[justify]اوهان کي خبر آهي ته برمودا ٽرائينگل ڇا آهي؟ برمودا ٽرائينگل، برمودا وٽ سمنڊ ۾ هڪ پر اسرار علائقو آهي، هي علائقو ڪافي وڏو آهي، جيڪو سمنڊ جي پاڻي تي ئي مشتمل آهي، جيڪا شيءِ به ان جي حدن ۾ اچي ٿي غائب ٿي وڃي ٿي، اهڙيءَ ريت جو نالو ۽ نشان به نه ملندو آهي، اڄ تائين هزارين ماڻهو، ۽ سوين هوائي ۽ بحري جهاز اهڙيءَ ريت ٻڏي غائب ٿي ويا آهن جو اڄ تائين انهن جو نالو نشان ئي نه آهي، ۽ نه ئي انهن جي باري ۾ ڪا تفصيل مهيا ٿي سگهي آهي ته انهن سان ڇا ٿيو؟ برمودا ٽرائينگل جي ارد گرد برمودا جا جزيره، شمالي امريڪا جو جنوبي ساحل، ڪيوبا، هيٽي ۽ پٽيريڪو جا جزيره آهن. برمودا جزيرن کي ڪڏهنisle of the devils چيو ويندو آهي، دنيا جا ڪيئي سائنسدان ۽ محقق ان پر اسرار ۽ حيرت انگيز مسئلي کي حل ڪرڻ جي سوچ ۾ ڪافي عرصي کان مصروف آهن، ۽ ڪيئي سالن جي ڪوششن کان بعد به انهن کي ڪاميابي ناهي ملي سگهي. پهريون ته سمنڊ ۾ ان جي حدود ۾ ايندڙ بحري جهاز ئي ٻڏندا هئا، پر هوائي جهاز ايجاد ٿيڻ کان پوءِ جيڪو به هوائي جهاز ان جي حدن ۾ اڏامندو ويو اهو به غائب ٿيندو ويو. ۽ سڀ کان حيرت انگيز هي ڳالهه ته سوين بحري ۽ هوائي جهاز اهڙيءَ ريت ٻڏي غائب ٿيا آهن جو ڪنهن جو نالو نشان ئي نه آهي. ڪنهن جهاز جي ڪنهن هنڌ ٻڏڻ کان پوءِ ڪاٺ جا ٽڪڙا، ڪپڙا، ڪاغذ ۽ ٻيون شيون ترندي ملنديون آهن، ۽ سڀ کان وڏي ڳالهه ته اها آهي ته ٻڏندڙ جهاز جي انجڻ جو تيل جيڪو بطور اينڌن استعمال ٿيندو آهي، هر حال ۾ ميلن تائين سطح سمنڊ تي وکري ويندو آهي، ڇو ته تيل پاڻي کان هلڪو ٿئي ٿو، ۽ ڪڏهن به هيٺ نه ويندو آهي، پر ان علائقي ۾ ٻڏندڙ جهازن جي تيل جو به سطح سمنڊ تي نشان نه مليو، ۽ نه ئي ڪنهن ٻي شيءِ جو. برمودا سمنڊ جي ان علائقي ۾ اهڙيءَ ريت سوين بحري ۽ هوائي جهاز گم ٿيڻ جي سلسلي ۾ مختلف قياس آرائيون پيش ڪيون ويون، پر انهن مختلف ڳالهين مان ڪا به ڳالهه اڄ تائين حتمي طور معلوم نه ٿي سگهي آهي، جيڪو اڄ تائين هڪ راز آهي جنهن تي اڄ تائين پوري دنيا حيران آهي. [/justify] ماهنامه انتظام ڪراچي شمارو جولائي 2009 سنڌيڪار: طاهر سنڌي
جواب: برمودا ٽرائينگل رب جا راز آهن، جڏهن انسان کي سمجهه ۾ اچن، باقي پاڻ ته حيرت ۾ آهيون ۔۔۔ لک ٿورا ادا طاهر جاکوڙي ۔۔۔ ڪڏهن نانگ ڪلهن تي ڪڏهن برمودا جا قصا، ڳالهه ڇا آهي ۔۔۔ پر اسراريت آهي ۔۔۔
جواب: برمودا ٽرائينگل ادا سٺي معلومات ونڊ ڪئي اٿو۔ لک ٿورا۔ حقيقت ۾ جئين جئين علم ترقي ڪري ٿو تئين تئين انسان کي اها خبر پوي ٿي اڻ ڄاڻ شيون اڃان گهڻيون آهن، مطلب ته جئين علم وڌي ٿو تئين رب پاڪ جي عظمت ۽ قدرت وڌيڪ سمجهه ۾ اچي ٿي۔
