وزير اعظم، بادشاهه، شهنشاهه آيا ۽ ويا هليا، ويندي ويندي وقت جي آڱرين مان واري وانگر ڪري گم ٿي ويا. بيشڪ گذريل سال ۾ احمد فراز، تاجل بيوس، جا وڇوڙا به رهيا، پر ڪلاڪارن جي وشال ڪائنات ۾ ڪلاڪار پنهنجا رنگين احساس ڇڏي صدين کان ويندا رهيا. مڃون ٿا گذريل سال ۾ وڏا ڌماڪا، زلزلا، تباهيون آيون پر انسان جي تاريخ جو گلدان ڪهڙي عرصي دوران رت جي ڳاڙهاڻ پنهنجي چهري تان لاٿي آهي؟ وقت جي سينڌ ۾ حق ۽ ناحق جون تراريون پراڻيون آهن، جي هابيل کي قابيل جي قتل ڪرڻ کان وٺي ڪربلا جي ميدانن ۾ دلين جي شهزادي، سچ جي پانڌيئڙي ۽ حق جي ڳولائو موليٰ امام حسين عليه السلام جي خاندان سميت قرباني تائين رت جون نئيون وهنديون رهيون آهن. آمريڪا جو مقروض، پاڪستان جي حدن ۾ حملو ڪو پهريون دفعو ناهي پر ڏاڍ اتهاس کان وٺي پنهنجا سنبن وارا گهوڙا دراوڙن، ريڊ انڊين ۽ امن پسندن سنڌين تي ڊوڙايا آهن. ڪڏهن به تاريخ ڪمزور جو ڏاڍي تي حملي واري اڻ ٿيڻي کي ٿيڻي ڪري نه ڏيکاريو آهي، ڇو ته حقيقي احساس اصل تجربن مان گذرڻ آهي. ۽ آئون وقت جي ڊبل روڊ کي اورانگهي واپس وري نٿو سگهان، ڇو ته مادي دنيا جي ون وي ٽريفڪ جا اڻانگا اولڙا ذهنن تي عڪس ٿي ويندا آهن. مادي دنيا جا رويا، طور طريقا، احساساتي دنيا تي پنهنجو هئڊو رنگ ڇڏي پنهنجو نشان امر ڪري ويندا آهن، جنهن کي ماڻهن جي سمنڊ ۾ لهندڙ ۽ اڀرندڙ سج تي ڪلفٽن تي بيوٽي پارلر مان نڪرندڙ 60 سالا عورت جيان جوان، تازو توانو ٿيڻ جي ڪوشش ڪري ٿو، پر اسان جهڙو غريب، مهانگائي، بيروزگاري، بي علمي، محرومي ۽ اڻ هوند سان ڀريل ڳٺڙي سان ماضي کي مٿي تي کڻي هلندو آهي. سال ڏهاڪو سال، پنجويهه سال، اڌ صدي يا صدي ته کڻي ڪنهن نه ڪنهن منهن سان تبديلي جي دعويٰ ڪري سگهي ٿو، ڇو ته زمان ۽ مڪان ڪڏهن به ساڳيا نه رهندا آهن، پر آئون ته اهو ئي سنڌي آهيان، جنهن جي زندگي روڳ، ماتم، شهيدن جو سوڳ ۽ امر ڪردارن جي ياد تازي ڪرڻ لاءِ وقف بڻيل آهي. ڄڻ ته سنڌ اعليٰ روايتن جي يادن کي تازو ڪرڻ، پنهنجي بک کي قابو رکڻ ۽ ظاهر نه ڪرڻ، بيروزگاري ۾ سڙڻ، پٽڻ اٽي لٽي لاءِ واجهائڻ، پنهنجي کسيل معاشي وسيلن ۽ خوشحالي جي ساڀيان لاءِ بڻيل قبرستان جي مجاور هجي. کيس وقت هميشه ڪوڙن دلاسن، فريبن ۽ مڪارين ۾ رکيو آهي ۽ اها ويچاري سدائين اعتبار ڪرڻ واري، ٺڳجڻ واري ۽ پنهنجي ان ڀرم جي مليل سزا تي ماٺ ڪرڻ واري آهي. ان هوندي به آئون گذريل سال ۾ مليل چڱاين کي ڀليڪار ڪندي کيس الوداع ٿو ڪريان ۽ ايندڙ سال جي سج جي پوندڙ ڪرڻن جي دل جي گهراين سان آجيان ٿو ڪريان. اهو سج بيشڪ ڪراچي جي سمنڊ ۾ ڪرڻا پسائي پر آئون مارگلا جي گهاٽن وڻن جي ٽارين ۾ پنن جي وٿين مان کيس دل جي احساسن سان پسي سگهندس. مون کي بيشڪ ڪو هيپي برٿ ڊي نه چوي، پر آئون نئين سال، کي ڪراچي کي، پوري دنيا کي ۽ پنهنجي سٻاجهڙي سنڌ کي Happy New Year چوندس
جواب: وري به سنڌ کي نئون سال مبارڪ! http://www.youtube.com/watch?v=xf9cT2Y7RCw http://www.youtube.com/watch?v=dcLMH8pwusw
جواب: وري به نئون سال مبارڪ ادا اوهان جا جذبات ۽ احساسات قابل تحسين آهن، پوءِ به ”وابسته ره شجر سي اميد بهار رک“ انشاء الله هڪ ڏينهن الله تعالى جي ڌرتي تي الله جي صالح ٻانهن جي حڪومت ايندي۔ ۽ وادي مهران عدل ۽ انصاف جي نور سان منور ٿيندي (واشرقت الارض بنور ربها، القران، سورت زمر آيت69)
جواب: وري به نئون سال مبارڪ سائين تسنيمي صاحب مهرباني رب پاڪ جي حضور دعاگو آهيون ته سنڌ سلامت هجي ۽ هتي عدل وانصاف هجي۔ دنيا اميد تي قائم آهي ۽ رب پاڪ دعائن جو قبوليندڙ آهي۔ بس اسان کي همت ڪرڻي آهي پاڻهي ايندم هوت پر ڪجه آء به اڳڀري ٿيان
جواب: وري به سنڌ کي نئون سال مبارڪ! ادا اسان جي طرفان به سڀني سنڌي ڀائرن کي نئين سال جون نئين اميدن سان مبارڪون ..
جواب: وري به سنڌ کي نئون سال مبارڪ! دوستو توهانجا جزبات پنهنجي جڳه درست آهن۔ پر دوستو پهرين جنوري اسان جي امام زين العابدين عليه سلام جن جي شهادت جو ڏينهن آهي اسانکي گهرجي ته ان ڏينهن کي مدي نظر رکي ڪري اهي مبارڪون نه ڏيڻ کپن اميد ته اها منهنجو نظريعي کي پازيٽو سمجهيو وڃي باقي دوستن جي مرضي۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسان طرفان به۔۔۔۔ دوستو۔۔۔! سلام قبول 8-> اميد ته سڄي سنڱت پنهنجي وٺ پڪڙ ۾ مصروف هوندي :> دوستونئون سال اچي رهيو آهي۔۔۔۔انهي حوالي سان اسان به سوچيو ته پنهنجي سنڌين کي رسمي مبارڪ پيش ڪجي۔ [
