ڄاتل سڃاتل ۔۔۔۔۔۔۔۔۔۔۔۔۔۔

[عرس پريو]

نئي فورم تي آئي هڪ ڏينهن مس ٿيو آهي نيٽ نه هجڻ ڪري ڪجهه پري هياسين ٿوري مشاهدي کان پوء ڳالهه ته ڪافي ساري سمجهه ۾ اچي وئي آهي ۔۔۔۔۔۔۔۔۔۔۔۔۔ اڳم فوٽو جي هيٺان senior member هوندو هيو هاڻ وري ڄاتل سڃاتل لکيل آهي ۔۔۔۔۔۔۔۔۔۔۔۔۔۔۔۔۔۔ عجيب غريب لفظ پيو لڳي ۔ ان کي ٿورو اسٽينڊر ۾ آندو وڃي اهولفظ اتي مزرو نٿو ڪري ۔۔۔۔۔۔۔۔۔۔۔۔۔۔۔۔۔۔۔۔۔

اها ته خبر آهي هن فورم جي انتظاميه پاڪستاني گورنمنٽ وانگر آهي ۔۔۔۔۔۔۔۔۔۔۔۔۔۔۔۔۔ ڪيڏو چئو پر ڳالهه پنهنجي ڪندي ۔۔۔۔۔۔۔۔۔۔۔۔۔۔۔۔۔۔۔۔۔۔ پر پوء به راء ڏئي ڇڏجي ۔۔۔۔۔۔۔۔۔۔۔۔۔۔ اظاهر جي آزاديء جو حق ته آهي ۔

 

[رشيد سمون]

هيء ته اهو مثال ٿيو ته تصوير درست ڪرڻ لاءِ مشورا ته کوڙ آيا پر درست پاڻ ڪيو جي جڏهن ڳالهه نڪتي ته هر ڪو ڪن ڪڍائي ويو۔۔۔
بهتر رهي ها ته صرف غلطي ڪڍڻ بجاءِ اصلاح به ڪيو هان۔۔۔ خير جيڪڏهن توهان اهو ٿا چوڻ چاهيو ته سنڌي لفظ بجاءِ انگريزي لفظ لکجن ته باقي سنگت کان مشورو ڪجي۔۔
توهان لاءِ خاص ۽ سمورن رڪنن لاءِ عام سمجهاڻي آهي ته نئين سنڌ سلامت تي رڪنن جي اپگريڊيشن ڪجهه هن طرح ٿئي ٿي۔۔۔
نئون رڪن : رجسٽريشن حاصل ڪرڻ تي ۔۔۔
رجسٽرڊ رڪن : پنج يا مٿي تحريرون موڪلڻ تي۔۔۔
فعال رڪن : 25 يا مٿي تحريرون موڪلڻ تي۔۔
ڄاتل سڃاتل : 45 يا مٿي تحريرون موڪلڻ تي۔۔

توهان سميت سمورن رڪنن جي مشورن جو انتظار رهندو۔۔۔

 

[مست]

واقعي هي لفظ ڪجهه ٺهڪي ڪونه ٿو پر وري به پنهنجي جڳهه تي ان جي جاءِ تي ٻيو ڪو لفظ ڳولڻ سولو ڪم ناهي،
منهنجي خيال ۾ سائين نثار ابڙو ان سلسلي ۾ ڪي لفظ پيش ڪري۔۔۔
منهنجي خيال ۾ ساٿي، پانڌيئڙو جهڙي لفظن سان ملندڙ جلندڙ ڪي لفظ ڏنا وڃن۔۔

 

[سليمان وساڻ]

اهو به شڪر آهي جو عرس ايترن ڏينهن کانپوء فورم تي ڀيرو ته ڀريو ۔۔۔۔۔۔۔۔۔

باقي اهو ڄاتل سڃاتل بجاء سينير رڪن يا سينير ميمبر لکجي ته بهتر ٿيندو ، هونئن به گهڻا دوست ڄاتل سڃاتل ئي آهن۔

 

[عرس پريو]

