دلشان جي بهترين ڪارڪردگي سبب سريلنڪا جي زمبابوي خلاف آسان فتح

[سليمان وساڻ]

ورلڊ ڪپ 2011 جي ڪالهوڪي کيڏيل ميچ ۾ سريلنڪن اوپنرز جي شاندار بئٽنگ ۽ خاص ڪري دلشان جي آل رائونڊ ڪارڪردگي سبب سريلنڪا جي ٽيم پنهنجي ڪمزور حريف زمبابوي کي شڪست ڏئي ڇڏي۔ پهريان کيڏندي سريلنڪن اوپنرز زبردست بئٽنگ ڪئي ۽ 45 اورز ۾ 282 رنسن جي پارٽنرشپ ٺاهي۔ اوپل ٿرانگا 133 ۽ تلڪارتني دلشان 144 رنسون ٺاهي آئوٽ ٿيا۔ جيتوڻيڪ اسڪور جي تيزي ۾ سريلنڪا جون 6 وڪيٽون صرف 26 رنسن تي ڪري پيون پر پوء به 50 اورز ۾ هنن 327 رنسون ٺاهيون۔ زمبابوي پاران پهرين وڪيٽ ٽن ڪلاڪن کانپوء 45 اوور ۾‌حاصل ڪئي وئي۔ زمبابوي جي ڪرس مافو 4 وڪيٽون حاصل ڪيون۔

جواب ۾ زمبابوي اوپنرن به بهتر راند پيش ڪئي ۽ 116 رنسن جي شراڪت قائم ڪئي پر پوء مرليڌرن ۽ دلشان جي بهترين بالنگ اڳيان پوري ٽيم 39 هين اوور ۾ 188 رنسن تي آئوٽ ٿي وئي۔ زمبابوي پاران اوپنر برينڊن ٽيلر 88 رنسون ٺاهيون۔ سريلنڪا جي دلشان 4 ۽ مرلي 3 وڪيٽون حاصل ڪيون۔
​

اڄوڪي ميچ جو هيرو تليڪا رتني دلشان

​

http://www.youtube.com/watch?v=pAiHzC8FC5U