ڪالهه 12 جنوري هئي ۽ ان ڏينهن محترم نثار احمد ناز جن جي 50 هين سالگره هئي۔۔۔۔ هوئن ته فورم جي رڪنن جي تعداد ۾ ڏينهون ڏينهن اضافو اچي رهيو آهي هاڻي اهو 1000 جي حد پڻ عبور ڪري چڪو آهي ۔۔۔۔ ان هوندي به فورم کي ان قابل بڻايو ويو آهي ته ڪنهن به رڪن جي سالگره تي کيس مبارڪ باد جي اي ميل پاڻ مرادو موڪلي وڃي۔۔۔ نه صرف ايترو بلڪه سندس سالگره جي آگاهي ٻين دوستن کي پڻ ڏني وڃي ۔۔۔ پر فيس بوڪ تي توهان سان منسلڪ سَوَن جي تعداد ۾ موجود دوستن کي جڏهن سندن سالگره جي مبارڪ نه ڏيندو ته ٿي سگهي ٿو توهان جو دوست ڏک ڪري ته باقي سمورن دوستن ته سالگره وِش ڪئي پر توهان کيس مبارڪباد جو پيغام نه موڪليو۔۔۔ ساڳي صورتحال توهان سان به پيش اچي سگهي ٿي ته پنهنجي پياري دوست کي توهان سالگره جي مبارڪ باد نه ڏني۔۔۔
هاڻي سَون دوستن جي سالگره جي تاريخ ياد رکڻ به ڏکيو عمل آهي ۔۔۔ پر مان توهان لاءِ اهو سمورو عمل آسان بنائڻ آيو آهيان جو سائين نثار ناز کي سنڌ سلامت فورم تان ته سالگره مبارڪباد ۽ ڀيٽا ڏنم پر فيس بوڪ تان نه ڏئي سگهيس۔۔
هي آهي Birthday reminder ايپليڪيشن جتي وڃي توهان پنهنجي دوستن ڏانهن پاڻمرادو پيغام موڪلڻ سيٽ ڪري سگهو ٿا۔۔۔
هتي ڊيفالٽ طور هڪ پيغام اڳ ئي سيٽ ٿيل هوندو آهي جنهن ۾ يوٽيوب وڊيو پڻ شامل هوندي آهي۔۔۔ جيڪڏهن توهان پيغام ۾ تبديلي آڻڻ چاهيو يا پيغام سنڌي ۾ موڪلڻ چاهيو ته اڳي موجود پيغام کي ايڊٽ ڪندي پنهنجي لفظن سان پيغام سهيڙي سگهو ٿا بس ياد رهي ته دوست کي مخاطب ڪرڻ لاءِ انگريزي جي لفظن FIRST_NAME کي تبديل نه ڪجو۔۔۔ ان کان سواءِ چاهيو ته ڊيفالٽ وڊيو کي پنهنجي پسند جي وڊيو ۾ تبديل ڪيو يا وري وڊيو شامل نه ڪرڻ جو اختيار سليڪٽ ڪريو۔۔۔ ۽ پيغام کي سيٽ ڪري ڇڏيو۔۔۔۔
هن ايپليڪيشن کي استعمال ڪندي يقينن توهان پنهنجي هر ان دوست کي سالگره مبارڪ ڏئي سگهو ٿا جيڪي توهان جي لسٽ ۾ شامل آهن۔۔۔۔ توهان جو پيغام پاڻمرادو توهان جي دوست تائين پهچي ويندو بيشڪ توهان کي ان جي سالگره ياد هجي يا نه يا وري توهان فيس بوڪ تي لاگ ان ٿي سگهو يا نه ۔۔۔ آهي نه ڪم واري ايپليڪيشن ۔۔۔ ته پوءِ ان ايپليڪيشن تي وڃڻ لاءِ هت ڪلڪ ڪريو۔۔۔
)