[JUSTIFY]هڪ دفعي جي ڳالهه آهي ته هڪ ننڍڙو پکي، دنيا جي ڏاکڻي علائقي ۾ پوندڙ سيءَ کان بچي نڪرڻ خاطر گرم علائقي ڏانهن رخ ڪيو، پر تمام گهڻي ٿڌ سبب سندس سگهه ختم ٿي وئي ۽ ساڻو ٿي اچي هيٺ برف ۾ ڪريو، بس حياتيءَ جا آخري پل ئي هيس ته اتان اچي هڪ ڍڳو لنگهيو جنهن سندس مٿان پنهنجي حاجت پوري ڪئي ۽ ڇيڻو لاٿو. پکيءَ ڇيڻي جي گرمي محسوس ڪئي ۽ ان مرڻينگ حالت مان نڪرڻ لڳو ۽ ڏسندي ڏسندي ئي چڱو ڀلو ٿي ويو، ۽ خوشيءَ ۾ ڳائڻ لڳو ... اتفاق سان اتان هڪ جهنگلي ٻلي اچي گذري ۽ جڏهن سندس ڪنن تي پکيءَ جي ڳائڻ جو آواز پيو ته نوسيندي اچي ڇيڻي جي مٿان بيٺي، ڇيڻو کوٽيائين ته پکي اندران مليس، کيس کائي هلي وئي ... ******************* ڪهاڻيءَ جو اخلاقي سبق؛ 1. هر اهو ماڻهون جيڪو اوهان تي گند اڇلائي ٿو، ضروري ناهي ته هو اوهانجو دشمن هجي. 2. ۽ ضروري ناهي ته جيڪو ماڻهون اوهانکي ان گند مان ٻاهر ڪڍي ته اوهانجو دوست آهي. 3. جڏهن اوهان وڏي گند ۾ هجو، بهتر آهي ته پنهنجو وات بند رکو.[/JUSTIFY]
جواب: ننڍڙو پکي واھ سائين ڪهاڻي مان آخري جيڪو سبق ملي ٿو اُهو پڻ مٿي ڏنل ڪهاڻي وانگر تمام بهترين آهي.
جواب: ننڍڙو پکي سائين لاجواب تمام سٺي نموني سمجهاڻي ڏني ا ٿو اسان ته ايڪشن جو اتي جو اتي ري ايڪشن ڏيندا آهيون جنهن ڪري نتيجو ڏسڻو پوندو آهي الله سائين توهان کي خوش رکي اهڙا سبق آموز ونڊ جاري رکو سنڌ سلامت ساٿ سلامت
جواب: ننڍڙو پکي محترم سائين ابڙا صاحب بهترين ڪهاڻي جنهن ۾ بهترين سبق سمايل آهي. ٿورا اوهان جا. منهنجي ناقص سمجهه ۾ هن ڪهاڻي مان تقدير تي راضي رهڻ جو به سبق ملي ٿو.
جواب: ننڍڙو پکي سائين ٿورا بهترين ونڊ جيڪو ڏاهپ جي نقطن سان ڀريل آهي اوهان جي اهڙي سبق آموز شيئرنگ هميشه اکيون کولي ڇڏيندي آهي
جواب: ننڍڙو پکي [justify]جيئن ته قبلا سائين اوهان ڪهاڻي جو مقصد به سمجهايو آهي جيڪڏهن اوهان ظاهر نه ڪيو ها ته شايد ڪنهنجو ذهن ان طرف نه وڃي ها فارسي جي هڪ چوڻي آهي ته نويسنده دانست که در نامه چيست يعني لکندڙ ئي ڄاڻي ته خط ۾ ڇاهي سو ڪهاڻيڪار کي ڪهاڻي لکڻ وقت جيڪو ڪجهه منشور ذهن ۾ ايندو آهي اهو ان نوعيت سان ڪهاڻي لکي ويندو آهي ليڪن بعد ۾ پڙهڻ وارو پنهنجي ذهن آهر ان مان مختلف مفهوم پيو وٺندو آهي جيستائين توهان وانگر ڪو پاڻ نه سمجهائي. اوهان جا لک ٿورا جو آهڙو معنى خيز مفهوم اوهان سمجهايو. شال سدا سلامت هجو.[/justify]
جواب: ننڍڙو پکي جي محترم دوست، اوهان بلڪل سهي چيو آهي، پر ڪي ماڻهون ته” تازي” هوندا آهن اشارن مان ئي ڳالهه سمجهي ويندا آهن، پر ڪن کي ته “ ٽارو ” به سڌاري نه سگهندو آهي ۔۔۔ لک ٿورا
جواب: ننڍڙو پکي ادا نثار صاحب ڪهاڻي جي مفهوم تمام سبق پرائڻ جهڙو آهي وڏي مهرباني جو توهان اسان سان اهي ڪهاني شيئر ڪئي ان مان اسان سبق حا صل ڪيو ادا۔
جواب: ننڍڙو پکي السلام عليڪم سائين جيتوڻيڪ ڪهاڻي تمام ننڍي آهي پر ان ۾ سبق انتهائي ڪارآمد سمايل آهي ڪوئي ان سبق تي عمل ڪري يا نه ڪري مان ته ان سبق آموز ڪهاڻي ۽ اخلاقي سبق کي پنهنجي ذهن ۾ ويهاري ڇڏيو آهي . لک ٿورا سائين