اهو به شڪر آهي جو عرس ايترن ڏينهن کانپوء فورم تي ڀيرو ته ڀريو ۔۔۔۔۔۔۔۔۔

باقي اهو ڄاتل سڃاتل بجاء سينير رڪن يا سينير ميمبر لکجي ته بهتر ٿيندو ، هونئن به گهڻا دوست ڄاتل سڃاتل ئي آهن۔

ادا تواهان جي صلاح به سٺي آهي سائين نثار جو ڪهڙو مشور آهي ۔۔۔۔۔۔۔۔

 

[غلام مصطفي ميمڻ]

اسلام عليڪم،اسان به ادا عرس پريو ۽ محترم سليمان وساڻ سان متفق آهيون ته لفظ ڄاتل سڃاتل مان اهو مفهوم نه ٿو نڪري جيڪو ميمبر جي ليکن جي حساب سان هئڻ گهرجي۔اسان جي راء ۾ جيڪڏهن اسان نئين ميمبر کي مهربان لکون۔ جيستائين هن جا سوء ليک پورا ٿين۔ان کانپو هزار ليک ڪمپليٽ ٿيڻ تائين هن کي سخن ور لکون ۽ هزار کانپوء هن جي شناخت ڏاهو لکون ۽ انتظاميه کي دانش ور لکون ته اسان جي مطابق ته ان ڄاتل سڃاتل کان ڪافي سٺا هوندا،وڌيڪ سائين نثار ناز،نٿار ابڙو صاحب ۽ ٻيا هن فورم جا هڏ ڏوکي جو ان باري ۾ ڇا خيال اهي جو انتظار رهندو۔

 

[ڦلپوٽو فقير]

سائين مون جي خيال ۾ سينيئر ميمبر بهتر رهندو

 

[عرفان ديشي]

ادا مان ان بابت ڪلھ به ادا سليمان کي ميسيج ڪري چيو ته ادا ڄاتل سڃاتل ته سڀئي آهن۔ ان جڳھ تي ”ساٿي“ يا ڪو ٻيو ڪجھ لکيو وڃي، ڄاتل سڃاتل اسان کي پسند ناهي۔۔۔۔۔
باقي جيئن سنگت جي صلاح۔۔۔۔۔۔۔۔۔۔۔!!!

 

[عبدالحفيظ لغاري]

۔

اها ته خبر آهي هن فورم جي انتظاميه پاڪستاني گورنمنٽ وانگر آهي ۔۔۔۔۔۔۔۔۔۔۔۔۔۔۔۔۔ ڪيڏو چئو پر ڳالهه پنهنجي ڪندي ۔۔۔۔۔۔۔۔۔۔۔۔۔۔۔۔۔۔۔۔۔۔ پر پوء به راء ڏئي ڇڏجي ۔۔۔۔۔۔۔۔۔۔۔۔۔۔ اظاهر جي آزاديء جو حق ته آهي ۔

جيئن ته دوستن کي نثار ابڙو جي راءِ جو انتظار آهي تنهنڪري صلاح نٿي ڏجي ۽ فل حال ڪو مناسب متبادل لفظ آهي به ڪونه، پر عرس سان آئون 200 سيڪڙو مخالفت ڪند، ڇو ته جي ايئن هجي ها ته موجوده ٽيب تازه ترين کي فعال موضوع مان بدلائي تازه ترين نه لکيو وڃي ها، اهو مون 2011 ۾ سليمان وساڻ کي چيو جنهن رشيد جي صلاح مشوري سان جلدي تبديل ڪيو

 

[منظور ڪلهوڙو]

سائين مان فقط ايترو چوندس ته اسين سڀ هتي ڪنهن به رڪنيت يا مخصوص عهدي لا گڏ ڪين ٿيا آهيون، منهنجو ته اهو ايمان آهي، ڇو ته پاڻ کي عهدو يا وڏي رڪينت حاصل ڪرڻ جي ڪا به لوڀ لالچ نه آهي، پر جئين ته ڪجهه ضابطا ۽ اخلاق هوندا آهن ان ڪري اهو سڀ به ضروري آهي، پر جيڪڏهن ڄاتل سڄاتل لفظ مان ان ميمبر جي ڪا مخصوص پوزيشن ظآهر نه ٿي ٿئي جنهن ڪري ان کي تبديل ڪري ڪنهن اڃا به سهڻي لفظ سان پيش ڪيو وڃي ته بهتي ٿيندو۔۔۔جئين سائين غلام مصطفى صاحب جن ڪجهه لفظ پيش ڪيا آهن انهن تي غور ڪيو وڃي۔

