ورلڊ ڪپ جي تاريخ ۾ سڀ کان وڌيڪ اسڪور ٺاهڻ جو رڪارڊ ڀارت وٽ اسلام آباد (اسپورٽس نيوز) ورلڊ ڪپ ڪرڪيٽ جي تاريخ ۾ سڀ کان وڌيڪ رنسون ٺاهيندڙ ٽيم جو اعزاز ڀارت وٽ آهي جنهن 2007ع ۾ برموڊا خلاف 5 وڪيٽن جي نقصان تي 413 رنسون ٺاهيون هيون جيڪو هيل تائين ورلڊ ڪپ ڪرڪيٽ ۾ سڀ کان وڌيڪ اسڪور ڪرڻ جو رڪارڊ آهي، ورلڊ ڪپ ڪرڪيٽ ۾ ٻئي نمبر تي سڀ کان وڌيڪ اسڪور ڪندڙ ٽيم سريلنڪا جي آهي جنهن 1996ع ۾ ڪينيا خلاف 5 وڪيٽن جي نقصان تي 398 رنسون ٺاهيون هيون. ان ميچ ۾ ارونڊا دي سلوا 115 بالن تي 5 ڇڪن ۽ 14 چوڪن جي مدد سان 145 رنسون ٺاهيون هيون. ٽئين نمبر تي سريلنڪا خلاف 1999ع جي عالمي ڪپ ڪرڪيٽ ۾ ڀارت 373، جڏهن ته 1987ع جي عالمي ڪرڪيٽ ڪپ ۾ ويسٽ انڊيز سريلنڪا خلاف 4 وڪيٽن جي نقصان تي 360 رنسون ٺاهيون هيون.
