وفاايم حنيف بلوچ

سڀني سنڌي سڄڻن کي وفاايم حنيف بلوچ جو پيار محبت ۽ سڪ ڀريو سلام قبول پوي
سنڌ سلامت ساٿ سلامت۔

گيت
وفاايم حنيف بلوچ
سنڌ ڌرتيء تي مان ڪئي قربان پنهنجي جان آ
سنڌ ۾ ٿيندس دفن مان هي منهنجو ايمان آ
سنڌ ڌرتيء کي جڏهن رت جي ضرورت پئي
جي هٽان مان پوئتي چئجو اهو بيمان آ
سنڌ ۾ ٿيندس دفن منان هي منهنجو ايمان آ.
ٻولي منهنجي مٺڙي ماتا جا مونکي جيجل ڏني
سا نه ڇڏجان پٽ ڪڏهن جيجل ڪيو فرمان آ
سنڌ ۾ ٿيندس دفن مان هي منهنجو ايمان آ.
تنهنجي در تي خالي جھولي مون جھلي آهي خدا
سدائين سنڌ لئه توکان گھريو مون دان آ
سنڌ ۾ ٿيندس دفن مان هي منهنجو ايمان آ.
مرڻ مهڻو ناهي ڪنهن انسان لئه
ماڻهو هتي چند ڏينهن جو ٿي آيو مهمان آ
سنڌ ۾ ٿيندس دفن مان هي منهنجو ايمان آ.
هيء “حنيف” جي وصيت ياد دل تي سڀ رکو
مونکي ڏجو اجرڪ ڪفن جيڪو سنڌ جو نيشان آ
سنڌ ۾ ٿيندس دفن مان هي منهنجو ايمان آ.