تيونس ۾ صدر جي زال جي ڪرپشن عوام کي انقلاب لاءِ گهٽين ۾ اچڻ جو سڏ ڏنو

[جواد رضا]

تيونس ۾ عوامي احتجاج ذريعي هٽايل صدر زين العابدين بن علي جي زال ۽ تيونس جي خاتون اول ليليٰ جي شاهي خرچن ۽ ڪرپشن ملڪ جي عوام کي انقلاب لاءِ گهٽين ۾ اچڻ جو سڏ ڏنو، 74 سالن جي هٽايل صدر زين العابدين کان عمر ۾ 20 سال ننڍي زال اڳوڻي هيئر ڊريسر ليليٰ لاءِ لگزري ڪارون ۽ شاندار گهر توڙي دولت سان محبت روز جو معمول هو، رپورٽ موجب تيونس جي هٽايل خاتون اول ليليٰ سان گڏ زين العابدين جي ڌيءَ نسرين ۽ سندس پلي بواءِ ناٺي به ڪرپشن ۾ گهٽتائي نه ڪئي، نسرين فرانس جي لگزري بنگلوز ۾ رهندي هئي ۽ روزانو خانگي جهاز استعمال ڪندي هئي، رپورٽ موجب تيونس ۾ عوامي انقلاب بعد صدر کي ته سعودي پناهه ڏني پر سندس زال شروع ۾ دبئي وڃڻ جي ڪوشش ڪئي پر بعد ۾ هوءَ فرانس ۾ پنهنجي ڌيءَ وٽ پهتي، فرانس جي صدر سرڪوزي سميت حڪومتي اختيارين جو چوڻ آهي ته زين العابدين جي خاندان کي فرانس ۾ پناهه نه ڏبي ۽ کين ملڪ بدر ڪبو، ذريعن موجب زين العابدين جي زال ۽ ڌيئرن به سعودي عرب وڃڻ جو فيصلو ڪيو آهي ڇاڪاڻ ته کين مسلسل ڌمڪيون ملي رهيون آهن.

 

[نثارابڙو]

جواب: تيونس ۾ صدر جي زال جي ڪرپشن عوام کي انقلاب لاءِ گهٽين ۾ اچڻ جو سڏ ڏنو

سائين عمران ڪوڙ جي منهن ۾ ڌوڙ، جڏهن حڪمران پاڻکي قوم جي ّّخدمت ڪرڻ بجا عياشي ۽ ظلم جو استعمال ڪندا ته آخر سندن حساب ته ٿيندو ۔۔۔ اسانجي زندگي ۾ ڪيترا ئي شهنشاه، بادشاه، ۽ حڪمران پنهنجي انجام تي پهتا آهن ۔۔۔ ۽ انهن جو حساب هن دنيا ۾ ئي ٿيو آهي ۔۔۔

دعا آهي ته اسانجا حڪمران به ان مان سبق حاصل ڪن ۽ عوامي ڦرلٽ بند ڪري قومن کي حق خوداراديت ڏئي ملڪ جي لڏندڙ ٻيڙي کي بچائي وٺن ۔۔۔ ڪاش اهي عقل جا دشمن هن دنيا ۽ هُن دنيا جي حساب کان خوف کائن ۔۔۔۔

سنڌ سلامت ساٿ سلامت​