سلام سنڌ جي عاشق، سنڌ جي مفڪر، سنڌ جي سياسي استاد، سنڌ جي ڏاهي، سنڌ جي اڳواڻ ۽ سنڌ جي ساهه سائين سيد غلام مرتضا شاهه کي ۔۔۔ هي اهڙو ڏاهو هو جنهنجي در تان هزارين سنڌي ڏاهپ جون، سياست جون، علم جون ۽ ادب جون سندون وٺي نڪتا ۔۔۔ اڄ به سنڌ جو اهو ڪهڙو ڏاهو آهي جيڪو سيني تي هٿ رکي ائين چوي ته هو سنڌ جي سائين سن واري جي جامعه مان سيراب ناهي ٿيو ۔۔؟
سنڌ جو هي عاشق، سنڌ جي عشق ۾ رنڊا روڙيندو رهيو، قوم کي غلط ۽ سهي جا سبق ٻڌائيندو رهيو، ڏاڍن کي ڌمڪائيندو رهيو ۽ سنڌ دشمنن جي سيني ۾ سور ۽ خوف جا خيال آڻيندو رهيو ۔۔۔
اڄ به سندس فڪر ۽ آزاد سنڌ جو نظريو ايترو ته سگهارو آهي جو پاڪستاني ڏاڍين ۽ سگهارين شخصيتن پاران ختم ڪرڻ جي لکين ڪوششن جي باوجود به جيئرو آهي ۽ سنڌ جي سيني ۾ ساهه کڻي رهيو آهي ۔۔۔ اها ٻي ڳالهه آهي ته قومي غلاميءَ جي سگهاري هجڻ سبب سندس پوئلڳ ڇڙوڇڙ ۽ سماجي براين ۾ مبتلا ٿي ويا آهن ۔۔۔ پر جنهن ڏينهن به سنڌ هڪ مٽ ٿي وئي ته پوءِ ۔۔۔
نيٺ ته ڊهندي ڪيسين رهندي دوکي جي ديوار او يار ۔۔۔ جا نعرا گونجندا ۽ سڀ ميارو لهي وينديون ۔۔۔ انشاء الله
لک ٿورا سهڻا عاشق ۔۔۔ تنهنجي عشق کي شاباس ۔۔۔
