ڏاڏل شينو جي شاعري

[ڏاڏل شينو]

لک ڪــروڙين لــوڙھي وڌايائــون نـــــه وک،
گرھه نه کائـــن غير جــــــو تـوڙي مـــرن بک،
مَلين مٽـــي منھن تــي رلين نه رائـــي رک،
وڌن ســـا واٽ جتي پــرين جـو پويـــن پک،
سردي نڪي گرمي نڪي تــاءُ ڏسـن تک،
“ڏاڏل” تابع تن ڪک، جي پانڌيئڙا پرين جا

نوٽ ڪک مان مراد نانگ بلائون آهن​

 

[نثارابڙو]

جواب: ڏاڏل شينو جي شاعري

سهڻا ڏاڏل، بهتر ٿيندو ته اوهان هن بيت جي ٿورڙي تشريح پاڻ ئي ڪيو ته جيئن مون سميت دوستن کي ان بيت جي مطلب جي خبر پوي ۔۔۔ ڇاڪاڻ ته چوندا آهن ته شاعر ئي ڄاڻي پنهنجي ڪلام جو مقصد ۔۔۔

ٻي ڳالهه ته اوهان لڳي ٿو شاعريءَ جي دنيا ۾ گهري رهيا آهيو، تمام سهڻو رستو آهي، پر ان رستي جي پانڌيئڙن کان ٿوري سکيا وٺبي ته ممڪن اڃان منزل آسان ٿئي، ٻي ڳالهه ته ٻوليءَ جي حرف و نحوءَ تي ڪجهه توجهه ڏيندا ته اڃان به سونهن پئدا ٿيندي ۔۔۔

اميد ته اڃان اوهانجي قلم مان گهڻون ڪجهه نڪرندو ۔۔۔

سنڌ سلامت ساٿ سلامت