پيارا سنڌ سلامت جا ساٿيو پيش آهي هڪڙو نئون وڊيو هن وڊيو جي خاص ڳالهه اها آهي ته هن وڊيو جي شاعري مُنهنجي پياري شاگرد آغا جان آغا جي آهي، جنهن جو چار سٽو آئون اڪثر توهان سڀني دوستن جي نظر ڪندو آهيان ته لڳي ٿو گهڻو جيون جي ويو آهيان جوانيءَ ۾ پوڙهو ٿي ويو آهيان ٻن چار ڍُڪن جي ڳالهه ڪانهي پر سڄو سارو مئه خانو پي ويو آهيان سو حاضر آهي مُنهنجي انهي شاگرد جو گيت هاڻي ان وڊيو ۾ مونکي توهان ڪٿي ٿا تلاش ڪريو اهو توهان تي منحصر آهي۔ http://www.youtube.com/watch?v=UAhy520EiJ0
محترم سائين اهڙي رنگ ۾ اصل اهڙا پيا وڻو جو ڇا ٻڌايانو۔۔۔۔ اصل تمام پيارو گيت آ..... اوهان جي شاگرد جي شاعري تمام پياري آهي۔۔۔
اسلام عليڪم سائين سائين توهان اسان کي چئو يا نه چئو اسان توهان کي ڪيئن نه سڃاڻون سائين توهان جهڙا ماڻهو ياد رکڻ جهڙا هوندا آهن . shal judy hujeen sindhsalamatsaathsal
ادا ڦلپوٽي فقير۔۔۔۔۔۔۔۔۔ سائين نثار احمد جي فلمايل گاني جا اسڪرين شاٽ وٺي ڪري هتي شيئر ڪيا۔۔۔ سنڌ سلامت جي دوستن کي اڃان به سڃاڻڻ ۾ آساني جي لاٌءِ هي تصويرون شيئر ڪري رهيو آهيان۔۔۔۔۔
واهه فقير سائين واهه تمام بهترين نموني سان سائين نثار کي ڦاسايو اٿئو۔ سائين نثار ناز هي ٻئي فقير ته توهان جي ڪڍ لاهي پاهي پيا آهن۔ مٺا مولا خير ڪري توهان ڏي۔ هاڻي هنن بلائن مان ڪيئن به ڪري جند ڪيئن ڇڏايو۔،suhnan saan
واه سائين واه سيني سان لاء مصڻ دنيا کان لڪاء ڇڏ تهنجي مان آهيان زماني کي ٻڌاء ڇڏ تما م بهترين شاعري ۽ من موهيندڙ آواز آهي سائين دوسته ڪچي ڪري وڌي آهي سو اڳتي ڏسڻ جي ضرورت ناهي رهي سائين اوهان هر روپ ۾ سهڻا لڳندا آهيو سائين اوهان جي تما گهڻي مهرباني اها ويڊيو شيئر ڪرڻ جي سائين پر مون کي اهو ٻڌايو ته جي اها آڊيو ڪيسٽ ڳولهڻي هجي ته ان لا تفصل ٻڌايو ته ڪنهن جو آواز آهي ۽ واليم جو نالو ڇاهي ڪهڙي سال جو آهي اسان جهونا ماڻهون آهيون نظر ڪمزور آهي ان ڪر ويڊيو ۾ پڙهڻ ۾ نٿو اچي مهرباني سائين
زاهد زاهد ڪر يار جهونن سان مسخريون، پوڙها ۽ ڳائا گوشت ڪنهن کي ڪونه وڻندا آهن۔ لڳي ٿو مون وانگر تُنهنجو به ذائقو خراب ٿي ويو۔ باقي آغا جان آغا جو گيت توهان کي پسند آيو۔ توهانجي انهيءَ پسنديدگي کي آغاجان آغا تائين پهچائي ڇڏينداسين۔ مهرباني
ادا نثار ناز! هل يار! اصل مائيءَ کي موت کنيو ٻيٺو هو نه ته سائين اوهان جهڙن ڊاڪٽرن هٿان ته ڪيترن ئي روحن کي ڇوٽڪارو ملي ويو آهي ... پر افسوس جو هيءَ مائي اصل پڙ ڪڍي بيهي رهي ... ڊاڪٽر صاحب ته ڪوشش ڪئي هوندي ... ڪو شڪ ناهي پر ملڪ الموت کي ڪير سمجهائي ته عاشق اڀو آهون ٿو ڪري ... هن دفعي ڳالهه اڳي کان بهتر آهي ... اميد ته اوهانجي ڪوششن سان اڃان ڪجه واڌارو ٿيندو ...