 

[فاروق سومرو]

سائين رشيد سينيئر ميمبر لکو اهو صحيح آهي

 

[TAHIR SINDHI]

پاڻ کي به اهو لفظ ڪجھ اجنبي محسوس ٿئي ٿو، لڳي ٿو اسٽيبلشمنٽ جي ڪا سازش آهي۔۔۔

 

[عرس پريو]

۔

جيئن ته دوستن کي نثار ابڙو جي راءِ جو انتظار آهي تنهنڪري صلاح نٿي ڏجي ۽ فل حال ڪو مناسب متبادل لفظ آهي به ڪونه، پر عرس سان آئون 200 سيڪڙو مخالفت ڪند، ڇو ته جي ايئن هجي ها ته موجوده ٽيب تازه ترين کي فعال موضوع مان بدلائي تازه ترين نه لکيو وڃي ها، اهو مون 2011 ۾ سليمان وساڻ کي چيو جنهن رشيد جي صلاح مشوري سان جلدي تبديل ڪيو

آهي نه پاڪستاني گورنمنٽ 2011 جي صلاح تي هاڻ عمل ٿيو سو به بار بار ياد ڏيارڻ کان پوء ۔۔۔۔۔۔۔۔۔۔۔۔ اڃا ٿا چئو ته منهنجو ڏوهه آهي ۔

 

[نثارابڙو]

ها ها ها ها ها ۔۔۔۔ ​

کليم ان ڪري جو پهرين ڏينهن جڏهن مون اهو لفظ پڙهيو هو ته اهو خيال آيو هو ته ڪو نه ڪو دوست ضرور ان تي ٽيڪا ٽپڻي ڪندو، پر دوست رشيد جي مصروفيت ۽ ڪم ڏسي چپ رهيم، ڇاڪاڻ ته رشيد تي ڪم گهڻو هو ۽ ٻيو ته شايد! رشيد جي نيت هئي ته بجا ڪنهن انگريزي لفظ جي سنڌي لفظ استعمال ڪريان، سو سينيئر ميمبر جي جا تي هن ” ڄاتل سڃاتل“ استعمال ڪيو، جيڪو انگريزي لفظ جي نعم البدل بهتر آهي ۔۔۔ آ رشيد جي ان سوچ کي سلام ڪندس ۔۔۔​

​

دوستن صلاحون ڏيندي ڪيترا ئي سٺا لفظ پڻ ٻڌايا آهن ۽ دوستن مونکي عزت افزائي پڻ ڏيندي چيو آهي ته دوست ”نثارابڙو“ ڪو لفظ ٻڌائي ۔۔۔ دوستن جو شڪرگذار آهيان جن سٺا سٺا لفظ پڻ ٻڌايا آهن ۔۔۔ دوستن ” ساٿي“ پڻ صلاحيو آهي، اهو لفظ به مناسب آهي، جنهنجي معني ڪجهه هن طرح جي آهي​

ساٿي؛​

ساٿ ڏيندڙ ، سنگتي ، دوست ، همراه ، يار ، شامل ، شريڪ ، ڀيڙو ، ٻيلي ، مددگار ، ڀرجهلو ، رفيق.​

​

ملندڙ جلندڙ ٻيو لفظ آهي: ” سنگتي“، جنهن جي معني ڪجهه هن طرح جي آهي۔​

​

سنگتي​

سنگت وارو ، دوست ، يار ، سنگت ڪندڙ. همدرد ، ساٿي ، صحبتي ، رفيق ، پيارو. گڏ هلندڙ ، همراهه. تعلق وارو ، لاڳاپي وارو.​