جواب: برمودا ٽرائينگل ادا طاهر تمام سٺي معلومات ڏني اوهان ۔الحمدلله هن مضمون حوالي سان مون وٽ به هڪ سٺوڪتاب آهي ۔ وقت مليو ته انشاء الله هن مان ترجمو ڪر ي ونڊ ڪبو۔ مهرباني اوهان جي
جواب: برمودا ٽرائينگل ادي طاهر جي مهرباني پاڻ اسان سان هميشه بهترين ۽ نوان موضوع ونڊ ڪندو رهندو آهي۔ سندس هي ليک به نرالو ، دلچسپ ۽ ڄاڻ وارو آهي۔ يقينن ڪافي دوستن جي ڪم وارو مضمون آهي۔ ادا طاهر جي ٻي سٺي ڳاله ته نوان نوان دوست سنڌ سلامت تي آڻيندو آهي۔ اڄ به مون سان سچل ڳوٺ ۾ ملڻ آيو هو ۽ ڊگهي ڪچهري ٿي۔ يار ويس ماڻهو آهي۔ سندس لک ٿورا جو اسان سان ملندو رهي ٿو۔
جواب: برمودا ٽرائينگل ادا طاهر سدا آباد هجين ۽ اهڙيون معلوماتي خبرون اسان تائين پهچائيندو رهج۔ ادا تمام ڄاڻائتي معلومات فراهم ڪئي اٿئو۔ جيڪا اسان جي به ڪم ايندي۔ سدائين گڏ sindhsalamatsaathsal
جواب: برمودا ٽرائينگل پيارا ڀاءُ اوهان جي محبت ئي آهي، پسند ڪرڻ جي مهرباني۔ ايندي چوني آءُ ويندي چوني ويهه سو ادا اوهان جا قرب سهڻا اسان طالبعلم آهيون سيکڙاٺ آهيون باقي مضمون اصل ۾ اسان جي محبتي پياري دوست نسيم شيخ صاحب جن جو آهي جيڪو مون صرف ترجمو ڪيو آهي۔
جواب: برمودا ٽرائينگل سر ۔۔ سر۔۔ مهرباني۔ اصل ڪم ته اوهان جو آهي مون صرف ترجمو ڪيو آهي۔ يقينن اوهان هر ماه انتظام رسالو ۽ هفتي وار وارننگ اسپيشل ڪڍي قوم جي خدمت ڪري رهيا آهيو۔ اوهان جي همت کي مون پاران سلام، ۽ فوجي سليوٽ۔
جواب: برمودا ٽرائينگل ادا طاهر سنڌي تمام سٺي ونڊ آهي، ۽ سنڌي ۾ مڪمل ترجمي سان پيش ڪرڻ ۾يقينن وقت لڳو هوندو بهترين معلومات تي مشتمل ونڊ آهي۔ ۽ جي ها ان برمودا ٽرائينگل جي باري ۾ ڪيترن ئي ٽو وي چئنلز پاران مختلف وڊيو ٺاهن جون ڪوششون ڪيون ويون آهن۔۔ هڪ وڏي ۾ وڏي عالمي نيوز چئنلز بي بي سي به اها ڪوشش پڻ ڪئي جنهن جي وڊيو هيٺ ڏجي ٿي۔۔ http://www.youtube.com/watch?v=FfsQBeXWktU ۔ http://www.youtube.com/watch?v=nGPaag1vW7s ۔ ۔
جواب: برمودا ٽرائينگل ادا طاهر آسلآم عليڪم۔توهانجو آرٽيڪل هڪ بهترين معلومات فراهم ڪري ٿو۔آڄڪله جرمن ۽ آمريڪن سائنسدانن برمود ٽرينگل جي لڪل ڳجه تي ريسرچ ڪرڻ لآء هڪ گڏيل ٽيم ٺاهي آهي۔هنن جو انيشل خيال آهي ت برمود ٽرينگل جي علآئقي ۾ ڪجه آهڙيون الٽر وائرس ريزيز آهن جيڪي هر ميٽل ۽ آرگن کي تباه ڪري ڇڏي ٿي ۔توهانجو هڪ سٺو ونڍ آهي۔جس هجوئي۔