جي ادا علي علي دوست ڪچيون ڪن يا پڪيون ڪن سنڌ سلامت جي مڙني دوستن کي مون پاران مڪمل آزاديون آهن ، سچي ٻُڌايان علي علي تو سميت سنڌ سلامت جا سمورا دوست مُنهنجا ڀائرن کان وڌ ڀائر آهن۔ باقي دوست الله جو شڪر آهي ته وڊيو واريون خالص مُنهنجون پنهنجون پوسٽون آهن۔ ڪوشش ڪندو آهيان ته دوستن سان پنهنجي بنايل ذاتي ڪا اهڙي پوسٽ شيئر ڪريان جيڪا مختلف هُجي ۽ ڊفرنٽ نظر اچي۔ هاڻي آئون ان ڳالهه ۾ ڪيتري قدر ڪامياب ويو آهيان، توهان دوستن جي محبت ڀريل راين ۽ ڪامينٽس اصل نوازي ڇڏيوآهي ۔ توهان دوستن مون وارين وڊيو وارين پوسٽن تي ايڏيون ته محبتون ڏنيون آهن جنهن جو مان تصور ئي ڪونه پي ڪري سگهيس۔ هي البم سنڌ جي مقبول ترين وڊيو آڊيو ڪيسٽ بنائڻ واري ڪمپني ماڃر رڪارڊنگ ڪمپني سجاول جي طرفان جاري ڪئي ويئي آهي۔ هن البم جو نالو” دل ڏيئي دُعائون کٽ “ آهي هن البم ۾ سنڌ جي مقبول فنڪار الهڏنو جوڻيجو ۽ مقبول فنڪاره ثُريا سومرو، پنهنجي فن جو مظاهرو ڪيو آهي۔ باقي جهونا پنهنجي ديدن جو علاج ڪرائي تو واري نظر ڏينهون ڏينهن گهٽبي پئي وڃي۔ ڪٿي ائين نه ٿئي جو ڪو توکي ڏينهن جا تارا نه ڏيکاري وجهي.
ادا نثار ابڙا لڳي ٿو هر دوست جو ذائقو (ٽيسٽ) مون وانگر بگڙي چُڪو آهي، مٺا مڙس ۽ عاشق ۾ ته فرق هُئڻ کپي، هن سموري گيت جو وڊيو اسڪرپٽ مُنهنجو لکيل آهي۔ڳالهه سڌي سنئين آهي ته زال گهمندي هلندي زوماٽجي ڪري ٿي پوي، مُڙس ويچارو کيس اسپتال جي حوالي ٿو ڪري ڊاڪٽر کيس ٻُڌائي ٿو ڇڏي ته تو واري ٻائڙي (زال) ٻٽن ڏينهن يا ٻٽن مهينن جي مهمان آهي، اها ڳالهه دري وٽان بيٺل اها زال پڻ ٻُڌي ٿي وٺي، ڊاڪٽر ويچارو اڳ ۾ رپورٽون پڙهي پرکي ويٺو هوندو آهي، ته شريمتي هل هلان ۾ آهي، باقي بقول توهان جي ته سمجهو آهيو۔ زال جي وڇوڙي تي عاشق نه پر ان مائي جو مُڙس هاءِ گهوڙا ڪندو آهي۔
ادا وحيد ڦلپوٽا شال جُڙيو هُجين تُنهنجون اهي ڳالهيون ته من کي موهي ٿيون وجهن سچ پڇين ته تُنهنجا اهي پيار ا ۽ اخلاق وارا محبتي گُفتا ٻُڌي هي ايڪونجاهه ٻاونجاهه عمر وارو اڌڙوٽ پوڙهواصل جوان جذبن سان گهڻو ڪجهه سنڌ سلامت لاءِ لکڻ لاءِ مجبور ٿيو وڃي ۔شال سنڌ سلامت هُجي سنڌ سلامت فورم سلامت هُجي اُن سان گڏ ادو وحيد ڦلپوٽو پڻ سلامت هُجي (آمين)
منهنجي سر جا سائين توهان ايڪونجاهه جا هجو يا پنجونجاهه جا هجو، پر آهيو اسان جي سر جا سائين توهان جي شاعري ۾ اصلاح هوندي آهي ته ان سان گڏ توهان واري موڪليل وڊيوز ۾ توهان جو محبتن ڀريو مسڪرائيندڙ چهرو به هوندو آهي. سنڌ سلامت کي اهو اعزاز حاصل آهي ته سڀ کان پهرين پوسٽ توهان ئي ڪئي هئي. ۽ انهي جي ڪري ئي سنڌ سلامت تيزي سان پنهنجي طرقي جي طرف گامزن آهي.