​

اڃان به هڪ لفظ آهي، ” ٻيلي“ جنهن جي معنى به ڪجهه هن طرح سان آهي۔​

​

ٻيلي؛​

ساٿي ، سنگتي ، رفيق. حال ڀائي ، غمخوار. همراهه ، واهُرو ، مددگار.​

​

آخر ۾ انهن سڀني لفظن جو تت آهي ” ساٿي“ منهنجي خيال ۾ مناسب لفظ آهي ۽ مٿي ڏنل لفظن جي حساب سونهين ٿو، ڇاڪاڻ جڏهن ڄاڻ ساڃاڻ وارو شخص پچي راس ٿيندو آهي ته دوست، ٻيلي، سنگتي يا ساٿي ٿي پوندو آهي ۔۔۔۔۔ ​

​

وڌيڪ جيڪا سنگت جي صلاح ۔۔۔ ​

 

[سليمان وساڻ]

۔

جيئن ته دوستن کي نثار ابڙو جي راءِ جو انتظار آهي تنهنڪري صلاح نٿي ڏجي ۽ فل حال ڪو مناسب متبادل لفظ آهي به ڪونه، پر عرس سان آئون 200 سيڪڙو مخالفت ڪند، ڇو ته جي ايئن هجي ها ته موجوده ٽيب تازه ترين کي فعال موضوع مان بدلائي تازه ترين نه لکيو وڃي ها، اهو مون 2011 ۾ سليمان وساڻ کي چيو جنهن رشيد جي صلاح مشوري سان جلدي تبديل ڪيو

آهي نه پاڪستاني گورنمنٽ 2011 جي صلاح تي هاڻ عمل ٿيو سو به بار بار ياد ڏيارڻ کان پوء ۔۔۔۔۔۔۔۔۔۔۔۔ اڃا ٿا چئو ته منهنجو ڏوهه آهي ۔

عرس کي ڇا چئجي جو اسان جو سنگتي ۽ يار آهي، جيتوڻيڪ مونکي پهرين ڏينهن به سخت ڪاوڙ هئي جڏهن هن سنڌ سلامت جي انتظاميه کي پاڪستاني گورنمينٽ سان ڀيٽا ڏني هئي۔۔۔۔ پر دوستي نڀائيندي خاموش رهيس۔ پر اڄوڪي ورجاء تي ڏک پهتو۔

دوستو پاڪستاني گورنمينٽ ڪرپٽ ، نااهل ۽ بدنام رهي آهي ۔۔۔ ڇا سنڌ سلامت ۾ ڪي اهڙيون ڳالهيون آهن، جيڪڏهن آهن ته خدارا اسان کي ضرور ٻڌائجو جيئن اسان۽ سنڌسلامت جي انتظاميه پنهنجو احتساب ڪري سگهون۔ مصروفيتون آهن، گهر کي ڏسڻو پوي ٿو، نوڪري کي ڏسڻو پوي ٿو ۽ پوء به وقت ڪڍي ويهون ٿا رهي سهي ڪسر بجلي پوري ڪري ٿي ڇڏي۔

اوهان شايد ادي حفيظ لغاري جي ڳالهه سمجهڻ بنا ئي تبصرو ڪري ڇڏيو ۔۔۔۔۔ هن 2011 ۾ ڳالهه ڪئي هئي ۽ ان ئي هفتي اها تبديلي آندي وئي هئي۔ شايد اوهان کان سڀ وسري ويندو آهي جيئن اسان جو سنڌي عوام هفتي کانپوء سڀ ڪجهه وساري ويهندو آهي۔

