سنڌي ٻارن جو مستقبل

[علي ظفر]

اڄ نيٽ جي دنيا تي جڏنهن مهنجي هن تصوير تي نظر پئي ته مان چانهن پيئڻ دوران ڪافي دير سوچيندو رهيس ته اهي ٻار جن جي هٿن ۾ قلم ۽ ڪتاب هجڻ گهرجي انهن کي مائٽ ڪهڙي طرح بندوق ڏين ٿا ڇا بندوق ڏئي ڪري اهو باور ڪرائين ٿا ته اسان جي اولاد ڪنڌار آهي سڀاڻي وڙهندي قتل ڪندي خون ريزي ڪندي ۔۔
ليڪن مهنجي ذهن ۾ هڪ ئي سوال اڀريو ته ۔۔
ڪنهن جي خلاف وڙهندا اهي؟؟؟
ڇا پهنجي ملڪ جي دفاع لاء ؟ پهنجي قوم جي حقن لاء يار وري پهنجي ئي قوم جي ڪنڌ ڪپڻ لاء انهن کي اهي هٿيار ڏنا ويا آهين
خير اهو سوال مهنجي ذهن ۾ گهمندو رهيو تان جو چانهن جو ڪپ به ختم ٿي ويو ۽ مان سوچن جي سمنڊ مان ٻاهر نڪتس۔ ته مهنجي نظر هن تصوير تي پئي

ته نه چاهندي به مهنجي اکين ۾ ڳوڙها تري آيا ۽ پر وردگار جي بارگاه ۾ دست دعا بلند ڪري اها ئي دعا گهري ته
اي پروردگار اسان جي قوم شعوري طور تي ڪڏنهن بلند ٿيندي جو اسان پهنجي اولاد جي هٿن ۾ بندوق بجاء ڪتاب ۽ قلم ڏيندي فخر محسوس ڪندا سي؟؟
​

 

[علي حسين]

جواب: سنڌي ٻارن جو مستقبل

ته نه چاهندي به مهنجي اکين ۾ ڳوڙها تري آيا ۽ پر وردگار جي بارگاه ۾ دست دعا بلند ڪري اها ئي دعا گهري ته
اي پروردگار اسان جي قوم شعوري طور تي ڪڏنهن بلند ٿيندي جو اسان پهنجي اولاد جي هٿن ۾ بندوق بجاء ڪتاب ۽ قلم ڏيندي فخر محسوس ڪندا سي؟؟
واه سائين علي علي واه بلڪل سچ لکيو اٿو۔
تمام تمام تمام بهترين

 

[رياض حسين گلال]

جواب: سنڌي ٻارن جو مستقبل

جي سائين بلڪل ....

 

[عاشق سولنگي]

جواب: سنڌي ٻارن جو مستقبل

ڪنهن جي خلاف وڙهندا اهي؟؟؟

ادا علي علي تمام گهڻي افسوس جهڙي ڳالھ آهي۔
مان اوهانجي سوال جو جواب ڏيان ٿو ته هو ٻيو ڪجھ‌به ڪون ڪندا صرف پنهنجي قوم ۽ قبيلا تباھ ڪندا۔

 

[نويد احمد ڪلوڙ]

جواب: سنڌي ٻارن جو مستقبل

ادا علي ساڳي ڪيفيت مون تي به تاري ٿي وئي۔ خدا پاڪ کان دعا آهي ته اسان جي قوم کي شعور عطا فرمائي آمين

 

[جواد رضا]

جواب: سنڌي ٻارن جو مستقبل

ادا اسان جي به اها خدا پاڪ کان دعا آهي ته اسان جي قوم کي شعور عطا فرمائي

آمين​

 

[همانگير سولنگي]

جواب: سنڌي ٻارن جو مستقبل

آمين سم آمين

 

[نثارابڙو]

جواب: سنڌي ٻارن جو مستقبل

[=""]محترم دوست ؛ انتهائي ڳوڙهو ۽ فڪري ونڊ ڪيو اٿوَ، ڪجهه ڏينهن کان مزاح سان ڀريل ونڊ ڪري ڪري اوچتو اهڙو فڪري ونڊ تمام سهڻو لڳو ۔۔۔

حقيقت ۾ ڪالهه کان ان ونڊ تي سوچي رهيو آهيان ته اسين سنڌي ڪهڙي منزل تي اچي پهتا آهيون؟، اسانکي هجڻ ڇا گهربو هو ۽ ٿي ڇا ويو آهي؟،
حيرانگي ايتري جو انت کان ٻاهر آهي ۔۔۔

سنڌي ماڻهون پرامن ۽ سلڇڻا هئا ۔۔۔ سنڌي ماڻهون علم سان پيار ڪندڙ هئا ۔۔۔ سنڌي ماڻهون مهمانواز ۽ سکيا ستابا هئا ۔۔۔

