تو تان واريان جند، منهنجي مٺڙي سنڌ !

'شيخ اياز' فورم ۾ سليمان وساڻ طرفان آندل موضوعَ ‏2 مارچ 2011۔

  1. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,882
    ورتل پسنديدگيون:
    27,213
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي
    [​IMG]


    تو تان واريان جند، منهنجي مٺڙي سنڌ !

    تون آن منهنجو چنڊ، ته آهيان تنهنجو آءُ چڪور،
    تون بادل جئن برسين مون تي، مان هان تنهنجو مور،
    تو تان واريان جند،
    منهنجي مٺڙي سنڌ !

    تنهنجي ڌرتي، مون کي پرتي، منهنجو تو ۾ ساهه،
    تنهنجيءَ کيتيءَ، تنهنجي ريتيءَ سان آ منهنجو چاهه،
    تو تان واريان جند،
    منهنجي مٺڙي سنڌ !

    تنهنجو پاڻي منهنجو ساڻي، جنهن سان منهنجو جيءُ،
    تون سنڌوءَ جي ساهيڙي آن، او ڌرتيءَ جي ڌيءُ،
    تو تان واريان جند،
    منهنجي مٺڙي سنڌ !

    منهنجي من ۾ آهن تنهنجون چانڊوڪيون ۽ چيٽ،
    منهنجون لاتيون منهنجون باتيون، آهن تنهنجي ڀيٽ،
    تو تان واريان جند،
    منهنجي مٺڙي سنڌ !

    تنهنجيءَ ٻولي جو مان ٻيلي، واريان تنهن تان پاڻ،
    ڳالهيون تنهنجون ڳايان، منهنجو سُر آهي تو ساڻ،
    تو تان واريان جند،
    منهنجي مٺڙي سنڌ !

    مٺڙو آهي هر ماڻهوءَ لَيءِ پنهنجو پنهنجو ديس،
    پيارو آهي ساري جڳ کي، پنهنجو وَن ۽ ويس،
    تو تان واريان جند،
    منهنجي مٺڙي سنڌ !

    منهنجي سهڻي، منهنجي سسئي، منهنجو مومل آءُ!
    روئي روئي آءُ سبان اڄ، تنهنجو گهرو گهاءُ !
    تو تان واريان جند،
    منهنجي مٺڙي سنڌ !

    تنهنجا ويري ٿيندا ڪيري، تن جي منهن ۾ ڌوڙ،
    ساٿي آ سچ، تون بيٺي نچ، ڪيسين ڪڏندو ڪوڙ !
    تو تان واريان جند،
    منهنجي مٺڙي سنڌ !
     
    عبيد ٿهيم هيء پسند ڪيو آهي.
  2. عاشق سولنگي

    عاشق سولنگي
    سينيئر رڪن

    شموليت:
    ‏20 مئي 2010
    تحريرون:
    5,687
    ورتل پسنديدگيون:
    1,188
    ايوارڊ جون پوائينٽون:
    473
    ڌنڌو:
    ًپاڪ نيوي
    ماڳ:
    شڪارپور/ مدئجي
    جواب: تو تان واريان جند، منهنجي مٺڙي سنڌ !

    تنهنجي ڌرتي، مون کي پرتي، منهنجو تو ۾ ساهه،
    تنهنجيءَ کيتيءَ، تنهنجي ريتيءَ سان آ منهنجو چاهه،
    تو تان واريان جند،
    منهنجي مٺڙي سنڌ !


    واھ اياز شيخ۔۔جي تمام بهترين شاعري ونڊ ڪرڻ جي مهرباني۔
     
  3. رياض حسين گلال

    رياض حسين گلال
    نئون رڪن

    شموليت:
    ‏19 نومبر 2009
    تحريرون:
    4,559
    ورتل پسنديدگيون:
    340
    ايوارڊ جون پوائينٽون:
    0
    ڌنڌو:
    Student
    ماڳ:
    راڌڻ اسٽيشن ضلعو دادو
    جواب: تو تان واريان جند، منهنجي مٺڙي سنڌ !

    سٺي ونڊ آهي سائين .
     

هن صفحي کي مشهور ڪريو