پوء به دوست ذيشان رشيد کي سلام آهي جنهن فورم کي نئين سافٽويئر تي آڻيندي تڪڙ ڪئي جو دوستن کان سنڌ سلامت جو بند هجڻ برداشت نه پئي ٿيو۔ ٻيو ته هن ڪوشش ڪئي ته انگريزي بجاء نج سنڌي استعمال ڪجي پر ظاهر آهي، سڀني انگريزي لفطن جي لغوي معنى ۽ اصطلاحي معنى ۾ فرق ٿيندو آهي۔ تنهنڪري هن لغوي معنى استعمال ڪئي۔ ها بلڪل غلطيون ٿينديون آهن پر انهن کي سلجهائڻ جو انداز دوستاڻو هجي ته بهتر آهي۔ اوهان دوستن جي سهاري ئي سنڌ سلامت آهي، اوهان ۽ اسان ئي سنڌ سلامت آهيون۔ اسان کي هتي ميمبرن جي درجه بندي ڪندي تڪليف ٿيندي آهي پر فورمن کي هلائڻ جا ڪجهه اصول به مڃڻا پوندا آهن ۽ پراڻن دوستن کي ڪا مڃتا به ڏيڻي پوندي آهي۔

مان سمجهان ٿو سائين نثار جون سمجهاڻيون به ڀليون آهن پر پوء به دوستن جي اڪثريت مون سميت ان راء جي حٍمايت ۾ آهي ته سينيئر ميمبر يا سينيئر رڪن صحيح رهندو۔ باقي پوء به اسان ادي ذيشان سمون، سائين نثار ابڙي ۽ سائين نثار ناز جي راء جو احترام ڪنداسون جيڪو فيصلو ڪن۔

 

[رشيد سمون]

۔۔۔۔۔ سينيئر ميمبر جي جا تي هن ” ڄاتل سڃاتل“ استعمال ڪيو، جيڪو انگريزي لفظ جي نعم البدل بهتر آهي ۔۔۔۔۔۔ دوستن ” ساٿي“ پڻ صلاحيو آهي، اهو لفظ به مناسب آهي، جنهنجي معني ڪجهه هن طرح جي آهي​

ساٿي؛​

ساٿ ڏيندڙ ، سنگتي ، دوست ، همراه ، يار ، شامل ، شريڪ ، ڀيڙو ، ٻيلي ، مددگار ، ڀرجهلو ، رفيق.​

​

ملندڙ جلندڙ ٻيو لفظ آهي: ” سنگتي“، جنهن جي معني ڪجهه هن طرح جي آهي۔​

​

سنگتي​

سنگت وارو ، دوست ، يار ، سنگت ڪندڙ. همدرد ، ساٿي ، صحبتي ، رفيق ، پيارو. گڏ هلندڙ ، همراهه. تعلق وارو ، لاڳاپي وارو.​

​

اڃان به هڪ لفظ آهي، ” ٻيلي“ جنهن جي معنى به ڪجهه هن طرح سان آهي۔​

​

ٻيلي؛​

ساٿي ، سنگتي ، رفيق. حال ڀائي ، غمخوار. همراهه ، واهُرو ، مددگار.​

​

آخر ۾ انهن سڀني لفظن جو تت آهي ” ساٿي“ منهنجي خيال ۾ مناسب لفظ آهي ۽ مٿي ڏنل لفظن جي حساب سونهين ٿو، ڇاڪاڻ جڏهن ڄاڻ ساڃاڻ وارو شخص پچي راس ٿيندو آهي ته دوست، ٻيلي، سنگتي يا ساٿي ٿي پوندو آهي ۔۔۔۔۔ ​

​

وڌيڪ جيڪا سنگت جي صلاح ۔۔۔ ​

سائين نثار جي تحرير پڙهي مان به کليم۔۔۔۔۔۔
دوستو توهان ڳالهه سمجهي ئي ناهي ان ڪري ته ساٿي، سنگتي يا ٻيلي پيا صلاحيو۔۔ دراصل انهن لفظن مان هڪ لفظ ”ساٿي“ کي اڳ ئي پروفائيل تان ساٿ نڀائيندڙ طور چونڊيو هيم۔۔ اهي لفظ بلڪل اتي ئي سونهن ٿا هوئن به توهان جي ساٿ ۾ شامل رڪنن کي ئي ساٿي سڏبو۔۔۔ جنهن کي زين فورو پنهنجي زبان ۾ Follower ٿو سڏي۔۔۔ ان حساب سان سائين نثار جا آڇيل لفظ اڳ ئي چونڊيل هجڻ ڪري قبول نه ٿا ڪري سگهجن۔۔۔

