علم

[ڏاڏل شينو]

علم انسان جي ميراث آهي​

هرڪو عالِم اهي چٽو چوي ٿي خدائي
الرحمان علم القرآن آهي قران جي گواهي
اي بنده ڪيئن تو اها منزل آهي وڃائي
ٿي جاهل تو پاڻ تي خلقَ ساري کلائي
علم تي دنيا قائم و دائم آهي
کولي ڏس ٻيو نظام ڇا آهي

علم سالڪ علم عارف علم قيمتي آهي
من عرفه نفسه فقد عرفه ربه ڀڳي پرولي آهي
علم لُدني آدمي جي ڪيفيت اسراري آهي
عاشقن اها ڳالھ پنهنجي انداز ۾ سمجهائي
پنهنجو پاڻ کان ڏاڏل ڪر علم جي شروعات
علم جو محور ۽ مقصد آهي انسان جي ذات

علم ناهن فرسيءَ جا اکر ٻه چار
علم جا آهن مڪتب بي شمار
هر شخص هلي ٿو علم جعي آڌار
علم سان هلي ٿو دنيا جو وهنوار
ڪتابون پڙهڻ علم جو باب هڪڙو آهي
علم کي ڪتابن تائين رکڻ وڏو عذاب آهي

علم سمنڊ، علم ،صحرا، علم دريا
علم اول ، علم آخر علم آهي انتها
علم جو نظارو ڪعب قوسين او ادنى
علم سان مٽائي سگهجن ٿا فتنى
مُلان قاضي علم جي ابتدا
مئا سي جي اڳي نه وڌيا
علم سچ علم ستارو آهي
علم هر ڪنهن کي پيارو آهي
علم حق جو نگارو آهي
علم وارو سگهارو آهي
علم جا آهن رنگ هزار
اهو آدمي ناهي علم کان ڌار​

 

[جواد رضا]

جواب: علم

واهه سائين واهه توهان ته ڪمال ڪري ڇڏيو ، ايڏي ڀلي سمجهاڻي۔

 

[نويد احمد ڪلوڙ]

جواب: علم

تمام بهترين ادا واه جو ونڊ آهي

سدائين گڏ

 

[سليمان وساڻ]

جواب: علم

سائين مهرباني

علم انسان جي ٽين اک آهي ۔ علم نه هجي ها ته انسان ۽ جانور ۾ فرق نه هجي ها۔

اوهان جا قرب جو اوهان علم جهڙي موضوع تي سهڻو ونڊ ڪيو آهي۔

 

[نثارابڙو]

جواب: علم

نظم ته پنهنجي جاءِ تي سهڻو آهي ئي آهي پر وڏي خوشيءَ جي ڳالهه ته هاڻ ڏاڏل هن اوطاق تي لکڻ جا آداب به سهڻا ڪندو وڃي ۽ آهستي آهستي پنهنجين لکڻين ۾ نکار به آڻيندو وڃي ۔۔۔ مون ته ڏاڏل جي ڪچي ڪاچ کي ڏسي چيو هو ته هن مان هيرا نڪرندا سو هاڻ ڏاڏل هيرن واري جهلڪ ڏيکارڻ شروع ڪئي آهي ۔۔۔

رب اوهانکي همٿ ۽ حوصلو عطا ڪري ته جيئن سچ جا ساٿي ٿي پاڻ ۽ پنهنجي آس پاس کي ۽ سنڌ سلامت جي دوستن کي نور طرف رهنمائيءَ جا فرض نڀائيندا رهو ۔۔۔

سلام دوست!​

 

[غلام قاسم تسنيمي]

جواب: علم

ادا سٺا پيا هلو، انشاء الله وڌيڪ بهتر کان بهتر طرف هلندا رهو۔

 

[ڏاڏل شينو]

جواب: علم

نظم ته پنهنجي جاءِ تي سهڻو آهي ئي آهي پر وڏي خوشيءَ جي ڳالهه ته هاڻ ڏاڏل هن اوطاق تي لکڻ جا آداب به سهڻا ڪندو وڃي ۽ آهستي آهستي پنهنجين لکڻين ۾ نکار به آڻيندو وڃي ۔۔۔ مون ته ڏاڏل جي ڪچي ڪاچ کي ڏسي چيو هو ته هن مان هيرا نڪرندا سو هاڻ ڏاڏل هيرن واري جهلڪ ڏيکارڻ شروع ڪئي آهي ۔۔۔

رب اوهانکي همٿ ۽ حوصلو عطا ڪري ته جيئن سچ جا ساٿي ٿي پاڻ ۽ پنهنجي آس پاس کي ۽ سنڌ سلامت جي دوستن کي نور طرف رهنمائيءَ جا فرض نڀائيندا رهو ۔۔۔

سلام دوست!​

سائين اوهان جا احسان جو اوهان اسان جهڙن گهٽ علم رکندڙن کي ايڏو ڏور رهي به قلمي قربت ڏيو ٿا آءُ اوهانجو ممنون ۽ مشڪور آهيان الله اوهان جي عزت ،آبرو جان و مال کي پنهنجي حفظ و امان ۾ رکي۔ آمين
وسلام