ڪجه ڏينهن اڳ تيونس جي صدر عوامي طوفان اڳيان مقابلو ڪرڻ جي سگه نه سمجهندي ملڪ مان فراريت اختيار ڪئي هئي۔ هاڻي مصر جو عوام به صدر حسني مبارڪ جي حڪومت خلاف اٿي پيو آهي ۽ قاهره ، اسڪندريه ،مشاله ۽ سئيز سميت سڄي مصر ۾ مظاهره ڪيا پيا وڃن۔ حڪومت مظاهرن کي روڪڻ لاء سخت ايڪشن جو فيصلو ڪيو آهي۔ هن وقت تائين پوليس آفيسر سميت 4 ماڻهن جو موت ٿي چڪو آهي۔ عرب دنيا ۾ ڪيتريون ئي تبديليون اچي رهيون آهن جنهن جا سبب اندروني ۽ بيروني ٻئي آهن۔ سماجي نا انصافين سبب اٿيل هن تشدد وارن مظاهرن جي شروعات فيس بوڪ ۽ ٽئٽر جهڙن سوشل نيٽ ورڪس جي ذريعي ڏني وئي ۽ مصر جي حڪومت سوشل فورمس ۽ موبائل سروس تي پابندي هڻي ڇڏي آهي۔ هوڏانهن حسني مبارڪ جيڪو 1981 کانوٺي اقتدار ۾ آهي ان جي حڪومت مظاهرين کي روڪڻ لاء تشدد وارو ساڳيوئي رستو وٺي رهي آهي جيڪو تيونس حڪومت ورتو هو۔ هوڏانهن هن حالتن تي عرب ليگ جي سيڪريٽري جنرل امر موسى عرب ملڪن کي سماجي ۽ سياسي اصلاحات جي صلاح ڏني آهي۔ جڏهن ته ڪجه اطلاع اهي به آهن ته حسني مبارڪ جو پٽ خاندان سميت برطانيه فرار ٿي ويو آهي۔
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو ادا معلوماتي ونڊ لا مهرباني ۔ ڪارائتي مضمون سان گڏ تصويرون ليک کي اڃان وڌيڪ دلڪش بنائي ڇڏيو آهي۔ مهرباني
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو تيونس جي انقلاب گهڻن ئي عرب ملڪن کي متاثر ڪيو آهي۔۔۔۔ مصر ۾ ته هوئن ئي آمريڪا سپورٽڊ حڪومت آهي متان بچي وڃي پر حالات مختلف لڳن ٿا۔۔۔ جي ائين ٿيو ۽ مصر ۾ به انقلاب آيو ته ڳالهه ڪافي وڌي ويندي۔۔۔ پر سوال اهو آهي ته هتي پاڪستان ۾ انقلاب ڪڏهن ۽ ڪنهن جي خلاف ايندو۔۔۔؟ ۽ ايندو يا بس انتظار رهندو۔۔۔؟
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو سائين لک لائق دعا آهي ته اسان به هن انقلاب کي ڏسي شل پنهنجي حقن ۽ انصاف لاء اٿي کڙا ٿيون
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو بلڪل گهڻن جو اهو ئي رايو آهي ته مصر اهڙي ڪنهن انقلاب کان بچي ويندو پر پوء به عوام چاهي ته سڀ ڪجه بدلائي سگهي ٿو۔ ادا جيستائين اسان ڪجه ڪنداسون ڪونه ته انقلاب وري ڪٿان ايندو
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو رکون ٿا انقلابي سوچ، عمل پنهنجو مگر ناهي، اڃان چئون ٿا خدا ڄاڻي، دعائن ۾ اثر ناهي۔۔ اچي ڪا ايئن تبديلي، فرق ڪو پاڻ ۾ آڻيون، ڪيون ٿا ڳالهه ڳالهوڙو، ڪيو رُڃ جو سفر ناهي۔ انقلاب سولو ناهي، تبديلي جا نعرا لڳائڻسولا آهن پر ان سلسلي ۾ قدم وڌائڻ ڏاڍو ڏکيو آهي۔۔۔ مولا علي جو هڪ فرمان آهي ته ”حق جي راهه ۾ سڀ کان پهرين ۽ وڏي تڪليف اها ايندي آهي ته پنهنجا ساٿ ڇڏي وڃن ٿا“ اڃان ته سفر ڏاڍو اڙانگو آهي۔۔۔۔ باقي جيڪڏهن ظاهري انقلاب جي جيڪا ڳالهه هينئر مٿي ڄاڻايل عرب ملڪن ۾ هلي پئي اها فقط آمريڪي پاليسي جو هڪ حصو آهي، آمريڪا جڏهن ڪنهن حڪومت مان ڪم ڪڍي وڃي ٿو ته ان کي اهڙي طرح ختم ڪرائي ٿو جيئن توهان هينئر عرب ملڪن ۾ ڏسي رهيا آهيو۔۔ تازه خبرن موجب تيونس ۽ مصر کان بعد يمن ۾ به وڳوڙ شروع ٿي ويا آهن۔۔۔۔
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو بلڪل ادا انقلاب ۾ دم تڏهن هوندو آهي ته انهي جو اڳواڻ به دو وارو هجي باقي اهي مظاهرا اسان ته ڪڏهن کان ڏسندا پيا اچون۔
جواب: تيونس ۾آيل انقلاب کانپوء مصر ۾ به صدر حسني مبارڪ خلاف عوام اٿي پيو ادا مهرباني پر ان سان تبديلي ته اچي ٿي جيڪا اسان تيونس ۾ ڏٺي باقي هاڻي ته عوام ۽ اتان جي سياسي اڳواڻن جي فڪر کي ڏسڻو آهي ته ڪيڏانهن ٿا وڃن۔ مان سمجهان ٿو جيڪڏهن سياسي ۽ سماجي اصلاحات اچن ته هر ملڪ مان گهڻا مسئلا حل ٿي ٿا وڃن۔ انقلاب سولو ناهي پر عوام چاهي ته سڀ ڪجه ممڪن آهي۔ پر اسان وٽ انقلابي اڳوانن جي کوٽ آهي۔