زين فورو مٿي منهنجي تحرير مطابق رڪنن کي سندن ڪارڪردگي جي بنياد تي ڪجهه هن طرح ٿو سڏي ۔۔۔
New Member : On Registration
Member: 5 and above posts
Active Member: 25 and above posts
Well-Known Member: 45 and above posts
جنهن کي مون ترجمو ڪندي ڪجهه هن طرح لکيو۔۔۔
نئون رڪن : رجسٽريشن حاصل ڪرڻ تي ۔۔۔
رجسٽرڊ رڪن : پنج يا مٿي تحريرون موڪلڻ تي۔۔۔
فعال رڪن : 25 يا مٿي تحريرون موڪلڻ تي۔۔
ڄاتل سڃاتل : 45 يا مٿي تحريرون موڪلڻ تي۔۔


اميد ته توهان جا ايندڙ مشورا منهنجي هن تحرير کي نظر ۾ رکندي ايندا۔۔۔

 

[نثارابڙو]

ڀاءُ رشيد! سچ پڇو ته مونکي اوهانجي ڏنل ڪيٽگري سان ڪو به اختلاف ناهي ۔۔۔ ڇاڪاڻ اهو اوهانجو ڪمال آهي ته هن نئين سافٽويئر تي سنڌسلامت کي سهڻي سنڌيءَ ۾ تبديل ڪري هن اڱڻ جي آسمان تي چنڊ سجايا آهن ۔۔۔۔ اسان سڀني جون نيتون ۽ پيار ته شامل رهيو پر هن سنڌ سلامت کي اسان لاءِ سجائڻ جو ڪم اوهانجي مبارڪ هٿن سان ٿيو آهي ۔۔۔ آءُ ته اوهانجا هٿ چمڻ کي برثواب سمجهندس۔۔۔۔ سو ته ملڻ تي۔​

​

باقي رهي عرس يا ٻين دوستن جي اندر جو اظهار سو به اکين تي ۔۔۔ صلاحون ٿيون، ڪچهري ٿي، اوهانجي ڪيل ڏاهپ ڀريي ڪم جي به خبر پئي۔​

​

اوهان لفظ ” ساٿي “ استعمال ڪري ڇڏيو آهي ته اهو به اسان لاءِ ئي استعمال ٿيندو ۔۔۔ ۽ ​

​

لفظ ”ويلنون“ جي معني جيڪا اوهان سنڌيءَ ۾ ڏني آهي سا به بلڪل 200 فيصد صحيح آهي ۔۔۔۔ لفظ ” ڄاتل سڃاتل“ ڪو خراب لفظ به ناهي، تمام اعلا لفظ آهي ۔۔۔ ٻن لفظن جي ميلاپ سان ٺهيل هي لفظ پنهنجي اندر تمام ڳوڙهي معني رکي ٿو۔۔۔ ​

ڄاتل؛ جنهنجي خبر هجي يا ٻين ذريعن يا حوالن سان انجي مشهوري هجي،​

سڃاتل؛ جنهنکي اوهان پاڻ پنهنجي تعلقات جي ذريعي پرکيو هجي۔​

​

هاڻ لفظ جي اهميت تي غور ڪيو ۔۔۔جنهن ماڻهون لاءِ ٻاهران ذريعا به تعريف ڪندا هجن ۽ اوهان جو ساٿي به هجي۔ جنهنکي اوهان ويجهڙائي کان سڃاڻيندا هجو​

​

” ڄاتل سڃاتل“​

​

هاڻ جيڪڏهن اڃان به دوستن کي ٻڌڻ ۾ هي لفظ نٿو وڻي ته اسين دوستن خاطر لفظ بدلائي به سگهون ٿا ۔۔۔ سنڌ سلامت تي لکيل هر لفظ دوستن کان وڌيڪ مقدس ناهي ۔۔۔ دوست آهن ته سنڌ سلامت آهي ۽ سنڌ سلامت آهي ته دوستن جي دوستي آهي، انڪري سنڌ سلامت ۽ سنڌ دوستي اکر مڙئي هڪڙو۔ دوستن جا رايا ملن ته جنهن لفظ يا ڳالهه تي وڌيڪ دوستن جو اتفاق هجي ته ” جهڙي دوستي تهڙو رنگ”​