سنڌ جي ڌرتي سائي ۽ سبز آهي، سنڌ جي ڌرتي معدنيات سان مالا مال آهي، سنڌ جي ڌرتيءَ جي سينڌ سنڌو درياهه آهي، سنڌ کي سهڻو اونهو سمنڊ آهي ۔۔۔ هزارين ڍونڍو ڍورا آهن، مڇي ۽ مکڻ آهي، جانور ۽ مال ايترو جو کٽائي نه سگهجي ۔۔۔

پر پوءِ پاڪسان ٺهڻ کانپوءِ آهستي آهستي اهي سڀ بيماريون قوم ۾ ڪٿان اچي ويون ۔۔۔؟؟؟؟

ڦر لٽ، چوري ۽ زنا، نشا پتا، خونريزيون، قبيلائي جهيڙا، ڌاڙا ۽ قتل، تعليم تباهه ٿي وئي آهي، انصاف اڻ لڀ آهي، صحت ۾ هزارين ڪوهين ڏوري آهي۔ واپار ۽ صنعت نه هجڻ جي برابر آهي، هنر ۽ ڪاروبار ختم ٿي ويا آهن ۔۔۔ هر قسم جي سماجي برائيءَ اچي گهر ڪيو آهي ۔۔۔

ڇو ائين ڇو آهي ۔۔۔ ڇا اسين هميشه کان ائين آهيون؟ اسانجا وڏا ته ٻڌائن ٿا ته امن هو، سڪون هو، سادگي هئي، فيصلا انصاف سان ٿيندا هئا ، واپار ۾ ڪا کوٽي نه هئي، ڌنڌا ۽ هنر عروج تي هئا پر پوءِ اوچتو اوچتو گذريل 60 يا 70 سالن جي عرصي ۾ هي سڀ برايون ڪٿان اچي ويون آهن ۔۔۔؟

فڪر جي ڳالهه آهي ۔۔۔ سوچ جي ڳالهه آهي ۔۔۔۽ اڳتي وڌڻ جي ڳالهه آهي ۔۔۔ نه ته تاريخ اسانکي معاف نه ڪندي ۽، لکندي ته هوندي هئي ڪا سنڌي قوم ۔۔۔ هن ڌرتيءَ تي ۔۔۔۔

الله ائين م هـوءِ جــو آءُ مــران بنــد ۾،
جســو زنجيــرن ۾ راتيــان ڏينهـان روءِ،
پهرين وڃان لوءِ، پوءِ مر پڄنم ڏينهنڙا​

 

[غلام قاسم تسنيمي]

جواب: سنڌي ٻارن جو مستقبل

قبلا علي علي واقعا اها سوچڻ جي ڳالهه آهي ۽ اسان سڀ سنڌ واسين لاءِ لمحه فڪريه به۔ پر منهنجي خيال ۾ جتي برائي ۾ اضافو ٿيو آهي اتي ڀلائي ۾ به واڌارو ڏسجي ٿو، سنڌ سلامت جا ساٿي ۽ ٻيا به ڪيترا ئي احساس رکندڙ دوست قوم ۾ موجود آهن جيڪي اميدن جا ڏيئا آهن، اهي قوم ۾ شعور لاءِ پاڻ پتوڙين پيا الله سائين اسان سڀني جي جذبن ۾ اڻ کٽ حرارت ڏيئي۔ انشاء الله هڪ ڏينهن هي عظيم قوم پنهنجو حقيقي مان ۽ مقام حاصل ڪندي۔

 

[سليمان وساڻ]

جواب: سنڌي ٻارن جو مستقبل

علي جي مهرباني جو هن هيڏي فڪر ۽ سوچڻ واري تصوير ونڊ ڪري ڇڏي آهي۔

دوستو فڪر ڪرڻ‌گهرجي پر ان کان وڌيڪ پاڻ ۾ ٻڌي ۽ ايڪو پيدا ڪري هڪ نئين سوچ ۽ لطيف جي فلسفي ۽ فڪر کي عام ڪجي۔ اسان جا ٻار اسان جو مستقبل آهن۔ ۽ اسان جو مستقبل تڏهن ئي سنورندو جڏهن اسان علم جهڙي زيور سان پنهنجي نوجوان نسل کي سيراب ڪنداسون۔ مونکي هڪ شعر ٿو ياد اچي :

الله سنڌ جيئي ، جيئن سنڌي ٻار
سنڌي لکن سنڌي پڙهن ٿئي سنڌ سڪار
الف بي جا اچار ، اچارين اسڪول ۾​

اسان کي پاڻ کي پاڻ سان سچو ٿيڻ جي ضرورت آهي۔ هن وقت سنڌي معاشرو عجيب انارڪيء ۾ ڦاٿل آهي۔ هنن سڀني شين جو واحد حل تعليم ئي آهي۔