پاڪستان لاءِ انڊين هندن جي سوچ!!!

جواب: پاڪستان لاءِ انڊين هندن جي سوچ!!!

دوستو ڪجهه سهپ جو مادو رکو ته محبتي ميڙاڪو نفرت ۾ تبديل نه ٿيندو..
جيتري قدر سائين رحيم بخش جو سوال آهي ته ان جي جواب ۾ سائين نثار ابڙو جن وضاحت ڪري ڇڏي جنهن جو مختصر لبِ لبابو اهو آهي ته اسلام پاڪستان کان پهرياب به هيو ۽ بعد ۾ به رهندو... ٻيو ته اسلام ۽ آزادي ٻئي هڪ شي نه آهن جي ائين هجي ها ته اسان جا مسلمان ڀائر بنگالي اڄ اسان کان الڳ نه هجن ها ... يا وري اهي ۽ اسان ٻئي مسلمان هجڻ باوجود هڪ ٻئي سان ايتري نفرت نه ڪيون ها...
جڏهن ته ادا طاهر سنڌي ۽ محترم افتخار چوهاڻ لاءِ عرض ته هرڪو پنهنجو نقطهءِ نظر تڏهن ئي بهتر انداز سان بيان ڪري سگهندو آهي جڏهن هن ڪو مواد يا تاريخ پڙهي هجي .. ٿي سگهي ٿو توهان ٻنهي دوستن جي مقابلي ۾ سائين نثار ابڙو سنڌ ۽ سنڌ جي اذيتن کي وڌيڪ گهرائي سان ڏٺو هجي... ان ڪري سندس هر تحرير ۾ سنڌ سان محبت جي جذباتيت ڪجهه وڌيڪ آهي ..
مون کي افسوس سان لکڻو ٿو پوي ته ڪافي موضوع ايندڙ مواد ڪري نه پر هڪ ٻئي سان اظهار تڪلم ڪري بند ڪيا ويا آهن... هن موضوع کي به هتي تالو لڳائيندي دوستن کي هڪ دفعو وري تلقين ڪجي ٿي ته بجاءِ ڪنهن رڪن کي غلط چوڻ جي گهرجي ته پنهنجي لکڻين ۾ صداقت جي پهلو کي ظاهر ڪن ... اميد ته آئنده ان ڳالهه طرف خاص خيال رکيو ويندو...