جواب: 17 جنوري پڻ عيد جو ڏينهن محسوس ٿيندو آهي [justify]لک ٿورا دوست عاشق، جو اوهان سنڌ جي عاشق ۽ سنڌ جي مفڪر، ڏاهي محترم غلام مرتضا سيد جو ڏهاڙو ياد ڏياريو آهي ۔۔۔ محترم جي ايم سيد جي شخصيت تي ڳالهائڻ ڄڻ ته سنڌ جي آسمان تي موجود سج جي تعريف ڪرڻ برابر آهي ۔۔۔ ماضي قريب ۾ سنڌ جو آسمان جي ايم سيد جي شخصيت جي اثر ۽ روشنيءَ سان اهڙو ته چمڪندو هو جي پري پري تائين سنڌ نظر ايندي هئي ۔۔۔ پر افسوس جو اسين سنڌي ماڻهون ان سج جي روشنيءَ کي ڏسي اکيون بند ڪري ڇڏيون آهن، جڏهن ته ان روشنيءَ ۾ هلي منزل تي پهچڻ گهربو هو ۔۔۔ هن وقت به سنڌ جي هن سڄڻ ۽ عاشق جو فڪر اسانجي وچ ۾ موجود آهي پر جيئن اسين قرآن شريف کي ست پوتيون پارائي گهرن ۾ اوچي جڳهه تي رکي پنهنجي اولاد جي پهچ کان پري ڪري ڇڏيو آهي بلڪل ساڳيءَ طرح جي ايم سائينءَ جي فڪر ۽ نظرئي کي اسين لائبريرين ۾ بند ڪٻٽن ۾ اڇلائي هٿ ڇنڊي گهمون پيا ۔۔۔ اسانجو مثال ان ٻليءَ جيئان آهي جيڪا ڌڪ جي ڀوَ کان اکيون بند ڪري ويهي رهندي آهي ۽ سمجهندي آهي ته اکين بند ڪرڻ سان ڌڪ هڻڻ وارو هليو ويندو ۔۔۔ رب العالمين اسانکي سنڌ ۽ سنڌيت جي ان فڪر جي سمجهه عطا فرمائي ۔۔۔ آمين[/justify]
جواب: 17 جنوري پڻ عيد جو ڏينهن محسوس ٿيندو آهي [justify]ادا عاشق اوهان جي مهرباني جنوري جو مهينو اهو آهي جنهن ۾ اسان سنڌين کي ٻه تمام وڏا ڏاها ۽ مهان سوچ جا مالڪ هيرا مليا۔ هڪ سن وارو سائين جي ايم سيد ۽ ٻيو ڳڙهي خدابخش جو ذوالفقار علي ڀٽو۔ ٻنهي جي ياد ۾ ٿيندڙ ميڙاڪا انهيء جو ثبوت آهن ته هو ڪيڏا عظيم ۽ رهبر رهيا آهن۔ سائين جي ايم سيد سنڌي قوم کي سنڌيت جو احساس ڏياريو ۽ هڪ نه کُٽندڙ جدوجهد ڪئي۔ سندس اها جدوجهد عملي به هئي ، قلمي به هئي ۽ ڏاهپ ڀري به هئي۔ زندگيء جو گهڻو حصو نطربند رهندڙ سائين جي ايم سيد ڪڏهن به اصولن جي خلاف سياست نه ڪئي ۽ مرڻ گهڙيء تائين سنڌ ڪيس لڙندا رهيا۔ ڪيترن ئي ڪتابن جي ليکڪ سائين جي ايم سيد جي فلسفي کي سمجهڻ بنا سندس نالي تي سياست ڪرڻ جو مطلب سندس سان دغابازي ئي آهي۔ مونکي افسوس سان چوڻو ٿو پوي ته سندس ئي نالي تي سياست ڪندڙ دوستن اسان سنڌين کي ڏک ڏنا آهن ، جنهن جو هڪ ننڍڙو ثبوت سچل ڳوٺ جي اندر داخل ٿيندڙ روڊ کي پهرين جنوري کان بند ڪري ان تي لڳايل استقباليه ڪئمپ آهي۔ اسان پنهنجي ماڻهن جي رستا روڪ ڪري ڪهڙو پيغام ڏيڻ ٿا چاهيون ؟ ڇا سيد جي سياست ان قسم جي هئي ؟؟ دعا آهي ته رب پاڪ اسان کي سندس ڏسيل فلسفي کي سمجهڻ ۽ ان تي عمل ڪرڻ جي توفيق ڏي ۔۔۔۔آمين ۔[/justify]
جواب: 17 جنوري پڻ عيد جو ڏينهن محسوس ٿيندو آهي مان انهن ماڻهن جي سخت لفظن ۾ مخالفت پيو ڪريان۔ اُهي سائين جي ايم سيد جو نالو وٺي سنڌ ۽ سنڌين جا دشمن آهن۔۔۔ سائين جن پنهنجي زندگي جو گهڻو عرصو نظربندي ۾ رهيا۔۔۔۔تڏهن به پنهنجي ڳالھ تان پوئتي ڪون هٽيا۔ اڄ ڪل سائين جي فڪر تي هلڻ وارن ۾ اُها ڳالھ مونکي نظر ڪون ٿي اچي۔
جواب: 17 جنوري پڻ عيد جو ڏينهن محسوس ٿيندو آهي آءُ جيترو سمجهيو آهيان ته جيڪو نعرو سائين سنڌ جي بابي هنيو مون بابي لفظ جو استعمال ڪنهن عقيدت جي حوالي سان ناهي ڪيو پر مون جيتري سندس زندگي تي نگاھ وڌي آهي ته ان مان مونکي ائين نظر ٿو اچي پيو جو هو ڌرتي توڙي ڌرتي واسين لاءِ ائين وڙهندو ڏٺو جيئن ڪو شفيق پيءُ پنهنجي پٽ جي حقن لاءِ وڙهندو آهي ، جيئن پي اولاد کي سڃاڻپ ڏيندو آهي سائين سنڌي قوم کي ان پي جيان سڃاڻپ ڏني ، اسان کي سندس ڏينهن ملهائڻ ۾ سندس خوشي يعني سائين جي منشور سان ايفا ڪرڻ جو وچن گهرجي
جواب: 17 جنوري پڻ عيد جو ڏينهن محسوس ٿيندو آهي دوستو بس ڏک اهو آهي ته اسانجو سنڌي ڪامريڊ سائين جي ايم سيد جي چيل قولن ڳالهين تي ڪون ٿا هلن دوستو پاڻ ۾ وڙهي ڪري سامراجن جي اڳيان ڏٺو ٿا ڪن ته پاڻ ۾ ئي ڪون سيٽ آهي ڳالهيون ٿا ڪن سنڌي جي آزاد ڪرائن جون بس دوستو اسانکي گهرجي ته پاڻ ۾ ايڪي اتحاد سان هلون۔۔۔۔
جواب: 17 جنوري پڻ عيد جو ڏينهن محسوس ٿيندو آهي ادا همانگير۔۔۔اوهانجي ڳالھ ۾ وزن آهي۔۔۔پر اسان سڀني کي ملي ڪري۔۔۔سنڌ ۽ سنڌين جي لا ڪم ڪرڻ گهرجي۔