​

محبت پائي من ۾، رنڊا روڙيا جن، ​

تن جو صرافن، اڻ توريو ئي اگهايو۔ ​

​

 

[رحيم بخش]

سڀني دوستن پنهنجا سهڻا رايا پيش ڪيا آهن هن عاجز جي به ناقص راء آهي اگر پسند اچي ته واه نه ته جيڪا گهڻن جي صلاح
ٻوليء جي خوبين ۾ اها به خوبي شمار ڪئي ويندي آهي ته ٻولي ٻين ٻولين جي لفظن کي پنهنجي لفظن ۾ ضم ڪري پنهنجو بنائي ڇڏيندي آهي انڪري سينيئر ميمبر ڄاتل سڃاتل لفظ کان وڌيڪ مناسب ٿو محسوس ٿئي۔ ٻيو ته well known جو ترجمو مشهور ومعروف به ٿي سگهي ٿو ليڪن اهو به فورم جي لحاظ ٺهڪندڙ نه ٿو لڳي۔ان ڪري جيستائين ڪو اهڙو مناسب لفظ ملي تيستائين سينيئر ميمبر يا رڪن کي استعمال ڪيو وڃي جو اڪثر دوستن جي به اها راء آهي۔اردو فورمن تي به اهڙا ئي لفظ استعمال ٿين ٿا۔ وڌيڪ وري به جيڪا دوستن جي راء مناسب لڳي ان تي عمل ڪيو وڃي۔

 

[ممتاز علي وگهيو]

اسلام عليڪم،اسان به ادا عرس پريو ۽ محترم سليمان وساڻ سان متفق آهيون ته لفظ ڄاتل سڃاتل مان اهو مفهوم نه ٿو نڪري جيڪو ميمبر جي ليکن جي حساب سان هئڻ گهرجي۔اسان جي راء ۾ جيڪڏهن اسان نئين ميمبر کي مهربان لکون۔ جيستائين هن جا سوء ليک پورا ٿين۔ان کانپو هزار ليک ڪمپليٽ ٿيڻ تائين هن کي سخن ور لکون ۽ هزار کانپوء هن جي شناخت ڏاهو لکون ۽ انتظاميه کي دانش ور لکون ته اسان جي مطابق ته ان ڄاتل سڃاتل کان ڪافي سٺا هوندا،وڌيڪ سائين نثار ناز،نٿار ابڙو صاحب ۽ ٻيا هن فورم جا هڏ ڏوکي جو ان باري ۾ ڇا خيال اهي جو انتظار رهندو۔

سنڌ سلامت جا ساٿيو مان به سائين غلام مصطفه ميمڻ صاحب جي ڳالهين سان اتفاق ٿو ڪريان، ۽ منهنجي خيال ۾ سائين جي الفاظن تي غور ڪجي ته بهتر ٿيندو، ميمبر به سٺو الفاظ آهي بنسبت ڄاتل سڃاتل جي۔ اسان جي دوست محترم نثار ابڙي صاحب به تمام سٺا الفاظ پيش ڪيا آهن انهن مان به چونڊ ڪري سگهجي ٿي، مگر ابڙي صاحب جي الفاظن تي به رشيد سمون صاحب پنهنجا خيال پيش ڪري چڪو آهي،

 

[عامرضياء چارڻ]

ٿوري نظر هن تصوير تي۔۔۔۔۔

نمبر 1۔ شخصيت جي پروفائيل تصوير جو انداز
نمبر2۔ شخصيت جو نالو۔
نمبر3۔ شخصيت جي انداز کي ڏسي ڪري ان جو رکيل ٽائيٽل۔

منهنجي خيال ۾ ادا ذيشان رشيد پنهنجي جڳه تي درست آهي۔ D: